جامع المسایل، شرعی احکام اور فقہی مسائل کے جوابات کا مرکز

مسئلہ 1767: عيب دار اور اچھي چيز، مرغوب و نامرغوب چيز يا دوسرے اعتبار سے اگر قيمت ميں فرق ہو تو اس کو بھي زيادتي سے بيچنا سود ہے مثلا دس کيلو مرغوب يا سالم گيہوں کو دے کر پندرہ کلو نامرغوب يا عيب دار گيہوں کا ليتا بھي سود ہے اور حرام ہے اس بناپر سونے کي کوئي چيز دے کر اس کے عوض زيادہ ناساختہ سونا لے يا مس ساختہ کودے کر زيادہ ٹوٹے ہوئے مس کولے يا اول نمبر چاول دے کر دوسرے تيسرے درجہ کا زيادہ جاول لے تو يہ سب سود ہے اور حرام ہے جبکہ اگر غير جنس کي بھي زيادتي ہو مثلا دس کلو اعلي گيہوں دے کر دس کلو نامرغوب گيہوں اور دس روپے لے تو يہ بھي سود ہے اور حرام ہے بلکہ اگر زيادہ تہ لے ليکن شرط کرے کہ خريدار ہمارا يہ کام کردے مثلا، تو وہ بھي سودہے اور حرام ہے.

مسئلہ 1951:اگر لباس خريد کر اس کي قيمت ميں سود پرلي ہوئي رقم دے يا جو رقم سودي مال سے مخلوط ہو اس کو مالک لباس کو ديدے تو اگر خريد تے وقت ہي اس کي نيت يہ رہي ہو کہ اس قسم کي رقم اس کودے گاتب تو اس لباس کا پہننا اس ميں نماز پڑھنا محل اشکال ہے ليکن اگر خريد تے وقت يہ نيت نہ رہي بلکہ بعد مين ايسا ارادہ کرليا ہو تب کوئي حرج نہيں ہے ليکن مال حرام دے کر وہ برئي الذمہ نہيں ہوگا.

مسئلہ 207 : آفتاب کي گرمي زمين اور چھت کو پاک کرتي ہے? ليکن مکان، دروازہ، کھڑکي وغيرہ کے پاک کرنے ميں اشکال ہے.

مسئلہ 208 : زمین اور چھت چند شرائط کے ساتھ سورج کی تپش سے پاک ہوتے ہیں:اول : نجس چیزمیں سرایت کرنے والی رطوبت ہو، لہذا اگر خشک ہو تو پہلے تر کردیں تاکہ آفتاب کے ذریعہ خشک ہو۔دوم : عین نجاست کے پہلے دور کردینا چاہئے۔سوم : آفتاب کی روشنی براہ راست اس پر پڑے یہ نہ ہو کہ بادل وغیرہ کے پیچھے سے آفتاب کی روشنی پڑے ہاں اگر بادل اتنا باریک ہو کہ آفتاب کی روشنی کو روک نہ سکے تو کوئی حرج نہیں ہے لیکن اگر سورج کی روشنی شیشے کے پیچھے سے پڑے تو بھی کوئی حرج نہیں ہے۔چہارم : نجس چیز آفتاب کی تپش سے خشک ہو لیکن اگر ہوا یا کسی اور گرمی کی وجہ سے خشک ہو تو کافی نہیں ہے۔ ہاں دوسری چیز اتنی کم ہو کہ لوگ کہیں کہ آفتاب کی حرارت سے خشک ہوئی ہے تو کافی ہے۔

مسئلہ 903: سورہ قل ھو اللہ اور سورہ قل يا ايھا الکافرون سے کسي دوسرے سورے کي طرف عدول کسي بھي نماز ميں جائز نہيں ہے سوائے نماز جمعہ کے پس نماز جمعہ ميں اگر ان دونوں(قل ھو اللہ احد اور قل يا ايھا الکافرون)ميں سے کسي کو شروع کردے اور نصف تک نہ پہونچا ہو تو ان کو چھوڑ کر سورہ جمعہ يا منافقين پڑھ سکتا ہے.

مسئلہ 898 : سورہ سے پہلے حمد کا پڑھنا واجب ہے اور اگر عمدا اس کے خلاف کرے گا تو اس کی نماز باطل ہوجائے گی اوراگر اشتباہا ایسا کرے اور رکوع سے پہلے یاد آجائے تو پلٹ کر صحیح پڑھے لیکن اگر حد رکوع میں پہونچ جانے کے بعد یاد آئے تو نمازصحیح ہے۔ یہی صورت ہے اگر حمد یا سورہ یا دونوں کو بھول جائے۔

مسئلہ897 : تنگی وقت میں یا ایسی جگہ جہاں چور یا درندہ کا خطرہ ہو تو سورہ کو چھوڑ سکتا ہے اسی طرح اگر کسی اہم کام میں جلدی ہو تب بھی سورہ کو چھوڑ سکتا ہے۔

مسئلہ 905 : اگر سورہ کے کچھ حصہ کو بھول جائے یا تنگی وقت کی وجہ سے پورا سورہ نہ پڑھ سکے تو اس کو چھوڑ کر دوسرا سورہ پڑھ سکتا ہے خواہ نصف سے گزر چکا ہو یا ابھی تک نہ پہونچا ہو ،سورہٴ قل ھو اللہ احد ہو یا قل یا ایھا الکافرون ہویا کوئی اور ۔

مسئلہ ۲۴۷ : سونے، چاندی کے برتن میں کھانا، پینا یا ان کا استعمال کرنا حرام ہے بلکہ ان چیزوں سے کمروں کو سجانا یا اور کوئی استفادہ کرنا بھی(بناء بر احتیاط واجب) جائز نہیں ہے۔

مسئلہ 251 : اگر سونے يا چاندي کے ساتھ کوئي اور دھات ملا کر کوئي ايسا برتن بنائيں جس کو سونے يا چاندي کا برتن نہ کہا جاسکے تو اس کے استعمال ميں کوئي حرج نہيں ہے ليکن اگر صرف سونے اور چاندي کو مخلوط کريں تو حرام ہے.

مسئلہ 1615: سونے کے دو نصاب ہيں :پہلا نصا ب :بيس مثقال شرعي ہے جو 15 مثقال معمولي کے برابر ہو تا ہے جب سونا ديگر شرائط کے ساتھ اس مقدار کے برابر ہو تو اس کا چا ليسو ں حصّہ سوميں ڈھائي بہ عنوان زکوة دے اور اگر اس سے کم ہو تو زکوة واجب نہيں ہو گي .دوسرا نصاب :4مثقال شرعي ہے جو 3مثقال معمولي کے برابر ہو تا ہے يعني اگر 15 مثقال معمولي پر 3 مثقال معمولي کا اضافہ ہو جائے تو پورے 18 مثقال کي زکوة ڈ ھائي فيصد کے حساب سے دے اور اگر 3مثقال معمولي سے کم کا اضافہ ہو تو صرف 15 کي زکاةدينا ہوگي باقي پر زکوة نہ ہو گي اسي حساب سے چاہے جتنا زيادہ ہو تا جائے زکات ہوگي يعني اگر 3مثقال کاا ضافہ ہو جائے تو پورے کي زکوة دے اور 3 سے کم کا اضافہ ہو تو اس اضافہ پر زکوة نہ ہو گي .

مسئلہ 1592: سونا ،چاندي ياکوئي دوسري چيز پر زکوة واجب ہوتي ہے اگر کوئي اس کو قرض لے لے اور سال بھر اس کے پاس رہے تو اس کي زکوة ديني چاہئيے قرض دينے والے پر کچھ واجب نہيں ہے .