Naməhrəm fotoqrafın şəkilləri çıxartması
İslami hicabı olmadan çəkilən fotoşəkli çıxarmaq üçün naməhrəm fotoqrafa verməyin işkalı varmı?
Fotoqraf şəklin sahibini tanımasa, habelə xas bir fəsada səbəb olmasa, maneəsi yoxdur.
Gəlinin bəkarətini müayinə etmək
Gəlin gedəcək qız ehtiyat edərək öz bakirəliyini yoxlamaq üçün qadın həkimə və ya qadın həkimi olmayan yerdə kişi həkiminə müraciət edərsə, bu iş, toxunmaq lazım olduğunu nəzərə almaqla caizdirmi?
Bu işi etməmək mühüm fəsad və ixtilafların yaranmasına səbəb olarsa, caizdir. Belə halda imkan daxilində qadın həkiminə müraciət olunmalı və mümkündürsə, baxmadan, məsələn, əlcək və bu kimi vəsaitdən istifadə etməklə bir-başa olmayan şəkildə toxunmaqla olmalıdır.
Qəsdən olmadan naməhrəmə baxmaq
Bu günlərdə ictimaiyyət içində bəzənmiş qadınlar çox gözə dəyirlər. Ehtiras və şəhvət məqsədi olmadan onlara baxmaq caizdirmi? Caiz deyilsə, bilməyərəkdən onlara baxmağın hökmü nədir?
Onlara qəsdən olmayan baxışın eybi yoxdur. Belə qadınların küçələrdə çıxması, müsəlman kişilərinin küçələrdə gedib-gəlmələrinə mane ola bilməz, hətta gözlərinin ixtiyarsız olaraq onlara düşəcəyini bilsələr belə.
Köçəri tayfaların qadınlarına baxmaq
Çadırlarda yaşayan və adətən, baş tüklərinin bir qismi görünən qadınların üzlərinə baxmağın naməhrəm kişi üçün hökmü nədir? Qeyd etmək lazımdır ki, onlar belə geyinməyə adət etmişlər və heç bir öyüd-nəsihətə, xəbərdarlığa da qulaq asmırlar.
Əgər ləzzət almaq və reybə qəsdi olmasa, eybi yoxdur.
Toy mərasimlərində şəkil çəkdirmək
Dindar bacılar adətən pis hicablı və bəzənmiş halda olduqları toy və nişan məclislərində fotoaparat qarşısında dayanıb fotoqraf bacılara şəkil çəkdirə bilərlərmi? Bunu da demək lazımdır ki, belə şəkillərin çıxarılması naməhrəm kişilər vasitəsi ilə baş verir.
Qadınların qadınlar vasitəsilə fotoşəkil çəkdirmələrinin eybi yoxdur, amma naməhrəm kişilərin əlinə düşərsə, onları tanıyarlarsa və fəsad mənbəyinə çevrilərsə, işkalı var.
Talağı verilmiş və ya dünyadan getmiş arvadın şəkillərinə baxmaq
Ərlə arvad bir yerdə fotoşəkil çəkdirirlər, lakin kişinin və qadının kamil və kifayət qədər hicabı yoxdur. Sonra kişi və ya qadın dünyadan gedir və ya bir-birindən ayrılırlar. Ölümdən və ya boşanandan sonra keçmişdə çəkdirdikləri şəkillərə baxa bilərlərmi?
Vəfat hallarında eybi yoxdur, lakin boşanma hallarında baxmasınlar.
Tibbi praktika üçün cinsiyyət orqanlarına baxmağın hökmləri
Tibb və tibb bacısı ixtisaslarında təhsil alan tələbələr üçün mamalıq və doğuş sahələrində dərs vahidlərini oxumaq məcburidir. Bu məcburiyyət təhsil üçün qadının cinsiyyət orqanlarına baxmağı caiz edirmi?
Belə bir dərsin keçilməsi yalnız zəruri hallarda caizdir.
Tələbənin tibbi kitablardakı şəkillərə baxması
Tibbi kitablarda mövcud olan və tələbələrə tədrisi zəruri olan və bəzən də təhrik edici olan çılpaq şəkillərə baxmağın hökmü nədir?
Ləzzət və reybə qəsdi olmadan eybi yoxdur. Əgər belə halət öz-özünə meydana gəlsə, yalnız zəruri hallarda və zəruri olan miqdarda baxsınlar.
Sinif otağında hicaba riayət etməyin lazımlığı
Lövhədə yazı yazdığı zaman qadının şəriətdə icazə verilən miqdardan artıq görünən üzünə, saçlarına və əllərinə baxmağın hökmü nədir? (Təbii ki, müəllimin başa salmağı və tələbələrin başa düşmələri üçün.)
Hicaba elə riayət olunmalıdır ki, üz və əllərdən artıq (miqdar) görünməsin.
Müəllim və tələbənin bir-birlərinə baxmaları
Ali məktəblərdə həm kişi, həm də qadın müəllimlər tədris edirlər. Oğlan tələbələrin qadın müəlliməyə baxmasının və əksinə, hökmü nədir?
Əgər bu baxışlar meyl (şəhvət) və ehtirasla olmasa, üz və əllərinə baxmağın eybi yoxdur.
Televizorda xarici və İran filmlərinə tamaşa etmək
Xarici ölkələrdə İran filmlərinə və İran İslam respublikasının televiziyasında xarici filmlərə tamaşa etməyin hökmü nədir?
Qeyri-şəri səhnələri və musiqiləri olmayan İran filmlərinə tamaşa etmək, istər ölkə daxilində, istərsə də xaricdə olan vətəndaşlara caizdir. Əks halda isə caiz deyil. Xarici filmlərə gəldikdə isə, onların qeyri-şəri səhnələri senzuradan keçirsə (filmdən çıxarılırsa), maneəsi yoxdur.
