مسئلہ895۔ بہتر ہے کہ قیام کی حالت میں بدن کوسیدھارکھے شانوں کوجھکادے، ہاتھوں کورانوں پررکھے، انگلیوں کوبندکرے، سجدہ کی جگہ پرنظررکھے، بدن کابوجھ دونوں پیروں پربرابررکھے، خضوع وخشوع کے ساتھ ہو، مرداپنے پیروں کوکچھ کھلارکھیں، عورتیں اپنے پیروں کوملاکررکھیں۔
مسئلہ865۔ نمازکو بقصد قربت، یعنی صرف فرمان خدا کی انجام دہی کے لئے بجا لانا چاہئے نیت کا نہ تو زبان سے کہنا ضروری ہے اور نہ اول نماز میں دل سے گزارنا ضروری ہے صرف اتنا ہی کافی ہے کہ اگر پوچھا جائے کیا کر رہے ہو تو وہ جواب دے سکے کہ نماز پڑھ رہا ہوں۔
مسئلہ 871 : نماز کا پہلا جزء اللہ اکبر ہے اسی کو تکبیرة الاحرام کہتے ہیں۔ اس کا نہ کہنا نماز کوباطل کردیتا ہے خواہ عمدا ہو یا سہوا اور اس کا اضافہ کرنا مثلا ایک کے بجائے دو مرتبہ اللہ اکبر کہنا اگر جان بوجھ کر ہے تو اس سے بھی نماز باطل ہو جاتی ہے۔
مسئلہ 879 : قيام کے معني کھڑا ہونا ہے يہ قيام نماز ميں دو جگہ واجب اور رکن ہے.1 تکبيرةالاحرام کہتے وقت.2 رکوع ميں جانے سے پہلے جس کوقيام متصل بہ رکوع کہتے ہيں ليکن حمدوسورہ پڑھتے ہوئے اوراسي طرح رکوع کے بعدوالاقيام واجب توہے مگررکن نہيں ہے.
رکوع میں جھکنے کی مقدار مسئلہ 927 : ہر رکعت ميں قرائت کے بعد ايک رکوع واجب ہے يعني اتنا جھکنا کہ اگر ہاتھوں کو زانووں پر رکھنا چاہے تو رکھ سکے بلکہ احتياط واجب ہے کہ ہتھيليوں کوگھٹنوں پر رکھے.
مسئلہ 944 : نماز کی ہر رکعت میں دو سجدے واجب ہیں خواہ نماز واجب ہو یا مستحب۔ یہ سجدے رکوع کے بعد کئے جاتے ہیں۔ اور اگر کبھی دونوں سجدوں کو خواہ عمدا یا بھولے سے ترک کردے یادو سجدوں کی جگہ چار سجدے بجالائے تو نماز باطل ہے لیکن صرف ایک سجدہ کی کمی و زیادتی اگر بھولے سے ہو تو اس سے نمازباطل نہیں ہوجاتی۔
مسئلہ 986 ہرنمازکي دوسري رکعت ميں تشہد واجب ہے ،اسي طرح نمازمغرب وعشاء ظہروعصرکي آخري رکعت ميں بھي تشہد واجب ہے تشہدکاطريقہ يہ ہے کہ دوسري رکعت ميں دوسرے سجدہ کے بعدجب بيٹھ جائے اوربدن ساکن ہو، تب تشہدپڑھے اورصرف اتناکہناکافي ہے:اشہدان لاالہ الااللہ وحدہ لاشريک لہ واشہدان محمدا عبدہ ورسولہ، اللہم صل علي محمد وآل محمد.ضروري هے ان کلمات کو صحيح عربي ميں ترتيب کے ساتھ پے درپے اداکرے.
مسئلہ 990۔ تمام نمازوں کی آخری رکعت میں تشہدکے بعدسلام کہناواجب ہے۔ سلام کے تین صیغه هیں :”السلام علیک ایہاالنبی ورحمةاللہ وبرکاتہ السلام علیناوعلی عباداللہ الصالحین السلام علیکم ورحمةاللہ وبرکاتہ“۔صرف تیسرا سلام واجب هے اور اسی پر قناعت کی جاسکتی هے. البته فقط دوسرے سلام پر اکتفا کرنا مشکل هے. پهلا سلام مستحب هے.
مسئلہ993 نمازي کوموالات کي بھي رعايت کرني چاہئے، يعني نمازکے کاموں کے درميان،مثلارکوع،سجود،تشہدکے درميان اتنافاصلہ نہ کرے کہ صورت نمازسے خارج ہوجائے اوراگرايساکرے گاتونمازباطل ہے خواہ عمداکرے ياسہوا.
مسئلہ992۔ نمازی کو چاہئے کہ نماز کے تمام امور کو ترتیب سے انجام دے اور اگر عمدا اس کی خلاف ورزی کرے مثلا سجدہ کو رکوع سے پہلے یا تشہد کو سجدہ سے پہلے بجا لائے تو اس کی نماز باطل ہے اور اگر بھولے سے خلاف ورزی کی ہے تو جب تک بعد والے رکن میں داخل نہیں ہوا ہے پلٹ کر اس طرح انجام دے کہ ترتیب صحیح ہوجائے او راگر بعد والے رکن میں داخل ہو چکا ہے تو اس کی نماز صحیح ہے مگر یہ کہ بھولا ہو ا جزء نماز کے ارکان میں سے ہو مثلا رکوع بھول گیا ہو یہاں تک کہ دوسرے سجدہ میں پہونچ جائے تو ایسی صورت میں نماز باطل ہے۔
مسئلہ 866 : نيت کرتے وقت يہ قصد کرنا بھي ضروري ہے کہ ظہر کي نماز ہے ياعصر کي يا کوئي اور صرف يہ قصد کرلينا کہ چار رکعت نماز پڑھتا ہوں کافي نہيں ہے بلکہ جو بھي نماز پڑھ رہا ہے اس کو اپنے دل ميں معين کرے اور احتياط واجب ہے کہ قضا ہے يا ادا اس کو بھي معين کرے.
مسئلہ867 ابتداء سے آخرتک نمازہي کي نيت رہني چاہئے اوراگرغافل ہوجائے اوريہ خيال نہ رہے کہ کياکررہاہے تواس کي نمازباطل ہے.
