مسئلہ1341: تھوک کو نگلنا روزے کو باطل نہيں کرتا چاہے وہ تھوک کھٹاس يا اسي طرح کي کسي چيز کے تصور سے منہ ميں جمع ہوگيا ہو اسي طرح سر و سينہ کے اخلاط (بلغم و غيرہ) اگر منہ کے اندر تک نہيں پہو نچے تو ان کے نگلنے ميں بھي کوئي اشکال نہيں ہے ليکن اگر منہ کے اندر تک پہونچ جائيں تو احتياط واجب ہے کہ حلق سے نيچے نہ اتاريں.
مسئلہ ۱۳۶۲: بنابراحتياط واجب لازم هے که تمام افراد سيگڑيٹ پینے اور تمام دهوئيں والي چيزوں کے استعمال سے هر حال ميں پرهيز کريں اسکے علاوه يه تمام چيزيں روزے کو باطل کرديتي هيں. اسي طرح احتياط واجب هے که روزه دار غلیظ بھاپ بھی حلق میں نہ پہو نچائے۔ البتہ حمام جانے میں کوئی اشکال نہیں ہے۔ اگرچہ حمام کے اندر بھاپ بھری ہو۔
مسئلہ 1370: اگر روزہ ياد نہ ہوا در بھولے سے غسل کي نيت سے سر کو پاني ميں ڈبولے تو روزہ اور غسل دونوں صحيح ہے ليکن اگر معلوم ہو کہ روزہ واجب معين ہے اور عمدا ايسا کرے تو بناء بر احتياط واجب روزے کي قضاء کرے اور غسل کو بھي دوبارہ بجالائے.
مسئلہ 1387: جس کسي نے ميت کو چھوا ہو، او ر اس پر غسل مس ميت واجب ہو وہ غسل مس ميت کئے بغير روزہ رکھ سکتاہے بلکہ روزہ کي حالت ميں اگر مردہ کو چھولے تب بھي روزہ باطل نہيں ہوگا البتہ نماز کے لئے غسل کرنا ہوگا.
مسئلہ 1393: اگر يقين ہوکہ ڈکار لينے سے کوئي چيز گلے سے باہراجائے گي جس کو قے کرنا کہاجاتا ہے تو جان بوجھ کرڈکار نہ لے ہاں اگر يقين نہ ہو تو کوئي حرج نہيں ہے اور اگر ڈکار لينے سے بے اختياري طور پر کوئي چيز گلے يا منہ ميں اجائے تو اس کو باہر تھوک دے اور اگر جان بوجھ کر نگل لے تو روزہ باطل ہوجائے گا البتہ اگر غير اختياري طور سے پيٹ ميں چلي جائے تو کوئي اشکال نہيں ہے.
مسئلہ ۱۳۱۶ : روزہ چونکہ عبادات میں سے ہے اس لئے اس کا نیت کے ساتھ بجالانا ضروری ہے البتہ نیت کو نہ تو اس کا زبان پر جاری کرنا ضروری ہے اور نہ دل سے گزارنا صرف اتنا نظر میں رکھنا کافی ہے کہ اطاعت خدا کے لئے اذان صبح سے مغرب تک روزے کو توڑنے والی کسی چیز کا استعمال نہیں کرے گا۔
مسئلہ 1314 : ہر سال تمام مکلف افراد پر بيان کي جانے والي تفصيل کے مطابق رمضان المبارک کے مہينے کے روزے واجب ہيں.
مسئلہ ۱۴۰۱: روزے کا کفارہ تین چیزوں میں سے ایک ہے۔۱۔۔غلام آزاد کرنا۲۔۔ دو ماہ (مسلسل) روزے رکھنا۳۔۔ ساٹھ فقیروں کو کھاناکھلانا۔ اگر ہرفقیرکو ایک مد (جو تقریبا ۷۵۰ گرام ہوتا ہے) گیہوں یا جو یا اسی طرح کی کوئی چیز دیدے تو کافی ہے۔ اور ہمارے زمانہ میں چونکہ غلام آزاد کرنے کا موضوع ہی منتفی ہے اس لئے دو چیزوں میں سے کسی ایک کو اختیار کرلے اور گیہوں کی جگہ اتنی روٹی بھی دے سکتا ہے جو ایک (مد) گیہوں کی ہو۔
مسئلہ 1408: روزہ دار اگر اپنے روزے کو پہلے تو حلال چيز سے افطار کرے اس کے بعد ايسا حرام کام کرے جو روزہ کو باطل کرديتا ہے تو احتياط واجب ہے کہ ہر ايک کے لئے ايک کفارہ دے.
مسئلہ ۱۳۹۶: اگر روزہ دار کے گلے میں کسی چیز کوز بر دستی ڈال دیں یا اس کے سرکو پانی میں ڈبودیں تو روزہ باطل نہ ہوگا۔ لیکن اگر اس کو مجبور کیاجائے کہ خود کچھ کھائے مثلا اس سے کہاجائے اگر تم نے نہ کھا یا تو جانی یا مالی نقصان تم کو پہونچائیں گے اور وہ نقصان سے بچنے کے لئے کھالے تو روزہ باطل ہوجائے گا۔
مسئلہ ۱۴۰۳: جو شخص ساٹھ روزے رکھنا چاہتا ہے اس کے لئے احتیاط واجب ہے کہ ۳۱ دن تو پے در پے رکھے۔ لیکن [جو شخص ساٹھ روضے نہیں رکھ سکتا اس کے لئے جو ۱۸ دن کے روزے کے لئے کہا گیا ہے] ان ۱۸ روزوں کا پے در پے رکھنا واجب نہیں ہے۔
مسئله 1033 : زور سے رونے سے بھی نماز باطل ہوجاتی ہے چاہے رونا بے اختیار آئے بلکہ بناء برا حتیاط واجب بغیر آواز کے گریہ سے بھی نماز باطل ہوجاتی ہے یہ اس صورت میں ہے کہ جب رونا خدا اور آکرت کے لئے نہ ہو لیکن اگر خوف خدا سے ہو اور آخرت کے لئے ہو تو نماز باطل نہیں ہوتی بلکہ یہ بہترین عمل ہے اور خاصان خدا کے کاموں میں سے ہے۔
