جامع المسایل، شرعی احکام اور فقہی مسائل کے جوابات کا مرکز

مسئلہ 644 : جس چيز پر تيمم کيا جائے بناء بر احتياط واجب وہ غصبي نہ ہو ليکن اگر نہ جانتا ہو کہ غصبي ہے يا بھول گيا ہو تو اس کا تيمم صحيح ہے ليکن اگر خود ہي غاصب ہے تو بھولنے پر بھي تيمم صحيح نہ ہوگا.

مسئلہ 645: جوشخص کسي غصبي جگہ پر قيد کرديا گيا ہو وہ اس جگہ کے پتھر يا مٹي پر تيمم کرکے نماز پڑھ سکتا ہے.

مسئلہ 647 : بہتر ہے کہ آلودہ زمینوں ، گہری زمینوں، سڑکوں کے کنارے کی زمینوں، شورہ زار زمینوں پر-اگر نمک نہ جما ہو- تیمم کرنے سے پرہیز کیا جائے۔لیکن اگر شور ہ زار زمین پر نمک جم ہوگیا ہو تو اس پر تیمم باطل ہے اور اگر خاک اس طرح آلودہ ہو کہ تیمم سے بیماری کا خطرہ ہو تو بناء بر احتیاط واجب تیمم کے بغیر نماز پڑھے اور بعد میں قضاء کرے۔

مسئلہ 650 : پوري پيشاني اور پوري ہتھيليوں کي پشت کا مسح ضروري ہے اگر تھوڑا سا بھي مسح سے رہ گيا تو تيمم باطل ہے چاہے جان بوجھ کر چھوڑ دے يا بھولے سے چھوٹ جائے ليکن بہت زيادہ دقت کي بھي ضرورت نہيں ہے بس اتنا کافي ہے کہ کہا جائے پوري پيشاني اور دونوں ہاتھوں کي پشت کا مسح کرليا ہے.

مسئلہ 652 : نيت کرتے وقت يہ معين کرنا ضروري نہيں ہے کہ يہ تيمم وضو کے بدلے ميں ہے، يا غسل کے بدلے ميں ہے صرف اگر اللہ کے حکم کي اطاعت کا قصد ہو تو کافي ہے بلکہ اگر ايک کي جگہ دوسرے کي نيت کرے ليکن اس کا قصد اللہ کے حکم واقعي کي اطاعت ہو تو تيمم صحيح ہے.

مسئلہ 653 : بناء بر احتياط واجب تيمم کے اعضاء او رہتھيلياں پاک ہوں البتہ اگر ہتھيلي نجس ہو اور اس کو پاک نہ کرسکتا ہو تو اسي طرح تيمم کرے.

مسئلہ 654 : تیمم کے اعضاء تیمم پر جو رکاوٹیں ہوں ان کو دور کردینا چاہئے اگر ہاتھ میں انگوٹھی ہو تو اتار دے اسی طرح اگر سر کے بال پیشانی پر گرے ہوں تو ان کو ہٹا دے یہاں تک کہ اگر قابل توجہ احتمال ہو کہ کوئی رکاوٹ ہے تو اس کی تحقیق کرنی چاہئے۔

مسئلہ 655 : اگر پيشاني يا ہتھيليوں کي پشت يا ہتھيليوں پر زخم ہو اور اس پر کوئي کپڑا يا کوئي دوسري ايسي چيز بندھي ہو جس کا کھولنا ممکن نہ ہو يا کھولنے سے نقصان ہوتا ہو تو اسي طرح تيمم کرے.

مسئلہ 656 : اگر کوئي خود تيمم نہيں کرسکتا تو نائب مقرر کرے جو ا س کے ہاتھوں کو زمين پر مارے يا اگر يہ ممکن نہيں ہے تو زمين پر رکھے اور اسي کے ہاتھ سے اس کو تيمم کردے اور اگر يہ ممکن نہ ہو تو نائب اپنے ہاتھ کو ايسي چيز پر مارے جس پر تيمم کرنا صحيح ہو اور اپنے ہاتھ کو اس کي پيشاني اور ہاتھ کي پشت پر پھيرے.

مسئلہ 657 : تيمم کرچکنے کے بعد اگر شک ہو کہ صحيح کيا تھا کہ نہيں تو اعتناء نہ کرے ليکن اگر تيمم کرنے کے درميان ميں شک ہوجائے تو بناء بر احتياط واجب پلٹ کر مشکوک حصے کو دوبارہ بجالائے.

مسئلہ 658 : جس کا فريضہ تيمم ہے وہ نماز کے وقت سے پہلے تيمم نہ کرے التبہ اگر کسي دوسرے واجب يا مستحب کام کے لئے تيمم کيا ہو او رنماز کے وقت تک اس کا عذر باقي رہے تو اسي تيمم سے نماز پڑھ سکتا ہے.

مسئلہ 660 : جو شخص تيمم سے نماز پڑھتا ہو وہ اس حال ميں قضا نماز بھي پڑھ سکتا ہے ليکن اگر يقين ہو کہ عذر بہت جلد ختم ہوجانے کي اميد ہو تو تاخير کرے.