منیٰ میں خواتین کا وقوف
کیاایسا ہو سکتا ہے کہ خواتین، بارہویں کی شب میں رمی جمرات کریں اور اسی شب مکہ واپس آجائیں اور پھر دوبارہ پلٹ کر منیٰ میں نہ جائیں یا مردوں کی طرح ظہر کے وقت تک ان کا بھی منیٰ میں رہنا ضروری ہے ؟
جواب :۔ مردوں کی طرح ظہر کے وقت تک ان کا بھی منیٰ میں رہنا ضروری ہے مگر یہ کہ منیٰ میں ر ہنے سے معذور ہوں ۔
خواتین کا نامحرم کے جسم سے مس ہونے سے بچنے کے لئے رمی جمرات کے لئے مردوں کو نائب بنانا
کیا خواتین نامحرم کے جسم سے مس ہونے سے بچنے کے لئے رمی جمرات کے لئے مردوں کو نائب بنا سکتی ہیں ؟
جواب :۔ عورت کو رمی کا عمل خود انجام دینا چاہئیے ۔
۔منیٰ میں بیتوتہ (شب گذاری )کی مدت
کیا حج کرنے والے حضرات بارہویں کی شب، شرعی لحاظ سے آدھی شب کے بعد، مکہ میں آسکتے ہیں اور بارہویں کوعصر کے وقت فقط رمی جمرات کے لئے واپس منیٰ چلے جائیں اور اپنے اعمال انجام دیں ؟
جواب :۔ بیتوتہ( شب گزارنے ) کے لئے رات کا پہلا آدھا حصہ یا دوسرا آدھا حصہ وہاں پر رہنا کافی ہے ۔
جس کے لئے دن کے وقت ،رمی کا عمل انجام دینا ، مقدور نہیں ہے
مجھ جیسے لوگوں کے لئے دن کے وقت ،رمی کا عمل انجام دینا ، مقدور نہیں ہے ، کیا شب میں رمی جمرات کرسکتے ہیں، جو اب مثبت ہو نے کی صورت میں کیا میرے ساتھی بھی رات کے وقت رمی جمرات کرسکتے ہیں ؟
جواب :۔ آپ شب میں رمی جمرات کرسکتے ہیں لیکن آپ کے ساتھی قادر ہیں تو دن میں رمی کا عمل انجام دیں ۔
دوسری منزل سے رمی جمرات
فوقانی منزل سے رمی جمرات کا کیا حکم ہے ؟
جواب :۔ ازدھام کے وقت جائز ہے ۔
جس شخص نے بغیر کسی عذر کے رمی جمرہ کے لئے نایب کیا ہو
حج کے ایام میں اگر شیطان کو پتھر مارنے کیلئے کسی دوسرے کو نائب بنائے اگر چہ یہ شخص خود مریض نہیں ہے اور ڈاکٹر وغیرہ نے بھی کچھ نہیں کہا ہے بلکہ دو آدمیوں نے اس کواس بات کی ترغیب دلائی اور اس نے بھی قبول کرلیا اور خود نہیں گیابلکہ کسی دوسرے شخص کو بھیج دیا ، اب اسے کیا کرنا چاہئے؟
اس کا حج باطل نہیں ہے لیکن اگلے سال نایب کرے تاکہ وہ اس کی طرف سے اس عمل کو انجام دے ۔
منیٰ کے باہر بعض حاجیوں کاخیمہ نصب کرنا
حاجیوں کی کثیر تعداد ہونے کی وجہ سے بعض حاجیوں کے خیمے منیٰ کے باہر نصب ہوتے ہیں ان کا کیا وظیفہ ہے ؟
جواب :۔ ضرورت کے وقت اشکال نہیں ہے اور اس صورت کے علاوہ جائز نہیں ہے ۔
منیٰ کے باہر بعض حاجیوں کاخیمہ نصب کرنا
حاجیوں کی کثیر تعداد ہونے کی وجہ سے بعض حاجیوں کے خیمے منیٰ کے باہر نصب ہوتے ہیں ان کا کیا وظیفہ ہے ؟
جواب :۔ ضرورت کے وقت اشکال نہیں ہے اور اس صورت کے علاوہ جائز نہیں ہے ۔
جو شخص رات میں رمی جمرات (شیطان پر کنکریا ں مارنے) پر قادر ہے
جو خاتون ذی الحجہ کی دسویں گیارھویں اور بارہویں تاریخ میں دن کے وقت ، رمی جمرات( شیطان پر پتھرمارنے) پر قادر نہیں ہے لیکن راتوں میں ، رمی جمرہ ، انجام دے سکتی ہے یا تیرھویں دن ، تینوں دن کی قضا بجا لاسکتی ہے کیا ایسی خاتون دوسرے شخص کی جانب سے ، نائب بن سکتی ہے ؟ اور اگر ممکن ہے تو کیا تمام مذکورہ صورتیں یکساں ہیں یا کوئی فرق ہے ؟
جواب :۔ اس کی نیابت صحیح ہے اور ا س کو راتوں میں رمی جمرہ انجام دینا چاہئیے ۔
رات کے دوسرے حصے میں منیٰ میں بیتوتہ (شب گذاری )
جس شخص نے رات کے پہلے آدھے حصہ میں منیٰ سے باہر بیتوتہ کیا ہے کیا بیتوتہ کرنے کے لئے منیٰ میں واپس جائے بغیر اس کے لئے مسجد الحرام میں جانااور شب کے دوسرے آدھے حصہ میں بیتوتہ کرنا جائز ہے ؟
جواب :۔ احتیاط واجب یہ ہے کہ شب کے دوسرے آدھے حصہ میں بیتوتہ کرنے کے لئے واپس منیٰ میں چلا جائے ۔