جامع المسایل، شرعی احکام اور فقہی مسائل کے جوابات کا مرکز

مسئلہ 2178:جس مال کو کسي کے پاس گروي رکھا گيا ہو اگر دوسرا اس کو غصب کرے تو صاحب مال اور قرضخواہ دونوں اس سے مطالبہ کرنے کا حق رکھتے ہيں.

مسئلہ 2179: غاصب پر واجب ہے جتني جلدي ممکن ہوسکے غصبي مال مالک کو پہنادے، جتني تاخير کريگا اتناہي اس کے نامہ ي اعمال ميں گناہ لکھاجائے گا اگر وہ تلف ہوجائے تو اس کا بدل دينا واجب ہے.

مسئلہ 2180:اگر غصبي مال سے کوئي فائدہ حاصل ہو مثلا غصبي گوسفند بچہ دے يا غصبي باغ سے پھل حاصل ہو تو يہ فايدہ بھي مالک ہي کاہے چاہے غاصب نے اس سلسلہ ميں کتني ہي زحمت برداشت کي ہو اور اگر کسي کا مکان غصب کرے تو جتنے دن مکان اس کے قبضہ ميں رہے تو عام طور پر جتنا اس کا کرايہ ہوتا ہو اتنا کرايہ ادا کرے چاہے اس نے مکان سے کوئي فائدہ نہ اٹھايا ہو يہي صورت دوسرے احوال کے لئے بھي ہے مثلا کسي کي گاڑي غصب کرے.

مسئلہ 2181: اگر کسي بچے يا ديوانے کا مال غصب کيا ہو تو اس کو چاہئے کہ انکے ولي کو واپس کردے اور اگر خود اس بچہ يا ديوانے کے ہاتھ ميں ديدے اور تلف ہوجائے تو ضامن ہے.

مسئلہ 2182:اگر دو يا کئي ادمي مل کر غصب کريں تو ہر شخص ايک حصہ کا ضامن ہے (مثلا کسي مال کو دو ادميوں نے غصب کياہے تو ہر ايک ادھے کا ضامن ہے) چاہے اس کو اکيلے غصب بھي کرسکتا ہو يا نہ.

مسئلہ 2183: جب غصبي مال دوسري چيز ميں مل جائے اور اس کا جدا کرنا ممکن ہو تو جدا کرنا چاہئيے اور جدا کرکے مالک کو ديدے چاہے اس ميں زحمت ہي ہو اور اگر اسے بہت دور پہونچادياہے تو مالک تک پہونچانے کے تمام اخراجات غاصب پرہوں گے.

مسئلہ 2184: غصبي بر تن يا کوئي دوسري چيز اگر خراب ہوجائے تو اس چيز کو اتني قيمت کے ساتھ جو کم ہوگئي ہے مالک کو واپس کرے اور اگر اتني قيمت جو کم ہوگئي ہے نہ دے اور کہے کہ ميں کو پہلے کي طرح بنا کردوں گا تو مالک مجبور نہيں ہے کہ قبول کرے اور نہ مالک غاصب کو اس بات پر مجبور کرسکتاہے کہ اس کو پہلے کہ طرح بنا کردو صرف جو قيمت کم ہوگئي ہے وہ لے سکتاہے.

مسئلہ 2185:اگر غصبي مال کو اس طرح بدل دے کہ وہ پہلے سے بہتر ہوجائے مثلا غصبي سونے کا گوشوارہ يا گلوبند بنادے اور مالک کہے کہ تم مجھے اسي طرح ديد و تو اس کو دينا واجب ہے او وہ اپني مزدوري بھي نہيں لے سکتا بلکہ مالک کي اجازت کے بغير اس کو پہلي صورت ميں نہيں تبديل کرسکتا اور اگر مالک کي اجازت کے بغير پہلي صورت ميں تبديل کردے تو احتياط واجب ہے جس قدر قيمت کم ہوئي ہے وہ بھي مالک کو ادا کرے.

مسئلہ 2187: جس غصبي زمين ميں غاصب زراعت کرے يا درخت لگادے تو زراعت و درخت او ر اس کا پھل يہ سب غاصب کا ہوگا ليکن جتني مدت تک زراعت کي ہو يا درخت لگايا ہو اتني مدت کا کرايہ زمين کے مالک کودے اور اگر در ميان ميں مالک راضي نہ ہو کہ زراعت يا درخت کو اس کي زمين ميں باقي رکھاجائے تو غاصب فورا زمين خالي کردے چاہے اس ميں اس کا نقصان ہو اور اگر اس ہے زمين ميں کوئي نقصان پيدا ہوجائے تو جتني قيمت کم ہوجائے وہ بھي ادا کرے مگر غاصب زمين کے مالک کو مجبور نہيں کرسکتا کہ وہ زمين اس کے ہاتھ بيچ دے يا کرايہ پر ديدے اسي طرح زمين کا مالک بھي غاصب کو مجبور نہيں کرسکتا کہ زراعت يا درخت کو اس کے ہاتھ بيچ دے.

مسئلہ 2188:اگر غصبي مال تلف ہوجائے اور وہ مال ايسا رہاہو کہ معمولا اس کا مثل کمياب ہو جيسے بعض جانور يا بعض ہاتھ سے بنے ہوئے قالين تو پھر اس کي قيمت دے اور اگر بازر کي قيمت ميں فرق ہوگيا ہو تو جس دن مال تلف ہوا ہے اس دن اس کي قيمت جو بھي رہي ہو وہ قيمت دے اگر وہ ايسا رہاہو کہ اس کا مثل ملتا ہو جيسے گيہوں، جو، مشين سے بنے ہوئے قالين، پردے، برتن، کپڑا جو کارخانوں ميں بنائے جاتے ہيں جن کا مثل بہت فراواں طور سے ملتاہے تو غصبي چيز کي مثل دے ليکن يہ خيال رہے کہ اس ميں بھي وہي خصوصيات ہوں جو تلف شدہ غصبي مال ميں تھيں.

مسئلہ 2189:اگر حيوان جيسے بھيڑ و غيرہ کو غصب کرے اور وہ تلف ہوجائے تو اگر جتني مدت وہ جانور غاصب کے پاس تھا اس ميں ہوٹا بھي ہوگيا تھا اور اس کے بعد تلف ہوا ہو اس کے موٹا ہونے کي وجہ سے جو قيمت بڑھ گئي تھي وہ قيمت بھي ادا کرے.

مسئلہ 2190:غاصب سے غصبي مال کو اگر دوسرا شخص غصب کرے اور وہ سال تلف ہوجائے تو احتياط يہ ہے کہ مال کا مالک دونوں غاصبوں ميں سے جس سے بھي اپنے مال کا مطالبہ کرے وہي دے.