عقد نکاح میں ایجاب وقبول کرنے والوں کا متعدد ہونا
کیا نکاح کا صیغہ جاری کرنے کے لئے مرد اور عورت کے جدا جدا وکیل ہونا لازم ہے ؟
صیغہ عقد جاری کرنے کے لئے دونوں وکیلوں کا الگ الگ ہونا مستحب ہے ۔
ڈاکٹر کا حمل کے ناقص ہونے کی اطلاع دینا
اگر ڈاکٹر سمجھ جائے کہ شکم میں جو بچہ ہے اس کے کسی عضو میں نقص پایا جاتا ہے تو کیا اس کے لیے یہ بات بچے کے والدین کو بتانا ضروری ہے؟ اور اگر اسے یہ احتمال ہو کہ اگر بتا دے گا تو وہ اسے سقط کرا دیں گے یا شاید اس کے نقص کو دور کرنے کی کوشش کریں گے جبکہ صحیح ہونے ہونے کا احتمال بہت کم ہو، اور اگر ڈاکٹر اطلاع نہ دے تو وہ اس کی شکایت کر سکتے ہیں تو ان حالات میں اس کا شرعی فریضہ کیا ہے؟
جواب: ڈاکٹر کے انہیں بتا دینے میں کوئی حرج نہیں ہے ۔
مشین کے ذریعہ حمل کو رشد دینا
ڈاکٹروں کے نظریے کے مطابق اگر بچہ ماں کے شکم میں رہے تو اس کی جان کو خطرہ ہو سکتا ہے لیکن اگر اسے باہر نکال کر مشین میں رکھا جائے تو وہ زندہ رہ سکتا ہے تو:الف: اس بارے میں حکم کیا ہے؟ کیا اس کو ماں کے شکم سے باہر نکالا جا سکتا ہے؟ب: کیا اس مسئلہ میں روح پڑنے یا نہ پڑنے کی حالت سے کوئی فرق پڑ سکتا ہے؟
جواب: الف۔ اگر ایسا ہونا قطعی اور یقینی ہو تو نہ صرف یہ کہ ایسا کرنے میں کوئی حرج نہیں ہے بلکہ ایسا کرنا ہی مطابق احتیاط ہے ۔ب: دونوں صورتوں میں کوئی فرق نہیں پایا جاتا ہے ۔
حاملہ کے لیے ہائی پاور دوا تجویز کرنا
ایسے مریض جو درد سے شدید بے چین اور پریشان رہتے ہیں لیکن اگر انہیں قوی سکون آور دوا دی جائے تو آرام ملتا ہے مگر ساتھ ہی اس بات کا قوی احتمال ہوتا ہے کہ وہ آئندہ حاملہ کو پیش آنے والے عوارض یا دوسرے عوارض کا شکار ہو سکتے ہیں تو اس طرح کے موارد میں ڈاکٹر کا کیا فریضہ بنتا ہے؟
جواب: اگر ایسا ضرر ہے، جو درد سے نجات دلانے کے لیے دی جانے والی دوا کے مقابلہ میں عقلاء کے نزدیک قابل قبول ہوتا ہے تو ایسا کرنے میں کوئی حرج نہیں ہے لیکن اگر ضرر ایسا ہو جو اس کی جان کو خطرہ میں ڈال رہا ہو تو جائز نہیں ہے اور اگر مریضہ کو ضرر نہ پہچا کر شکم میں موجود بچے کو نقصان پہچا رہی ہو تو بھی جائز نہیں ہے ۔
قتل کے خوف سے ناجائز بچے کا ساقط کرانا
ایک لڑکی زنا سے حاملہ ہوئی ہے ۔ گھر والوں کے مطلع ہوجانے کی صورت میں لڑکی کے قتل کا خطرہ ہے ۔ کیا وہ سقط جنین کرسکتی ہے ؟ اس کی دیت کیا ہے ؟
جواب: جبکہ واقعاً اس کی جان کو خطرہ ہو اور بچہ بھی چار مہینے سے کم کا ہو تو سقط جنین جائز ہے اور اس کی دیت بیت المال کو ادا کرے گی ۔
لواط کرنے والے کے بالغ ہونے میں شک
ایک شخص نے ایک لڑکے سے لواط کیا ہے لیکن اس کو اس بارے میں شک ہے کہ اس وقت وہ بالغ تھا یا نہیں ، کیا اس شخص کو اس لڑکے کی بہن ، بیٹی یا ماں سے شادی کرنا جائز ہے ؟
اگر فاعل ( لواط کرنے والے ) کے بالغ ہونے میں شک ہو تو اس صورت میں اس لڑکے کی بہن ، بیٹی اور ماں اس پر حرام نہیں ہوگی ۔
نامحرم سے بات چیت کرنا
کیا کُلّی طور پر، نامحرم عورت سے کفتگو کرنا جائز ہے ؟
جواب:۔ اگر معمول اور، رواج کے مطابق ہو تو اس صورت میں کوئی مانع نہیں ہے .
خواتین کی مجالس کی آواز سننا
بعض خواتین کا کام، زنانہ مجالس میں اہلبیت (ع) سے توسل کرنا (یعنی ذاکری کرنا دعائیں پڑھنا) ہے کبھی کبھی اتفاق سے، جب وہ خواتین مجلس پڑھنے میں مصروف ہوتی ہیں تو ، گھر کے صحن میں کوئی مرد یا اچھے برے کی تمیز رکھنے ولا بچہ ، آجاتا ہے اور اس خاتون کی آواز سن لیتا ہے، اس قسم کی مجلسیں پڑھنے کا کیا حکم ہے ؟
جواب:۔ اس مورد میں جو آپ نے تحریر کیا ہے اپنی آواز کو آہستہ کریں اور یا ترنم میں نہ پڑھیں.
باراتیں
دلہن کی گاڑی کو سجانا اور شہرمیں ہورن بجانا، اگر گاڑی کے اندر نامحرموں کے دیکھنے کا سبب ہو، یا لوگوں کی اذیت اور مزاحمت کا باعث ہو تو اس کا کیا حکم ہے؟
اگر لوگوں کے آزار واذیت کا سبب ہو تو اشکال ہے ۔
شادی کی تقریبات میںدائرہ بنا کر گھومنا و گا نا وغیرہ
شادی کی تقریب یا دیگر محفلوں میں دائرہ کی شکل میں گھوم کر نغمہ سرائی کرنا کیسا ہے ؟(بعض عرب اور ایران کے کچھ علاقوں میں مرسوم ہے کہ شادی کے موقع پر مرد ای دائرے کی شکل میں گھوم کر اور سب ملکر کچھ گاتے ہیں یا آواز نکالتے ہیں )
جواب : دائرہ بنانے کا حکم موسیقی کے تمام آلات کا حکم ہے اور شادی تقریب یا دیگر تقریب میں کوئی فرق نہیں ہے (احتیاط واجب کی بنا پر)
ایک دوسرے سے چپکے ہوئے جڑواں لوگوں کی شادی
دو جڑواں بچے جو ایک دوسرے سے چپکے ہوئے ہوں، ان کی شادی کا حکم بیان فرمائیں ؟
جواب:۔ اگر شادی کو ترک اور احتیاط پر عمل کرسکتے ہوں نیز شدید مشقت کا شکار نہ ہوں تو اس صورت میں احتیاط یہ ہے کہ شادی کرنے سے صرف نظر کریں لیکن اگر شادی کرنے پرمجبور ہوں تو اُن دولڑکیوں کی نمبروار یکی بعد دےگری ایک مرد سے شادی کردیں اس ترتیب کے ساتھ کہ پہلے وہ مرد، ان میں سے ایک لڑکی سے شادی کرے اور بعد میں اُسےطلاق دینے اور اس کے عدت گذارنے کے بعد دوسری سے شادی کرے (البتہ باربار طلاق کی مشکل سے بچنے کیلئے نکاح متعہ سے استفادہ کرسکتا ہے) دو جڑواں لڑکوں کےسلسلے میں بھی احتیاط یہ ہے کہ اگر ممکن ہو تو شادی نکریں، اور ضرورت کی صورت ایک وقت میں ایک لڑکی سے شادی کرنا جائز نہیں ہے لیکن اوپر بیان کیےٴ گئے طریقہ کے مطابقایک عورت سے شادی کرسکتے ہیں ، بہر حال چونکہ اس طرح کے اشخاص بہت ہی کم ہوتے ہیں لہذا، ان شرعی احکام کا بیان بھی، اگر عجیب نظر آئے تو بحث و گفتگو کی جگہ نہیں ہے
