جامع المسایل، شرعی احکام اور فقہی مسائل کے جوابات کا مرکز

مسئلہ709 نافلہ مغرب کاوقت نمازمغرب کے بعدسے اس وقت تک رہتاہے جب تک مغرب کي سرخي ختم نہ ہوجائے، يعني وہ سرخي جوغروب آفتاب کے بعدسے پيدا ہوتي ہے.

مسئلہ710 نمازعشاء ختم ہونے کے بعدسے نصف شب تک نافلہ عشاء کاوقت رہتاہے اوربہترہے کہ نمازعشاء کے بعدبلا فاصلہ پڑھا جائے.

مسئلہ 711۔ نافلہ صبح کاوقت نمازصبح سے پہلے ہے طلوع فجر سے مشرق کی طرف سرخی ہونے تک ۔ویسے نماز شب کے بعد بلافاصلہ بھی پڑھ سکتا ہے۔

مسئلہ712۔ نافلہ شب کاوقت بناء بر احتیاط و اجب نصف شب سے اذان صبح تک رہتاہے، لیکن بہتر یہ ہے کہ سحر کے وقت یعنی رات کی آخری تہائی میں پڑھے۔

مسئلہ 716 : ضروری نہیں کہ کھڑے ہوتے وقت پیروں کی انگلیوں کی نوک اور بیٹھتے وقت زانووں کا سرا کاملا قبلے کی طرف ہو بلکہ اتنا کافی ہے کہ کہا جائے رو بہ قبلہ کھڑا ہے یا بیٹھا ہے۔

مسئلہ 715 : خانہ کعبہ جو مکہ مکرمہ میں ہے وہ تمام دنیا کے مسلمانوں کا قبلہ ہے جو شخص جہاں بھی ہو اسی کے روبرو نماز پڑھے اور جو شخص دور ہو اگر اس طرح کھڑا ہو کہ لوگ کہیں روبہ قبلہ نمازپڑھ رہاہے توکافی ہے، بنا بر ایں نماز جماعت کی وہ لمبی صفیں جو خانہ کعبہ سے زیادہ لمبی ہوتی ہیں وہ سب کی سب روبہ قبلہ ہوسکتی ہیں ۔

مسئلہ 735 : نمازی کے لباس کی چھ شرطیں ہیں :1۔ پاک ہو۔2۔ بناء بر احتیاط واجب غصبی نہ ہو۔3۔ مردار کے اجزاء کا نہ ہو۔4۔ حرام گوشت حیوان کے اجزاء کا نہ بنا ہو۔5۔ 6۔ اگر نمازی مرد ہے تو اس کا لباس خالص ریشمی یا سونے کے تاروں سے بنا ہوا نہ ہو۔

مسئلہ 726: نماز پڑھتے ہوئے مرد کا آگا پیچھا چھپا ہونا چاہئے۔ چاہے اس کو کوئی نہ دیکھ رہا ہو ۔ اوربہتر ہے کہ ناف سے زانو تک چھپالے اور اس سے بھی بہتر ہے کہ محترم افراد کے سامنے جو لباس پہنتے ہیں وہی پورا لباس نماز میں پہنیں۔

مسئلہ 727 : نماز کی حالت میں عورت کا سارا جسم چھپا ہونا چاہئے حتی کہ بال اور سر بھی صرف چہرہ اور گٹوں تک ہاتھ اور ٹخنوں تک پاؤں کھلے رہ سکتے ہیں۔ لیکن یہ یقین کر لینے کے لئے کہ مقدار واجب کو چھپا لیا ہے احتياط واجب کي بنا پر تھوڑا سا چہرے کے اطراف اور گٹوں سے نیچے کو بھی چھپائے۔

مسئلہ 736 : اگر کوئی عمدا نجس بدن یا نجس لباس میں نماز پڑھے تو اس کی نماز باطل ہے چاہے وہ مسئلہ نہ جاننے کی وجہ سے ہو۔

مسئلہ 746 : بناء بر احتیاط واجب نمازی کا لباس مباح ہو۔ اگر کوئی جان بوجھ کر غصبی لباس میں نماز پڑھے (یہاں تک کہ تاگا یا بٹن غصبی ہو)تو نماز کا اعادہ کرے۔ لیکن اگر نہیں جانتا تھا کہ غصبی ہے اور اس میں نماز پڑھے تو نماز صحیح ہے اسی طرح اگر پہلے جانتا رہا ہو کہ لباس غصبی ہے اور بعد میں بھول کر پڑھ لے تب بھی نماز صحیح ہے لیکن اگر خود غاصب ہو يعني پهلے لباس کو غصب کيا هو اور پھر بھول گيا هو اور نماز پڑھ لے تو یہاں پر احتیاط واجب ہے کہ نماز کا اعادہ کرے۔

مسئلہ 750 : نمازی کا لباس اس مردہ حیوان کے اجزا کا نہ ہو جو خون جہندہ رکھتا ہے۔ بلکہ احتیا ط واجب یہ ہے کہ ان مردہ حیوانوں کے اجزاء کے لباس سے بھی پرہیز کرے جوخون جہندہ نہیں رکھتے (جیسے مچھلی سانپ)۔