جامع المسایل، شرعی احکام اور فقہی مسائل کے جوابات کا مرکز

جس وقت امام رکوع میں ہو اگر اس وقت امام کی اقتدا کرکے رکوع میں چلا جائے اور رکوع میں امام سے ملحق ہوجائے تو اس کی نماز صحیح ہے۔ چاہے امام نے ذکر رکوع کو پڑھ لیا ہو یانہ پڑھا ہو ۔ اور یہ اس کی پہلی رکعت شمار ہوگی ۔ لیکن اگر رکوع میں امام سے ملحق نہ ہوسکے تو فرادی کی نیت کرلے۔ اور بنابر احتیاط واجب نماز کا اعادہ بھی کرے اور یہی حکم ہے جب شک ہو کہ امام کے ساتھ رکوع میں ملحق ہوا یا نہیں۔

مسئلہ ۱۲۵۴ : اگر اول نماز یا حمد و سورہ کے درمیان اقتداء کرے اور امام کے ساتھ رکوع میں نہ پہونچے تو اس کی جماعت صحیح نہیں ہے ہاں اگر کوئی عذر ہو تو صحیح ہے۔

مسئلہ ۱۲۵۵ : اگرجماعت میں اس وقت پہونچے جب امام ، نماز کا آخری تشہد پڑھ رہا ہو ، اور ثواب جماعت حاصل کرنا چاہے تو نیت کرکے تکبیرة الاحرام کہے اور بیٹھ جائے اورامام کے ساتھ تشہد میں شریک ہوجائے لیکن سلام نہ پڑھے چپ چاپ بیٹھا رہے یہاں تک کہ امام کا سلام تمام ہوجائے اس کے بعد کھڑے ہو کر اپنی نماز پڑھے یعنی حمد و سورہ وغیرہ پڑھے اور اس کو اپنی پہلی رکعت قراردے۔

مسئلہ 1259 : اگر کوئي امام کي تيسري يا چوتھي رکعت ميں شريک ہو تو حمد و سورہ کو پڑھے اور اگر اتنا وقت نہ ہو تو فقط حمد پڑھ کر اپنے کو امام کے رکوع ميں پہونچا دے.

مسئلہ ۱۲۶۳ : اگر مستحبی نماز پڑھ رہا ہو اور جماعت منعقد ہوجائے اور اس کو خطرہ ہو کہ اگر نماز پوری کریگا توجماعت نہیں ملے گی تو مستحب ہے کہ اس نماز کو ترک کرکے جماعت میں شریک ہوجائے۔

مسئلہ 1264 : اگر واجب نماز پڑھ رہا ہو اور جماعت شروع ہوجائے اور وہ ابھي تيسري رکعت ميں نہيں پہونچا ہے اور خطرہ ہے کہ اگر نماز کو تمام کرتا ہے تو جماعت نہيں مل سکے گي تو مستحب ہے کہ نيت کو مستحبي نماز کي طرف بدل دے اور دو رکعت پر ختم کرکے جماعت ميں شريک ہوجائے.

مسئلہ ???? : کھڑے ہو کر نماز پڑھنے والا، بيٹھ کر نماز پڑھنے والے کي اقتدا نہيں کرسکتا اور بيٹھ کر نماز پڑھنے والا، ليٹ کر نماز پڑھنے والے کي اقتدا نہيں کرسکتا?

مسئلہ 1273 : ماموم کو چاہئے کہ امام کو اپني نيت ميں معين کرے ليکن امام کے نام کا جاننا ضروري نہيں ہے اگر صرف يہ نيت کرے کہ امام حاضر کي اقتدا ميں نماز پڑھتا ہوں تو کافي ہے بشرطيکہ عدالت و ديگر شرائط اس ميں موجود ہوں.

مسئلہ ۱۲۷۴ : حمد وسورہ کے علاوہ ماموم کو تمام چیزیں پڑھنی چاہئے اور حمد وسورہ بھی اسی وقت ساقط ہے جب پہلی اور دوسری رکعت امام کے ساتھ پڑھے لیکن اگر تیسری و چوتھی میں امام کے قیام کی صورت میں اقتدا کرے توحمد و سورہ پڑھنا ہوگا۔

مسئلہ ۱۲۷۵ : اگر ماموم نمازمغرب و عشاء وصبح میں امام کی قرائت کی آواز سن رہا ہو تو حمد و سورہ نہ پڑھے لیکن اگر نہ سن رہا ہو تو حمد وسورہ کا پڑھنا جائز ہے لیکن آہستہ پڑھنا چاہئے ۔ اور نماز ظہر و عصر میں ہمیشہ بنابر احتیاط واجب حمد و سورہ نہ پڑھے ہاں ذکرکا آہستہ پڑھنا جائز ہے بلکہ مستحب ہے۔

مسئلہ ۱۲۷۷ : اگر ماموم بھولے سے یا اس خیال سے کہ جو آواز سن رہا ہے وہ امام کی نہیں ہے حمد و سورہ کو پڑھے اور بعد میں پتہ چلے کہ وہ امام کی آواز تھی تو اس کی نماز صحیح ہے اور اگر شک ہو کہ یہ امام کی آواز ہے یا کسی اور کی تو بنا بر احتیاط واجب حمد و سورہ نہ پڑھے۔

مسئلہ ۱۲۷۸ : امام سے پہلے ماموم تکبیرة الاحرام نہیں کہہ سکتا البتہ دیگر اذکار میں کوئی حرج نہیں ہے اگر چہ احتیاط مستحب یہی ہے کہ اگر امام کی آواز کو سن رہا ہو تو اس سے پہلے کوئی ذکر نہ کہے۔