مسئلہ 503 : اگر کسي زندہ يا ايسے مردہ سے کہ جس کو غسل نہيں ديا گيا ہے کوئي ايسا ٹکڑا جدا ہوجائے جس ميں ہڈي ہو مثلا ايک ہاتھ يا ايک انگلي تو جو بھي اس کو مس کرے گا اس پر غسل واجب ہوجائے گا ليکن اگر ہڈي نہ ہو توغسل نہيں ہے اسي طرح تنہا ہڈي يا زندہ يا مردہ کا دانت جدا ہوجائے تو چھونے سے غسل واجب نہ ہوگا.
مسئلہ 504 : غسل مس ميت غسل جنابت کي طرح کيا جاتا ہے اور اس کے بعد وضو کي بھي ضرورت نہيں ہے اگر چہ احتياط مستحب ہے کہ وضو کرے.
مسئلہ 505 : اگر کئی مُردوں کو مس کرے یاایک ہی میت کو چند بار چھولے تو سب کے لئے ایک ہی غسل کافی ہے۔
مسئلہ 506 : جس پر غسل مس میت واجب ہو وہ مسجد میں جاسکتا ہے ، سورہ ہائے سجدہ کو پڑھ سکتا ہےاور اپنی بیوی سے ہمبستری کرسکتا ہے البتہ نماز و طواف وغیرہ کے لئے غسل کرنا ضروری ہےگویا یعنی جس پرغسل مس میت واجب ہے اس کی مثال اس شخص کی ہے جو بے وضو ہے۔
مسئلہ 525 : اگر بيري کے پتے اور کافور پاني ميں اتنا ہو کہ پاني مضاف ہوجائے تو کوئي حرج نہيں ہے البتہ اتنا کم نہ ہو کہ کہا جانے لگے اس ميں بيري کے پتے يا کافور ملايا ہي نہيں گيا ہے اگر مضاف ہوجائے تو بہتر يہ ہے کہ ميت کو پہلے اس سے دھوئيں اس کے بعد پاني اس کے اوپر ڈال ديں تاکہ مطلق کي صورت ہوجائے.
مسئلہ 526 : اگر ضرورت کے مطابق بيري کے پتے او رکافور نہ مل سکے تو بناء براحتياط واجب جتنا بھي مل سکے پاني ميں ڈال ديں اور اگر بالکل نہ ملے تو اس کے بدلے خالص پاني سے غسل دےديں.
مسئلہ 527 : حج يا عمرہ کا احرام باندھنے والا شخص اگرطواف تمام کرنے اور اس پر خوشبو حلال ہونے سے پہلے مرجائے تو اس کو کافور کے پاني کے بجائے خالص پاني سے غسل دينا چاہئے.
مسئلہ 528 : ميت کو غسل دينے والے کو مسلمان، بالغ، عاقل، ہونا چاہئے اورغسل کے لازمي مسائل کو جاننے والا ہونا چاہئے اور احتياط مستحب ہے کہ شيعہ اثنا عشري بھي ہو.
مسئلہ 532 : مرد ، عورت کو او رعورت، مرد کو غسل نہيں دے سکتے البتہ مياں، بيوي ايک دوسرے کو غسل دے سکتے ہيں اگر چہ احتياط مستحب يہ ہے کہ اگر ضرورت نہ ہو تو يہ کام نہ کريں(يعني مياں، بيوي بھي ايک دوسرے کو غسل نہ ديں).
مسئلہ 531 : اسقاط شدہ بچہ اگرچار ماہ يا اس سے زيادہ کا ہو تو اس کو بھي غسل دينا چاہئے اور اگر اس سے کم ہو تو بناء براحتياط واجب بغير غسل کے ايک کپڑے ميں لپيٹ کر دفن کرديں.
مسئلہ 539 : ميت کو غسل دينے کے لئے مزدوري لينا جائز نہيں ہے البتہ مقدمات کے لئے مثلا اس کو پاک کرنے کے لئے اور اسي قسم کے کاموں کے لئے اجرت لينے ميں اشکال نہيں ہے.
مسئلہ 540 : اگر پاني نہ ملے يا ميت کا بدن ايسا ہو کہ اس کو غسل نہ ديا جاسکتا ہو يا کسي بھي مجبوري کي وجہ سے اگرغسل نہ ديا جاسکتا ہو تو ميت کو ہر غسل کے بدلے ايک تيمم ديں اس طرح کہ تيمم دينے والا ميت کے روبرو بيٹھے اور اپنے ہاتھوں کو زمين پر مارے اور ميت کے چہرے اور ہتھيليوں کي پشت پرہاتھ پھيرے.
