مسئلہ ۱۳۵۴: اگر روزہ دار خدا و رسول کی طرف یا ائمہ معصومین [ع]کی طرف جھوٹی نسبت دے خواہ زبان سے بول کر یا اشارے سے یا ایسے ہی کسی اور طریقے سے ، تو بناء بر احتیاط واجب اس کا روزہ باطل ہے چاہے وہ فورا توبہ کرلے۔ تمام انبیائے کرام اور حضرت فاطمہ زہرا [س]کی طرف جھوٹی نسبت دینے کا بھی یہی حکم ہے۔
مسئلہ ۱۳۶۰: اگر غلیظ غبار حلق میں پہونچ کر گیلی مٹی [گارا]ہوجائے اور پیٹ میں چلا جائے تو ایسے غبار کو حلق تک پہونچانے سے روزہ باطل ہوجاتاہے۔ اس صورت کے علاوہ روزہ صحیح ہے چاہے غبار ایسی چیز ہو جس کا کھا نا حلال ہو مثلا آٹایا حرام ہو [مثلا مٹی] ليکن وه اسپرے جو آسم کي بيماري ميں مبتلا افراد کے لئے استعمال هوتے هيں چونکه وه صرف ايک معمولي اور هلکی سي گيس هے، اس سے روزه باطل نهيں هوتا هے.
مسئلہ ۱۳۶۵: احتیاط واجب کی بناء پرروزہ دار پورے سرکو پانی میں نہ ڈبوئے چاہے پورا بدن پانی سے باہر ہی ہو۔ اس کے بر خلاف اگر پورا بدن اور تھوڑا ساسر پانی کے اندر ہوتو روزہ باطل نہ ہوگا۔ بہنے والی چیزوں۔ مثلا گلاب جل اور مضاف پانی و غیرہ۔ میں سرکے ڈبونے کا حکم وہی ہے جو مطلق پانی میں ڈبونے کاہے۔
مسئلہ ۱۳۷۱: اگر مجنب اذان صبح تک جان بوجھ کر غسل نہ کرے تو بناء بر احتیاط واجب اس کا روزہ باطل ہے اور اگر غسل کی طاقت نہیں رکھتا یا وقت تنگ ہے تو تیمم کرے۔ لیکن اگر جان بوجھ کر ایسا نہ کیا ہو تو اس کا روزہ صحیح ہے۔ حیض یا نفاس سے پاک ہونے والی عورت اگر صبح کی اذان تک غسل کرے تو اس کا بھی حکم وہی ہے جو جنابت پر باقی رہنے والے کاہے۔
مسئلہ 1388: بہنے والي چيزوں سے حقنہ لينا روزہ کو باطل کرديتا ہے چاہے اينما بيماري يا کسي مجبوري کي بناء پرلياگياہو البتہ شياف (خشک چيزوں سے اينما) کا استعمال علاج کے لئے کوئي اشکال نہيں رکھتا اور احتياط واجب ہے کہ غذا والے شياف کے استعمال سے اجتناب کرے.
مسئلہ ۱۳۸۹: جان بوجھ کر اُلٹی کرنے سے روزہ باطل ہوجاتا ہے چاہے اُلٹی زہر سے نجات حاصل کرنے کے لئے اور بیماری کے علاج و غیرہ کے لئے ہو۔ البتہ بے اختیاری طور سے یا بھول کر اُلٹی کردینے سے روزہ باطل نہیں ہوتا۔
مسئلہ 1336: جان بوجھ کر کہاني پينے سے روزہ باطل ہوجاتا ہے خواہ وہ عام طور سے کہائي جانے والي چيز ہو جيسے روٹي پاني يا عام طور سے کہائي پينے جانے والي چيز نہ ہو جيسے درخت کے پتے کم کہائے يا زيادہ انتہا يہ ہے کہ اگر مسواک کو منہ سے نکال کر دوبارہ منہ ميں ڈالے او اسکي رطوبت کو نگل لے تو روزہ باطل ہوجاتاہے البتہ اگر مسواک کي رطوبت بہت کم ہو جو تہوک ميں گہل مل کر ختم ہوجائے تو روزہ باطل نہ ہوگا.
مسئلہ ۱۳۳۸: بھول کرکھانے پینے سے روزہ باطل نہیں ہوتا۔
مسئلہ ۱۳۳۹: روزہ دار کے لئے تمام دوا اور تقویت والے انجکشن جو نس کےعلاوہ دوسری جگہ سے لگائے جاتے ہیں اور اسی طرح سے ٹیکے لگوانے میں کوئی اشکال نہیں ہے لیکن جو انجکشن اور ٹیکے نس میں لگائے جاتے ہیں انکا لگوانا جائز نہیں ہے اسی طرح سے خون چڑھوانے سے بھی روزہ باطل ہوجاتا ہے لیکن [اگر کوئی ایسا کرتا ہے تواس کو چاہئے کہ]مغرب تک ایسے کاموں سے پرہیز کرے جو روزے کو باطل کردیتے ہیں اور احتیاط واجب کی بناپر روزے کی قضا بھی بجالائے۔
مسئلہ ۱۳۴۰:روزہ رکھنے والے کے لئے بہتر ہے کہ صبح کی اذان سے پہلے دانتوں کو مانجھے اور ان میں خلال کرے اور اگر معلوم ہو کہ دانتوں کے بیچ میں رہ جانے والی غذا دن میں حلق سے اُتر جائے گی تو احتیاط واجب یہ ہے کہ صبح کی اذان سے پہلے دانتوں کوصاف کر ے ا ور خلال کرے اور اگر ایسانہیں کیا اور غذا نگل لی توروزہ کوپوراکرے اور بعد میں قضا رکھے ۔
مسئلہ1341: تھوک کو نگلنا روزے کو باطل نہيں کرتا چاہے وہ تھوک کھٹاس يا اسي طرح کي کسي چيز کے تصور سے منہ ميں جمع ہوگيا ہو اسي طرح سر و سينہ کے اخلاط (بلغم و غيرہ) اگر منہ کے اندر تک نہيں پہو نچے تو ان کے نگلنے ميں بھي کوئي اشکال نہيں ہے ليکن اگر منہ کے اندر تک پہونچ جائيں تو احتياط واجب ہے کہ حلق سے نيچے نہ اتاريں.
مسئلہ ۱۳۴۲: بچہ کے لئے کھانے کو چبانے اوراسی طرح کھانے و غیرہ کوچکھنے ، پانی یا دوا سے منہ کو دھونے ،اگر کوئی چیز حلق سے نیچے نہ اترےتو روزہ باطل نہیں ہوتا اور اگر بغیر ارادہ حلق سے نیچے کوئی چیزچلی جائے تو کوئی حرج نہیں ہے۔ لیکن اگر پہلے ہی سے جانتا ہو کہ بے اختیار حلق کے نیچے کچھ چلا جائیگا تو روزہ باطل ہے اور قضا و کفارہ بھی ہے۔
