جامع المسایل، شرعی احکام اور فقہی مسائل کے جوابات کا مرکز

مسئلہ 937 : اگر کوئي رکوع تو کرسکتا ہے ليکن بيماري يا کسي اور مجبوري کي بناء پر واجب مسئلہ : اگر کوئي رکوع تو کرسکتا ہے ليکن بيماري يا کسي اور مجبوري کي بناء پر واجب ذکر کي حد تک توقف نہيں کرسکتا تو حالت رکوع سے خارج ہونے سے پہلے اس شخص کو ذکر رکوع کہہ لينا چاہئے چاہے بدن ساکن نہ بھي ہو اگر يہ نہ کرسکے تو اٹھتے ہوئے ذکر کو تمام کرے کرسکتا تو حالت رکوع سے خارج ہونے سے پہلے اس شخص کو ذکر رکوع کہہ لينا چاہئے چاہے بدن ساکن نہ بھي ہو اگر يہ نہ کرسکے تو اٹھتے ہوئے ذکر کو تمام کرے.

مسئلہ 939 : رکوع واجب رکني ہے لہذا اگر چھوٹ جائے يا ايک رکعت ميں دو يا دو سے زيادہ رکوع بجا لائے تو اس کي نماز باطل ہے چاہے يہ عمدا ہو يا سہو و فراموشي کي وجہ سے ہو.

مسئلہ 942 : رکوع میں جانے سے پہلے جب کہ آدمی ابھی کھڑا ہی ہو اللہ اکبر کہنا مستحب ہے، رکوع کی حالت میں دونوں گھٹنوں کو پیچھے رکھے اور پیٹھ سیدھی رکھے۔ گردن کھنچی ہوئی اور بالکل پیٹھ کے برابر ہو، اور دونوں پیروں کے بیچ میں نگاہ کرے ، رکوع سے اٹھنے اور سیدھا کھڑا ہوجانے کے بعد جب بدن ساکن ہو۔ اس وقت سمع اللہ لمن حمدہ کہے۔

مسئلہ979۔ قرآن مجیدکے چارسوروں میں سجدہ کی آیت ہے :1۔ سورہ سجدہ، آیت 32۔2۔ سورہ فصلت ، آیت 41۔3۔ سورہ نجم ، آیت 53۔ 4۔ سورہ علق، آیت 96۔انسان جب بھی سجدہ کی آیت کوپڑھے یاسنے اس پرسجدہ واجب ہوجاتاہے اوراگربھول جائے توجب بھی یادآجائے اسی وقت واجب هے اوراگرخودنہ سنے لیکن کان میں سجدہ کی آیت آواز آجائے تب بھی بناء براحتیاط واجب سجدہ کرے۔

مسئلہ 945 : سجدے میں سات چیزیں زمین پر ہونا چاہئے۔1۔ پیشانی2،3 ۔ دونوں ہاتھوں کی ہتھیلیاں۔4، 5 ۔ دونوں گھٹنے۔6، 7 ۔ دونوں پیروں کے انگوٹھوں کے سرے۔اور اگر کوئی جان بوجھ کر ان ساتوں اعضاء میں سے کسی ایک کو زمین پر نہ رکھے تو اس کا سجدہ باطل ہے۔ اور اگرپیشانی کو بھولے سے زمین پر نہ رکھے تب بھی سجدہ باطل ہے لیکن اگر پیشانی تو زمین پر ہو مگر کسی دوسرے عضو کو بھولے سے زمین پر نہ رکھے تو سجدہ صحیح ہے۔

مسئلہ 947 : سجدہ میں بھی ذکر واجب کی ادائیگی کی حد تک بدن ساکن ہونا چاہئے ۔ مستحب ذکر کرتے ہوئے بھی بدن ساکن ہونا چاہئے۔ بشرطیکہ ذکر کو ذکر سجدہ کے قصد سے کہا ہو۔ اور اگر ذکر مطلق کے عنوان سے(جو نماز میں ہر جگہ جائز ہے)کہے تو حرکت میں بھی کوئی حرج نہیں ہے۔

مسئلہ948 : بدن ساکن ہونے سے پہلے اگر سجدہ شروع کردے تو سجدہ باطل ہے اسی طرح اگر تھوڑا سا ذکر سجدہ سے سر اٹھاتے ہوئے ادا کرے تب بھی سجدہ باطل ہے۔ البتہ اگر بھولے سے ہو تو کوئی حرج نہیں ہے اور اگر سجدہ سے سر اٹھانے سے پہلے متوجہ ہوجائے تو ذکر کو دوبارہ پڑھے۔

مسئلہ 953 : پیشانی ایسی چیز پر رکھے جس پر سجدہ کرنا صحیح ہواور اگر بیچ میں کوئی شے حائل ہو جیسے سرکے بال یا سجدہ گاہ پر اتنی میل ہو کہ پیشانی سجدہ گاہ تک نہ پہنچے تو سجدہ باطل ہے۔ البتہ سجدہ گاہ کا صرف رنگ بدلہ ہو تو کوئی حرج نہیں ہے۔

مسئلہ954 : اگر ہتھیلیوں کو زمین پر نہ رکھ سکے تو ہتھیلیوں کی پشت کو رکھے اور یہ بھی ممکن نہ ہو تو گٹوں کو رکھے اور اگر یہ بھی ممکن نہ ہو تو احتیاط واجب ہے کہ کہنی تک ہاتھ کا جو حصہ رکھ سکے رکھے اور اگر یہ بھی ممکن نہ ہو تو بازو کو زمین پر رکھے۔

مسئلہ 956 : اگر کسي کاانگوٹھا تھوڑا سا کٹا ہو تو باقي کو زمين پر رکھے اور اگر انگوٹھا ہي باقي نہ ہو تو دوسري انگليوں کو زمين پر رکھے اور اگر انگلياں نہ ہوں تو باقي ماندہ پير کا کچھ حصہ زمين پر رکھے.

مسئلہ957 : اگر غير معمولي طريقے سے سجدہ کرے مثلا ليٹ کر ساتوں اعضاء کو زمين پر رکھے تو سجدہ باطل ہے.

مسئلہ 958 : اگر پیشانی پر پھوڑا وغیرہ ہو اور سجدہ گا ہ وغیرہ پر سجدہ نہ کر سکے تو پیشانی کے کنارے کو سجدہ گاہ پر رکھے یا دونوں طرف سجدہ گاہ رکھے اور اس کے بیچ کی جگہ خالی رکھے اور سجدہ گا کو زمین سے اتنا بلند رکھے کہ پھوڑا دونوں سجدہ گاہوں کے بیچ میں آجائے۔ بشرطیکہ ملی ہوئی چار انگلیوں سے زیادہ بلند نہ ہو۔ اور اگر پھوڑا یا زخم پوری پیشانی پر ہو تو پیشانی کے باہر دونوں طرف میں سے کسی ایک طرف سجدہ کریں اور اگر یہ ممکن نہ ہو تو ٹھڈی کو سجدہ گاہ پر رکھیں اور اگر یہ بھی ممکن نہ ہو تو چہرے کے جس حصہ کو ممکن ہو سجدہ گاہ پر رکھیں اور اگر چہرے کے کسی حصے پر سجدہ ممکن نہ ہو تو سجدے کے لئے جتنا جھک سکتا ہو جھک جائے۔