جامع المسایل، شرعی احکام اور فقہی مسائل کے جوابات کا مرکز

مسئلہ295۔ اگر وضو کا پانی غصبی یا سونے یا چاندی کے بر تن میں ہے اور اس کے علاوہ دوسراپانی نہیں ہے توتیمم کرناچاہئیے اور اگر وضو کرتا ہے تو اشکال ہے خواه وضوئے ارتماسی کرے یا چلو سے پانی لے کر وضو کرے البته سونےیا چاندی کے برتن کے پانی کو دوسرے برتن میں انڈیل کر اس سے وضو کرسکتا هے.

مسئلہ 302 : وضو و نماز کے لئے کافی وقت ہو اس لئے اگر وقت اتنا تنگ ہو کہ اگر وضو کرتا ہے تو نماز کے تمام واجبات یا کچھ واجبات وقت کے بعد ہوں گے تو پھر تیمم کرنا چاہئے۔

مسئلہ 303 : جس کو وقت تنگي کي وجه سے تيمم کرنا چاهئے تھا اگر وه وضو کرے تو (وضواور نماز) باطل نهيں هونگے ليکن اس کا يه کام حکم شرعي کے خلاف هے ۔

مسئلہ 306 : اگر عورت ایسی جگہ وضو کرے جہاں اس کو نامحرم دیکھ رہا ہو تو اس کا وضو تو باطل نہیں ہے لیکن اس نے گناہ کیا ہے۔

مسئلہ 311 : جو شخص خود وضو کرنے پرقادر نہ ہو اس کو چاہئے کہ دوسرے کی مدد سے وضو کرے اور دوسرا شخص اگر اس کی اجرت مانگے اور یہ دے سکتا ہو تو دینا چاہئے لیکن نیت خود اسی شخص کو کرنی چاہئے اور اپنے ہاتھ سے مسح کرنا چاہئے اور اگر وہ نہیں کرسکتا تو دوسرا اس کے ہاتھ کو پکڑ کر مسح کی جگہ پر پھیرے اور اگر یہ بھی ممکن نہ ہو تو ا س کے ہاتھ سے تری لے کر اس کے سر اور پیروں کا مسح کرانا چاہئے، لیکن اس صورت میں احتیاط واجب یہ ہے کہ تیمم بھی کرے۔

مسئلہ 312 : جو افعال وضو انسان خود بجالاسکتا ہو اس ميں کسي دوسرے سے مدد نہيں ليني چاہئے.

مسئلہ 314 : اگر وضو کرنے کے بعد پتہ چلے کہ پاني اس کے لئے نقصان دہ تھا تو وضو صحيح ہے.

مسئلہ 315 : اگر پانی کی کم مقدار اس کے لئے نقصان کا سبب نہ ہو تو اسی مقدار سے وضو کرنا چاہئے یا مثلا اگر ٹھنڈا پانی نقصان دہ ہو تو پانی کو گرم کرلینا چاہئے۔

مسئلہ 318 : اگر جلنے یا کسی او روجہ سے اعضائے وضو پر آبلے پڑ جائیں تو ان کا دھونا اور ان کے اوپر مسح کرلینا کافی ہے اور اگر ان میں سوراخ ہوجائے تو ان کے نیچے پانی کا پہونچانا ضروری نہیں ہے لیکن اگر کھال کا کچھ حصہ اکھڑ جائے جو کبھی بدن سے چپک جاتی ہے اور کبھی اوپر اٹھ جاتی ہے تو اس کے نیچے پانی کا پہونچانا ضروری ہے بشرطیکہ اس سے ضرر نہ ہو۔

مسئلہ 322 : اگر وضو تمام کرنے کے بعد شک ہو کہ وضو کے تمام امور انجام دئيے تھے کہ نہيں ياتمام شرائط اس ميں جمع تھيں يا نہيں تو اس کي پرواہ نہ کرے البتہ اگر وضو کرتے وقت شک کرے توبجالانا چاہئے.

مسئلہ 324 : جسے معلوم ہے کہ ميں نے وضو کيا تھا اورايک حدث بھي سرزد ہوا تھا مثلا پيشاب کيا تھا ليکن يہ معلوم نہ ہو کہ دونوںميں سے پہلے کون سا کام کيا ہے تو اس کو وضو کرنا چاہئے.

مسئلہ 325 : جو شخص امور وضو یا شرائط وضو مثلا پانی کے پاک ہونے یا اعضائے وضو پر مانع کے موجود ہونے کے بارے میں زیادہ شک کرے تو اس کو اپنے شک کی پرواہ نہیں کرنا چاہئے بلکہ عام لوگوں کی طرح عمل کرنا چاہئے۔