Əgər uşağın pozulmaq (tərbiyəsiz böyümək) təhlükəsi varsa, uşağı belə anaya tapşırmaq olmaz.
Şəriət hakimi uşağın atasının yanında qalacağı təqdirdə fəsad və pozğunluqla üzləşəcəyini müəyyən etsə, onun uşağı saxlamaq hüququ öz qüvvəsindən düşəcəkdir.
Belə hallarda şəriət hakimi qərar çıxarmalı və fəsad yaranarsa, onun qarşısını almalıdır.
Uşağı həddi-buluğa çatana qədər saxlamaq və onun qayğısına qalmaqla bağlı, hətta ərə getsə belə, anası babasından irəlidir. Lakin onun əmlakına qəyyumluq cəhətindən isə babası irəlidir və ananın uşağın əmlakına heç bir vilayəti yoxdur.
İstər daimi evlilik olsun, istərsə müvəqqəti, ərə getdiyi zaman qadının uşağa baxmaq hüququ qüvvədən düşür. Amma müvəqqəti evliliyin müddəti qısa olsa, yalnız bu halda qüvvədən düşmür. İkinci ərindən talaq aldığı təqdirdə isə, uşağı saxlamaq hüququ ona qayıtmır. Baxmayaraq ki, ərlə arvadın bu barədə razılığa gəlməsi ehtiyat müstəhəbdir.
Saxlamaq və ona baxmaq nöqteyi-nəzərindən halalzadə uşaq kimidir.
