مسئلہ 1545: حلال مال جو حرام سے مخلوط تھا اس کا خمس دے دينے کے بعد اگر معلوم ہو کہ حرام کي مقدار خمس سے زيادہ ہے تو احتياط واجب کي بنا پر جتني مقدار کو خمس سے زيادہ سمجھتا ہے اس کو ايسي جگہ صرف کرے جو خمس اور صدقہ دونوں کا مصرف ہو.
مسئلہ 1546: اگر حلال مال جو حرام سے مخلوط تھا اس کا خمس دينے کے بعد مالک کا پتہ چل جائے تو بنا بر احتياط واجب اس کا عوض مالک کودےيہي حکم اس وقت بھي ہوگا کہ جب مال کے مالک کونہ پہچاننے کي وجہ سے مالک کي طرف سے صدقہ کردے اور بعد ميں مالک کا پتہ چل جائے اور مالک راضي نہ ہو.
مسئلہ 1547: اگر انسان کو معلوم ہو کہ اس کا مال دوسروں کے مال سے مخلوط ہوگيا ہے اور اس کي مقدار بھي معلوم ہو اور يہ بھي جانتا ہو کہ اس کا مالک چند ادميوں کے علاوہ نہيں ہے ليکن معين طور سے مالک کو مشخص نہ کرسکتا ہو تو مال کو سب ہيں برابر برابر تقسيم کردے.
مسئلہ ۱۵۴۹: جواہرات کو دریا سے اگر چند آدمی باہر نکالیں تو بنا بر احتیاط واجب یہ ضروری نہیں ہے کہ ہر ایک کا حصہ نصاب بھر ہو بلکہ اگر سب کے حصوں کو ملاکر نصاب پورا ہو تا ہو تب بھی اس کا خمس نکالنا چاہے ۔
مسئلہ ۱۵۵۰: جن جواہرات کو غوطہ لگائے بغیر دریا سے آلات کے ذریعہ نکالا جائے یا پانی کے اوپرسے نکالا جائے یا سمندر کے کنارے سے حاصل کیا جائے اگر اخراجات کو کم کرنے کے بعد ان کی قیمت نصاب بھر ہوتوبنا بر احتیاط واجب اس کا خمس واجب ہے۔
مسئلہ ۱۵۵۱: مچھلی یا دوسرے جو حیوانات سمندر اور دریا میں رہتے ہیں ان میں خمس واجب نہیں ہے۔ البتہ سالانہ آمدنی میں شمار کیا جائے گا۔ کہ اگر سال کے آخر میں ان میں سے یا ان کی قیمت سے کچھ بچت ہوجائے تو خمس واجب ہوگا۔
مسئلہ 1552: ضروری نہیں ہے کہ انسان جواہرات کے حاصل کرنے کے قصد سے غوطہ لگائے بلکہ اگر کسی دوسرے مقصد کے لئے بھی غوطہ لگائے اور جواہرات مل جائیں تو ان کا خمس دینا ہوگا۔
مسئلہ ۱۵۵۳: غوطہ لگانے کے بعد اگر ایسا حیوان کو باہر نکالے جس کے پیٹ میں جواہرات ہوں اور ان جواہرات کی قیمت اخراجات کو کم کرنے کے بعد نصاب بھر ہو تو اگر وہ حیوان صدف جیسی چیز ہو کہ نوعا اس کے پیٹ میں جواہر ہوتے ہی ہیں تو ان کا خمس دے اور اگر اتفاق سے اس جانور نے جواہر کو نگل لیا ہو تب بھی احتیاط واجب ہے کہ اس کا خمس دے۔
مسئلہ ۱۵۵۴: جو بڑی نہریں جواہرات اور صدف کےپلنے اور شکار کی جگہ ہوں اگر ان سے جواہرات نکالے جائیں تو ان میں بھی خمس ہے۔
مسئلہ ۱۵۵۵: عنبر ایک خوشبو دار چیزہے جس کو دریا سے حاصل کیا جاتا ہے اگر اس کو غوطہ لگا کر حاصل کیا جائے تو اس میں خمس واجب ہے اور اگر پانی کے او پرسے یا دریا کے کنارے سے حاصل کیا جائے تب بھی بنا بر احتیاط واجب اس میں خمس دینا ہوگا۔
مسئلہ ۱۵۵۶: جن لوگوں کا پیشہ ہی غوطہ خوری ہو یا معدنیات کا نکالنا ہو اگر وہ خمس دے دیں اور آخر سال میں سالانہ اخراجات کے بعد کچھ بچ جائے تو اس بچت کا خمس دینا لازم نہیں ہے۔
مسئلہ ۱۵۵۸: اگر مسلمان امام کے نائب خاص یا نائب عام کی اجازت سے کفارسے جنگ کریں اور مال غنیمت ہاتھ لگے تو احتیاط واجب ہے کہ اس میں سے بھی خمس دیں۔
