جامع المسایل، شرعی احکام اور فقہی مسائل کے جوابات کا مرکز

مسئلہ796۔ جوشخص سواری کی حالت میں واجب نمازپڑھنے کے لئے مجبورہواور سواری یا اسکی کرسی یا زین غصبی ہو اور اسی سواری پر نماز پڑھنے کے لئےمجبور نه هو تواس کی نماز میں اشکال ہے، اسی طرح اگر اختیاری طور سے مستحبی نمازسواری پرپڑھے۔

مسئلہ797۔ اگرکوئی ایک ملک میں دوسرا شریک رکھتاہے اورشریک کاحصہ جدانہیں ہے تووہ شخص اپنے شریک کی اجازت کے بغیراس مال میں تصرف نہیں کرسکتااورنہ نمازپڑھ سکتاہے۔

مسئلہ798 وہ مال کہ جس کاخمس يازکات نہ دي گئي ہواس سے خريدي ہوئي جائدادميں تصرف حرام ہے اور نماز ميں بهي اشکال ہے، اوراسي طرح اگر ذمے ميں خريدے اورخريدتے وقت نيت رہي ہوکہ اس کي قيمت اس مال ميں سے دے گاجس کاخمس يازکات ادانہيں کي تو بناء بر احتياط واجب اس سے پرهيز کرنا چاهئے.

مسئلہ802۔ اگرمیت کے بعض ورثاء نابالغ دیوانے یاغائب ہوں توان کی ملکیت میں تصرف کرنااورنمازپڑھناجائزنہیں ہے، البتہ جزوی تصرفات جومیت کے اٹھانے میں عام طور پر رائج ہیں اس میں کوئی اشکال نہیں ہے۔

مسئلہ803۔ مسافرخانوں،حماموں اوران جیسی جگہوں میں جن میں مسافراورخریدار حضرات آیاجایاکرتے ہیں نمازپڑھنے میں کوئی حرج نہیں ہے، لیکن مخصوص مقامات پرمالک کی اجازت کے بغیرنمازپڑھناجائزنہیں ہے البتہ اگرمالک تصرف کی اجازت دیدے تواس سے معلوم ہوجاتاہے کہ نمازکے لئے بھی راضی ہے، مثلاکسی کودوپہر شام کے کھانے یاآرام کرنے کے لئے دعوت دے تواس سے نمازکی رضایت کاعلم بھی ہوجاتاہے۔

مسئلہ804۔ زراعت اورغیرزراعت کی ان بڑی زمینوں پرجن کے (چاروں طرف) دیوارنہیں ہے اوراس وقت اس میں کوئی فصل بھی نہیں ہے ان میں نمازپڑھنے، بیٹھنے،سونےاورجزوی [چھوٹے چھوٹے ]تصرفات کرنے میں کوئی حرج نہیں ہے چاہے وہ شہر ودیہات سے قریب ہوں یادورہوں اورچاہے ان زمینوں کے مالک نابالغ ہوں یابڑے، لیکن اگرمالک صریح طورسے کہہ دے کہ میں راضی نہیں ہوں یامعلوم ہوکہ وہ دل سے راضی نہیں ہے تواس میں تصرف حرام ہے اورنمازمیں بھی اشکال ہے۔

مسئلہ806۔ گہیوں، جو اور اسی قسم کی چیزوں کے ڈھیر پر جن میں تھوڑی سے حرکت ہوتی ہے نماز پڑھنا جائز ہے بشرطیکہ واجبات نماز کو انجام دے سکے۔

مسئلہ807 جب بارش و ہوا يا لوگوں کي بھيڑبھاڑ کي وجہ سے اطمينان نہ ہوکہ نمازکوتمام کرپائے گاتواگرنمازکوتمام کرنے کي اميدسے شروع کرے اور اتفاق سے کوئي رکاوٹ درپيش نہ آئے تونمازصحيح ہے.

مسئله 808 : جس جگہ رکنا حرام ہوجیسے جہاں چھت کے گرنے کااندیشہ ہویاپہاڑ کے گرنے یاسیلاب آنے کاخطرہ ہو وہاں نماز نہ پڑھے لیکن اگرنمازپڑھے تو احتیاط واجب کی بناء پر اعاده کرےاسی طرح اس جگہ نمازنہ پڑھے جہاں اٹھنابیٹھناحرام ہوجیسے وہ فرش،جس پرخداکانام لکھا ہو ۔

مسئلہ816 نمازکو مسجدميں ادا کرنا مستحب ہے حديث ميں اس کي بہت تاکيدآئي ہے سب سے بہترتو مسجدالحرام ہے، اس کے بعدمسجدالنبي، اس کے بعدمحلہ مسجدکوفہ ہے، اس کے بعدمسجدبيت المقدس ہے، اس کے بعدہرشہرکي جامع مسجدہے، اس کے بعدمحلہ و بازارکي مسجدہے.

مسئلہ814۔ مردکانامحرم عورت کے ساتھ ایسی جگہ ہوناجہاں دوسرانہ آسکتا ہو محل اشکال هےاسی طرح اس جگہ نمازپڑھناجو گناہوں کی بیٹھک ہے،مثلا شراب خانہ، قمارخانہ، یاجہاں لوگ غیبت کرتے ہیں ۔

مسئلہ815۔ احتیاط واجب یہ ہے کہ واجب نمازکوخانہ کعبہ میں نہ پڑھیں ہاں مستحب نماز میں اشکال نہیں ہے بلکہ مستحب ہے کہ خانہ ٴ کعبہ کے اندر ہر گوشے کے مقابل میں دو رکعت نماز پڑھیں البتہ خانہ ٴ کعبہ کی چھت پر نماز میں اشکال ہے خواہ واجب ہو یا مستحب۔