جامع المسایل، شرعی احکام اور فقہی مسائل کے جوابات کا مرکز

مسئلہ 672 : نماز ظہر وعصر کا وقت اول ظہر شرعی (آفتاب کا وسط آسمان سے مغرب کی طرف مائل ہونے)سے غروب آفتاب تک ہے۔ سب سے بہتر ین طریقہ وقت ظہر کے داخل ہونے کے معلوم کرنے کا شاخص ہے یعنی ایک سیدھی لکڑی یا کوئی اور چیز ہموار زمین پرعمودی [لمبی]طور سے گاڑ دیں سورج نکلنے کے بعد اس کا سایہ مغرب کی طرف ہوگا جیسے جیسے سورج بلند ہوتا رہے گا سایہ کم ہوتا جائے گا جب سایہ کمی کے آخری درجہ تک پہونچ جائے تو یہ ظہر ہے اور پھر جب بڑھنے لگے اور مشرق کی طرف پلٹے تو یہ نماز ظہرین کا اول وقت ہے ، البتہ بعض شہروں میں جیسے مکہ مکرمہ میں سال کے بعض دنوں میں سایہ بالکل ہی ختم ہو جاتا ہے اور آفتاب کی روشنی کامل طور سے عمودی ہوتی ہے۔ ایسی جگہوں پر جب سایہ ختم ہو کر پھر سے ظاہر ہونے لگے تو نماز ظہر و عصر کا وقت آجا تا ہے۔نوٹ ؛ یہ بات ملحوظ رہے کہ ہمیشہ 12 بجے ظہر شرعی ہوتا بلکہ کبھی 12 سے پہلے ہو جاتا ہے کبھی 12 کے بعد ہوتا ہے اور بارہ ایک رسمی و قرار دادی ساعت ہے شرعی نہیں ہے۔

مسئلہ 673 : نماز ظہر و عصر دونوں کا ایک وقت مخصوص اور ایک وقت مشترک ہے۔ نماز ظہر کا وقت مخصوص اول وقت ظہر سے اتنی دیر تک رہتا ہے جتنی دیر میں نماز ظہر پڑھی جاسکے اور نماز عصر کا مخصوص وقت جب غروب آفتاب میں صرف ایک نماز کا وقت رہ جائے تو ہوتا ہے اور اگر کسی نے اس وقت تک نماز ظہر نہیں پڑھی تو اب اس کی قضاء ہوگئی اب صرف نماز عصر پڑھے،[اسکے بعد] ظہر کی قضاء کرے۔ ان دونوں (ظہر وعصر)کے مخصوص وقتوں کے درمیان کا وقت مشترک وقت ہوتا ہے۔

مسئلہ 675 : جب آفتاب افق میں چھپ جائے تو وہ مغرب ہے اور احتياط مستحب یہ ہے کہ اس وقت تک صبر کرے جب تک غروب آفتاب کے بعد مشرق کی طرف سے اٹھنے والی سرخی سر سے نہ گزر جائے اور مغرب کی طرف نہ چلی جائے اور مغرب کے وقت نمازمغرب و عشاء کا وقت داخل ہوتا ہے اور آدھی رات تک رہتا ہے۔

مسئلہ 681 : چاهے چاندني رات هو يا اندھيري ، اذان صبح کا وقت (يعني نمازپڑھنے اورسحر کرنے کے لئے) دونوں ميں ايک هي هے اور اس کا معيار افق مين نور شفق کا ظاهر هونا هے چاهے چاند کي روشن کي بنا پر نماياں نه هو اور صبح کی نماز کا وقت اول طلوع فجر صادق سے آفتاب کے طلوع ہونے تک رہتا ہے اور فجر صادق سے مراد وہ سفیدی ہے جو افق میں پھیلتی ہے۔ بہتر ہے کہ ہوا کے روشن ہونے سے قبل اسی تاریکی میں اول صبح نماز ادا کرلی جائے۔

مسئلہ 682 : انسان اس وقت نماز پڑھ سکتا ہے جب وقت کے داخل ہونے کا يقين ہوجائے يا کم از کم ايک عادل شخص وقت کے داخل ہونے کي خبر دے وقت شناس و مورد اطمينان شخص کي اذان بھي کافي ہے اگر دوسرے طريقوں سے وقت داخل ہونے کا يقين پيدا کرے تب بھي کافي ہے چاہے صحيح وقت دينے والي گھڑي ياکسي اور چيز سے.

مسئلہ 696 : نماز ظہرو عصر ترتيب سے پڑھي جائے گي يعني پہلے ظہر پھر عصر اسي طرح مغرب وعشاء ميں ترتيب ہے کہ پہلے مغرب پڑھي جائے اس کے بعد عشاء اگر کوئي عمدا نمازعصر کو ظہر سے پہلے يا عشاء کو مغرب سے پہلے پڑھے تو اس کي نماز باطل ہے.اگر نماز ظہر کو شروع کرے اور درميان ميںياد آجائے کہ ظہر پڑھ چکا ہے تو نماز عصر کي نيت نہيں کرسکتا اس کي نماز باطل ہوجائے گي يہي صورت مغرب وعشاء کي ہے ليکن اگر نماز عصر پرھ رہا تھا اوردرميان ميں ياد آجائے کہ ابھي نماز ظہر نہيں پڑھي تو اپني نيت نماز ظہر کي طرف پلٹا سکتا ہے يہي صورت نماز عشاء کي ہے کہ عشاء پڑھتے وقت اگر ياد آجائے کہ مغرب نہيں پڑھي ہے تو اگر چوتھي رکعت کا رکوع نہيں کيا ہے اور ياد آگيا ہے تو مغرب کي طرف نيت پلٹالے اور اگر چوتھي رکعت کے رکوع کے بعد متوجہ ہوا تو پھر نماز عشاء ہي کو تمام کرے اور بعد ميں مغرب پڑھے اور احتياطا پھر نماز عشاء کا اعادہ کرے.

مسئلہ 674 : اگر بھولے سے نماز ظہر پڑھنے سے پہلے نماز عصر پڑھنے لگے اور پڑھنے ميں متوجہ ہوجائے تو اگر وہ وقت مشترک ہو تو عصر کي نيت سے ظہر کي نيت کي طرف پلٹ جائے اور قصد کرلے کہ جو کچھ پڑھا ہے وہ ظہر سے متعلق ہے اور باقي نماز پوري کر کے نماز عصر پڑھے اور اگر وقت ظہر کا مخصوص وقت ہو تو اس کي نماز باطل ہے پھر سے نماز ظہر شروع سے پڑھے.

مسئلہ 676 : مغرب وعشاء کے بھی دو وقت ہیں :1۔ مخصوص2۔ مشترکمغرب کا مخصوص وقت غروب آفتاب کے بعد سے اتنی دیر تک رہتا ہے جتنی دیر میں آدمی تین رکعت نماز پڑھ سکے اور اگر مسافر عشاء کی پوری نماز کو مغرب کے مخصوص وقت میں پڑھے تو نماز باطل ہے۔ چاہے بھولے سے ایسا ہوا ہو ،اورجب آدھی رات میں صرف نماز عشاء پڑھنے کا وقت رہ جائے تو وہی عشاء کا مخصوص وقت ہے او راگر کسی نے جان بوجھ کراس وقت تک نماز مغرب نہیں پڑھی تو پہلے نماز عشاء کو پڑھے اس کے بعد مغرب کی قضاء کرے اور ان دونوں مخصوص وقتوں کے درمیان کا وقت، مشترک ہے۔ اگر کوئی مشترک وقت میں غلطی سے نماز عشاء کو مغرب سے پہلے پڑھ لے اور نماز کے بعد متوجہ ہو کہ مغرب نہیں پڑھی تو ا س کی نماز صحیح ہے۔نماز مغرب کو اس کے بعد بجا لائے۔

مسئلہ 679 :نماز عشاء کا آخری وقت آدھی رات ہے او راحتیاط واجب ہے کہ رات کا شمار غروب آفتاب سے اذان صبح تک کرے لیکن نماز شب اور ا س کی مانند چیزوں کے لئے غروب آفتاب سے طلوع آفتاب تک کا حساب کرے۔نوٹ ؛ اس حساب سے گرمیوں میں تقریبا سوا بارہ بجے رات نماز مغرب و عشاء کا آخری وقت ہے اور نماز شب کا اول وقت 12 بجے رات ہوگا اور سردیوں میں تقریبا سوا گیارہ بجے رات نماز مغرب و عشاء کا آخری وقت ہے اور نماز شب کا اول وقت 1 بجے رات ہوگا اگرچہ سال میں [اور اسی طرح مختلف شہروں اور علاقوں میں بھی ]تھوڑا بہت فرق ہوگا

مسئلہ 680 : اگر جان بوجھ کر آدھي رات تک مغرب و عشاء کي نماز نہ پڑھے تو اس کا وقت گزر گيا اب قضاء پڑھے ليکن اگر کسي عذر کي وجہ سے نہيں پڑھي تو نماز صبح سے پہلے پڑھ لے اس کي نماز ادا شمار ہوگي.

مسئلہ 682 : انسان اس وقت نماز پڑھ سکتا ہے جب وقت کے داخل ہونے کا يقين ہوجائے يا کم از کم ايک عادل شخص وقت کے داخل ہونے کي خبر دے وقت شناس و مورد اطمينان شخص کي اذان بھي کافي ہے اگر دوسرے طريقوں سے وقت داخل ہونے کا يقين پيدا کرے تب بھي کافي ہے چاہے صحيح وقت دينے والي گھڑي ياکسي اور چيز سے.

مسئلہ 683 : جو لوگ آسمان میں کسی رکاوٹ کی وجہ سے- مثلا بادل اور غبار- یا زندان (قید خانہ) میں گرفتاری کی وجہ سے یا اندھے ہونے کی وجہ سے وقت کے داخل ہونے کا یقین حاصل نہیں کرسکتے اگر ان کو گمان قوی پیدا ہوجائے تو نماز پڑھ سکتے ہیں۔