جامع المسایل، شرعی احکام اور فقہی مسائل کے جوابات کا مرکز

مسئلہ 1207 : اگر بڑے بیٹے کو معلوم نہ ہو کہ ماں باپ کے روزے اور نمازیں قضا ہیں کہ نہیں تو اس پر کچھ واجب نہیں ہے۔ اور تفحص و جستجو بھی ضروری نہیں ہے۔

مسئلہ 1208 : اگر بڑا بیٹا ماں باپ کے مرنے کے بعد [انکی قضا نمازوں اور روزوں کو انجام دئے بغیر ]مر جائے تو دوسرے لڑکوں پر کچھ واجب نہیں ہے۔

مسئلہ1209 : اگر یہی معلوم نہ ہو کہ بڑا بیٹا کون ہے ”یعنی لڑکوں کی تاریخ پیدائش صحیح طور سے واضح نہ ہو“ تو ماں باپ کے نماز و روزہ کی قضا کسی پر واجب نہیں ہے۔ ہاں احتیاط مستحب ہے کہ وہ لڑکے آپس میں تقسیم کرلیں۔

مسئلہ 1210 : ماں باپ کی نماز و روزہ کی قضا کرتے وقت بڑا لڑکا اپنی تکلیف کے مطابق عمل کرے یعنی ان کے نماز و روزہ کو اپنے مرجع تقلید کے فتووں مطابق بجالائے۔

مسئلہ 1211 : جس کے ذمہ اپنی نمازیں اور روزے قضا ہوں اور والدین کی نمازیں و روزے بھی اس کے ذمہ واجب ہوں تو جس کو بھی پہلے بجا لائے ،صحیح ہے۔

مسئلہ 1212 : ماں يا باپ کے مرتے وقت اگر بڑا لڑکا نا بالغ يا ديوانہ ہو تو جس وقت بھي بالغ ہوجائے يا عاقل ہوجائے اس وقت باپ يا ماں کے نمازاور روزوں کي قضا بجالائے.

مسئلہ 1215 : ميت کي قضا نمازوں کو بجا لانے کيلئے جوشخص اجير ہو اس کے لئے ضروري ہے کہ نماز کے مسائل کو اچھي طرح جانتا ہو اور اس کي قرائت بھي صحيح ہو.

مسئلہ 1214 : بعض مستحبی کاموں جیسے رسول خدا [ص]اور آئمہ معصومین [ع]کی زیارت کے لئے زندہ کی طرف سے اجیر بن سکتا ہے لیکن احتیاط واجب ہے کہ رقم مقدمات کام کے لئے لے(نہ کہ خود زیارت کیلئے) ۔ اسی طرح مستحبی اعمال بجالا کر اس کا ثواب مردوں یا زندوں کو ہدیہ کر سکتا ہے۔

مسئلہ 1218 : میت کا وقت ذمہ اسی وقت ادا ہوسکتا ہے جب یہ اطمینان ہوجائے کہ نائب نے نماز پڑھ لی ہے اور اگرشک ہو تو کافی نہیں ہے اور اگر یقین ہو کہ نماز تو پڑھ لی مگر یہ نہ معلوم ہو کہ صحیح طور سے بجا لایا تھا کہ نہیں تو اس میں کوئی اشکال نہیں ہے۔

مسئلہ 1219 : صرف نائب کے يہ کہدينے سے کہ ميں نے نماز پڑھ ڈالي، قناعت نہيں کرلينا چاہئے ہاں اگر نائب قابل اطمينان شخص ہے تواور بات ہے.

مسئلہ : 1216 : ميت کي طرف سے نماز يا روزہ يادوسري عبادتوں کو بجا لانے والے کے لئے نيت کے وقت معين کرنا ضروري ہے ميت کے نام کا جانناضروري نہيں ہے صرف اپني نيت ميں علامتوں وغيرہ کے ذريعہ قصد کرلينا کافي ہے.

مسئلہ 1220 : احتياط واجب کي بنا پرمیت کی نیابت کرنے والا نماز کے اجزاء و شرائط کی انجام دہی سے معذور نہ ہو مثلا بیٹھ کر نماز پڑھنے والا نائب نہ بنے۔ بلکہ احتیاط واجب ہے کہ تیمم یا جبیرہ سے نماز پڑھنے والا بھی نائب نہ بنے۔