جامع المسایل، شرعی احکام اور فقہی مسائل کے جوابات کا مرکز

مسئلہ786: تیسرا مقام جہاں پر نجس لباس میں نماز جائز ہے نمازی کے چھوٹے لباس ہیں ،اگر نمازی کے چھوٹے لباس، مثلاٹوپی اوررومال جس سے شرمگاہ نہیں چھپائی جاسکتی نجس ہوں تو ان کے ساتھ نمازصحیح ہے، اسی طرح اگرانگوٹھی، عینک وغیرہ نجس ہو تو نماز جائز ہے۔

مسئلہ 787 : چوتھا مقام جہاں پرنماز میں نجاست بخشی گئی ہے یہ ہے کہ اگر رومال یا ایسا نجس لباس جس سے شرمگاہ کو چھپایا جاسکتا ہے نمازی کی جیب میں ہو تو اس کی نماز صحیح ہے۔ اسی طرح ساری نجس چیزیں لیکن احتیاط مستحب ہے کہ ان سے اجتناب کیا جائے۔

مسئلہ 788 : جو عورت بچہ کی پرورش کرتی ہے اور نماز کے لئے آسانی سے پاک لباس کا انتظام نہیں کرسکتی تو اگر دن رات کے اندر ایک مرتبہ اپنے لباس کو دھوئے تو اس میں نماز پڑھ سکتی ہے چاہے اس کا لباس بچہ کے پیشاب سے نجس ہوگیا ہو۔ لیکن احتیاط واجب یہ ہے کہ پہلی نماز جب پڑھے تو لباس کو پاک کرے۔

مسئلہ790۔ نمازی کے لباس میں چندچیزیں به امید ثواب مطلوب ہیں جن میں سے کچھ یه ہیں :سفیدلباس پہننا، پاکیزہ ترین لباس پہننا، خوشبواستعمال کرنا، عقیق کی انگوٹھی پہننا۔

مسئله 791: چندچیزوں کا نمازی کے لباس میں به امید ثواب ترک کرنا مطلوب ہے ان میں سے کچھ یه ہیں :سیاہ لباس پہننا،[ليکن دين کي نشانيوں کے احترام کي نيت سے کالي چادر، عبا، اور عمامه مکروه نهيں هے.]گندہ لباس پہننا،تنگ لباس پہننا، جو آدمی نجاست سے پرہیز نہیں کرتا اس کا لباس پہننا خصوصا شرابی کا،ایسالباس پہننا جس پرتصویربنی ہو،لباس کے بٹن کُھلے،ایسی انگوٹھی پہنناجس پرانسان یاحیوان کی صورت بنی ہوئی ہو۔

بناء بر احتیاط واجب نمازی کی جگہ مباح هو لهذا غصبی ملک، قالین اورتخت پراگر کوئی نمازپڑھے تو اس میں اشکال ہے اسی وہ ملکیت جس کے منافع کسی اور سے مخصوص ہیں مثلا کسی نے کوئی جگہ کرائے پر لی ہو تو اس میں بغیر کرایہ دار کی اجازت کے نماز پڑھنے میں اشکال ہے،اسی طرح سے وہ ملکیت جو کسی دوسرے کا حق ہے ،مثلا میت نے وصیت کی ہو کہ اس کے ایک تہائی مال کو فلاں کام میں خرچ کریں تو جب تک اس ایک تہائی کو جدا نہ کردیں تب تک اس ملکیت میں نماز نہیں پڑھ سکتے۔

مسئلہ 792۔ نمازی کی جگہ میں درج ذیل شرطوں کا هونا ضروری ہے 1) مباح هو 2) ٹھهرا هوا هو (يعني هلتا جلتا نه هو) 3) عبادت کرنا اس مقام پر مقدور هو. 4) مرد عورت سے آگے هو 5) پيشاني (يعني سجده کرنے) کي جگه کھڑ هونے کي جگه سے اونچي نه هو۔

مسئلہ793۔ جو شخص مسجدمیں بیٹھا ہو اگر کوئی اس کی جگہ غصب کرکے اس میں نماز پڑھے تو بنا بر احتیاط واجب اپنی نماز کا اعادہ کرے۔

مسئلہ805۔ اگر نمازی کی جگہ اس طرح متحرک ہو کہ وہ نماز کے امور کو معمول کے مطابق بجا لانے پر قادر نہ ہو تو اس کی نماز باطل ہے ۔ اس لئے کشتی ، ریل وغیرہ میں اگر افعال نماز کو صحیح طرح سے انجام دے سکتا ہے تو کوئی اشکال نہیں ہے۔اور اگروقت کی تنگی یادوسری ضرورت کی بناپرنمازکشتی یاموٹرگاڑی وغیرہ میں پڑھنے پرمجبورہو اور قبلہ بدلتارہت ہو تو جتنا بھی ممکن ہووہ خودبھی قبلہ کی طرف مڑتاجائے، البتہ مڑتے وقت کچھ نہ پڑھے۔

ايسي جگہ نمازپڑھے جہاں واجبات کوانجام دے سکےمسئلہ 809۔ ایسی جگہ نمازپڑھنی چاہئے جہاں واجبات کوانجام دے سکے، اس لیے اتنی نیچی چھت کے نیچے نمازباطل ہے جہاں ادمی کھڑانہ ہوسکے یاجگہ اتنی تنگ ہوکہ رکوع وسجودنہ کرسکے۔

مسئلہ811۔ نماز میں عورت کو چاہئے کہ مرد سے پیچھے کھڑی ہو اور عورت کے سجدہ کی جگہ مردکے سجدہ کی جگہ سے کچھ پیچھے ہو، ورنه نماز باطل ہے، اس حکم میں محرم ونامحرم میں کوئی فرق نہیں ہے اگرمرد و عورت کے درمیان دیوار یا پردہ وغیرہ ہو یا تقریبا دس زراع (5 میٹر) کا فاصلہ ہو تو اشکال نہیں ہے ليکن بھيڑ بھاڑ والي جگهوں پر جهاں اس حکم پر عمل کرنے ميں مشقت هو اس کا خيال رکھنا ضروري نهيں هے۔

مسئلہ813۔ نمازی کے کھڑے ہونے کی جگہ سے سجده کی کی جگه اتنی بلند نه هو که وه سجده کی صورت سے خارج هوجاےا وراحتیاط واجب یہ ہے کہ چار ملی ہوئی انگلیوں سے زیادہ اونچی یا نیچی نہ ہو۔