قتل عمد میں حقِ قصاص کا مالک
قتل عمد میں حق ِ قصاص کا مالک کون ہے؟ مجنی علیہ (مقتول) یا اولیاء دم (وارثین)
مجنی علیہ حقِ قصاص کا مالک ہے اوریہ حق اس سے ورثہ کی طرف منتقل ہوتا ہے۔
وہ اشخاص جو قسم کھانے کی صلاحیت رکھتے ہیں
کیا قسامہ میں (چاہے قتل میں ہو یا جرح میں) وارث فعلی معتبر ہے؟یا دوسرے طبقات کے افراد بھی قسم کھا سکتے ہیں؟
جواب : وارث فعلی شرط نہیں ہے، یہاں تک کہ اگر قوم وقبیلہ کے افراد بھی ہوں تو بھی کوئی مانع نہیں ہے۔
چھوٹے زخموں میں قسامہ کا جاری کرنا
اگر طرفین کے دعویٰ کا جھگڑا ثابت ہوجائے لیکن مدعی کے پاس اس کے زخمی ہونے کا کوئی گواہ نہ ہو، فقط ایک شخص اس طرح بیان دے کہ میں نے مدعیٰ علیہ(ملزِم) کے ہاتھ میں چاقو دیکھا تھا ، کیا یہ مورد (شک) کے موارد سے ہوگا، یا یہ لازم ہے کہ مدعیٰ علیہ(ملزِم)منکر کے عنوان سے قسم کھائے؟ کیا تھوڑے بہت نقصانات میں بھی منکر یا مدعی قسم کھا سکتے ہیں؟
جواب : فقط ایک شخص کی شہادت پر جس صورت میں آپ نے اوپر ذکر کی ہے، لوث(شک) ثابت نہیں ہوتا جزئی نقصانات میں بھی ( جیسے انگلی کے ایک پورے پر بھی جنایت کا وارد ہونا) قسامہ کا حکم جاری ہوتا ہے۔
قسامہ میں قسم کھانے والوں کا عادل ہونا
کیا قسامہ میں قسم کھانے والوں کے عادل ہونے کے شرائط ، شہود کے عادل ہونے کے شرائط کے مانند ہیں؟
جواب : ان کا عادل ہونے کو ثابت کرنا شرط نہیں ہے۔
متعدد جراحتوں میں ملزم کے منسوبین کا قسامہ کو تکرار کرنا
کیا جراحتوں میں تعدد قسامہ کے لازمیہونے کی صورت میں ، مدعی کے نزدیکی رشتہ داروں کے لئے لازم ہے کہ قسم کھائیں، یا مدعی ہی کے قسامہ کا تکرار کافی ہے؟ ایسے ہی اس صورت میں جب مدعیٰ علیہ(ملزم) قسم کھائے پھر بھی ملزم کا قسم کو تکرار کرنا یا موضوع سے آگاہ ہونے کی صورت میں رشتہ داروں کے ذریعہ قسامہ کا تکمیل کرنا لازم ہے؟
جواب : جی ہاں، لازم ہے ، مدعین کے منسوبین ، علم کی صورت میں قسم کھائیں، ایسے ہی اس صورت میں جب مدعی علیہ قسم کھائے۔
ملزم کے ان رشتہ داروں کا حاضر کرنا جو موقعہ واردات پر حاضر نہیں تھے
اگر محکمہ کا قاضی قرائن کے ذریعہ علم حاصل کرلے کہ دوسرے وارثین علم نہیں رکھتے، یا مدعی خود کہے کہ میرے منسوبین علم نہیں رکھتے اور موقعہ واردات پر کوئی اور شاہد بھی نہیں تھا، فقط میں ہی یقین رکھتا ہوں ، کیا پھر بھی منسوبین کو حاضر کرنا لازم ہے؟
جواب : اگر بقیہ افراد علم نہ رکھتے ہوں تو ان کا حاضر کرنا ضروری نہیں۔
عورت کی گواہی سے لوث کا محقق ہوجانا
بعض فقہاء نے لوث میں کچھ عورتوں کی ایک جماعت کی شہادت کو بھی قبول کیا ہے، لیکن امام خمینی(ره) نے فرمایا ہے : لوث عورتوں کی شہادت سے حاصل نہیں ہوتالہٰذا آپ فرمائیے جماعت سے منظور کیا ہے؟ کیا ایک عورت کی شہادت سے خصوصاً قتل عمد یا غیر عمد میں لوث ثابت ہوجاتا ہے؟ اگر ایک عورت کسی ایک شخص کے قاتل ہونے کی شہادت دیتی ہے اور مرد کسی دوسرے شخص کے قاتل ہونے کی شہادت دیتا ہیتو کیا لوث ثابت ہوجاتا ہے؟
جواب : اگرعورتوں کی ایک مورداعتماد جماعت شہادت دے تو لوث ثابت ہوجاتا ہے۔
ارش والی جراحتوں میں قسامہ کا جاری کرنا
کیا قسامہ ان جراحتوں میں جو ارش کا سبب بنتی ہیں ، یا غیر جراحت عوامل جو ارش کا سبب ہوتے ہیں، جاری ہوسکتا ہے ؟
جواب : اس طرح کے موارد میں بھی قسامہ ثابت ہے، بشرطیکہ ارش قابل ملاحظہ ہو۔
علم کے بغیر قتل کے دعویداروں کا قسم کھانا
بارہ سال کی عمر کے دو بچّے جو ایک کلاس میں تھے، اسکول کھلنے کے وقت سے پہلے، نہر کی طرف چلے جاتے ہیں، ان میں سے ایک بچّہ نہر میں گر کر ڈوب جاتا ہے، غرق ہونے والے بچّہ کے ولی دعویدار ہیں کہ اس کے ساتھی بچہ نے اُسے نہر میں دھکا دیا ہے جس کے نتیجہ میں وہ نہر میں گرکر ڈوب گیا ہے، لیکن ملزم بچہ اس بات سے انکار کرتا ہے اور گواہ بھی پیش نہیں کئے گئے ہیں یہاں تک کہ ان کے ہم عمر بچہ کو بھی اس بات کی اطلاع نہیں ہے، بہرحال مذکورہ بیان کو ملحوظ رکھتے ہوئے چنانچہ بات قسم پر آجائے تو کون قسم کھائے گا، نیز کیا اس مسئلہ کا کوئی دوسرا راہ حال بھی ہے؟
یہ بات ملحوظ رکھتے ہوئے کہ مسئلہ کے فرض میں، وہاں پر کوئی موجود نہیں تھا اور قسم کھانے والوں کے لئے علم ہونا لازم ہے،نیز مدعی یا دعویداروں کے لئے قسم کھانے کا کوئی موضوع ہی نہیں ہے اورچونکہ جرم کوثابت کرنے کی کوئی دلیل موجود نہیں ہے، لہٰذا ملزم بری ہوجائے گا البتہ احتیاط یہ ہے کہ (ملزم) بچہ قسم کھائے ۔
