جامع المسایل، شرعی احکام اور فقہی مسائل کے جوابات کا مرکز

مسئلہ 454 : اگر آخر وقت ميں پاک ہو اور غسل کے لئے وقت نہ ہو بلکہ صرف تيمم کرکے نمازکے وقت ميں ايک رکعت وقت کے اندر پڑھ سکتي ہو اور باقي وقت کے بعد تو اس پرنماز واجب نہيں ہے ليکن اگر تنگي وقت کے علاوہ اس کي شرعي ذمہ داري ہي تيمم ہو مثلا پاني اس کے لئے مضر ہو تو اسے تيمم کرکے نماز پڑھنا چاہئے .

جس کا فريضہ تيمم ہے اگر اس کے اعضائے تيمم ميں زخم ، پھوڑا ہو يا ہڈي ٹوٹ گئ ہو تو وہ وضوء جبيرہ کي طرح تيمم جبيرہ کرے?

مسئلہ 459 : اگر عورت کو پورے مہينہ خون آتا رہے ليکن دو ماہ مسلسل چند روز معين (مثلا يکم سے ہفتم تک) جو اس نے خون ديکھا اس ميں علامات حيض تھيں ليکن باقي دنوں ميں نہيں تھيں تو وہ عورت بھي انہيں دنوں کو عادت قرار دے.

مسئلہ 461 : وہ عورت جو عادت وقتیہ عددیہ رکھتی ہے اگر عادت سے چند روز پہلے اور چند روز بعد خون دیکھے ( جیسا کہ عورتوں میں معمول ہے کہ کبھی ان کی عادت مقدم اور کبھی موخر ہوجاتی ہے) اور سب ملا کر دس دن سے زیادہ نہ ہو تو سب حیض ہے اور اگر دس دن سے زیادہ ہوجائے تو عادت کے دنوں والا خون حیض ہوگا اور پہلے اور بعد والا استحاضہ ہوگا۔ اسی طرح اگرعادت کے دنوں میں اور چند روز عادت سے پہلے خون دیکھے یا عادت کے دنوں میں اور چند روز عادت کے بعد دیکھے تو اگر دس دن سے زیادہ نہ ہو تو سب حیض ہے اور اگر زیادہ ہو توصرف عادت کے دنوں والا خون، حیض شمار ہوگا۔

مسئلہ 467 : جو عورت خون سے پاک ہی نہیں ہوتی(پورے مہینے خون آتا ہے، لیکن دو ماہ مسلسل معین وقت میں جو خون آیا ہے اس میں حیض کی علامتیں پائی جاتی ہیں البتہ دونوں مہینوں میں جن دنوں خون میں حیض کی علامات موجود تھیں ان دنوں کی تعداد ایک جیسی نہیں ہے تو یہ عورت بھی ان تمام دنوں کو حیض قرار دے جن میں حیض کی علامتیں پائی جاتی ہیں۔

مسئلہ 479 : جو عورت صاحب عادت ہے خواہ وقتیہ عددیہ ہو یا فقط عددیہ ہو یا فقط وقتیہ ہو۔ اگر وہ دو ماہ مسلسل اپنی عادت کے خلاف خون دیکھے تو اس کی عادت بدل جائے گی اور اب یہی اس کی عادت قرار پائے گی[جن میں اس نے آخر کے دو مہینے خون دیکھا ہے]۔

مسئلہ 480 : جو عورت ايک ماہ ميں صرف ايک مرتبہ خون ديکھتي ہے اگر کسي مہينہ ميں دو مرتبہ خون آجائے اور اس ميں حيض کي علامت بھي ہو، چنانچہ درميان کے جن دنوں ميں پاک رہي تھي اگر وہ دس دن سے کم نہ ہوں تو دونوں خونوں کو حيض قرار دے.

مسئلہ 481 : اگر تين دن يا اس سے زيادہ ايسا خون ديکھے جس ميں حيض کي علامات ہوں اس کے بعد دس دن يا اس سے زيادہ ايسا خون ديکھے جس ميں استحاضہ کي علامتيں ہوں اور پھر ايسا خون ديکھے جس ميں حيض کي علامات ہوں تو اس تمام خون کو جس ميں حيض کي علامات موجود ہوں حيض قرار دينا چاہئے.

مسئلہ 482 : اگر عورت دس دن سے پہلے پاک ہوجائے اور اس کو معلوم ہو کہ اندر بھي خون نہيں ہے اسے غسل کرکے اپني عبادتوں کو بجالانا چاہئے? چاہے اسے يقين ہو کہ دس دن تمام ہونے سے پہلے اس کو دوبارہ خون آجائے گا.

مسئلہ 483 : اگر عورت دس دن سے پہلے پاک ہو جائے ليکن اسے يہ احتمال ہو کہ اندر خون موجود ہے تو تھوڑي سي روئي اندر داخل کرکے ديکھ لينا چاہئے اگر صاف ہو تو غسل کرے اور عبادتوں کو بجالائے اوراگر صاف نہ ہو چاہے خون کے پاني ہي سے آلودہ ہو توحائض کے بارے ميں پہلے جو احکام بيان کئے جا چکے ہيں ان کے مطابق عمل کرے

مسئلہ 487 : اگر شک ہو کہ کوئی چیز ساقط ہوئی ہے یا نہیں یا جو کچھ ضائع ہوا ہے اگر وہ رہ جاتا تو انسان بنتا یا نہیں تو جو خون نکلے وہ نفاس نہیں ہے اور جستجو کرنا بھی لازم نہیں ہے۔

مسئلہ 491 : اگر عورت بظاہر نفاس سے پاک ہوجائے مگر احتمال ہو کہ اندر خون ہوسکتا ہے تو تھوڑی سی روئی اندر داخل کرکے چیک کرے اگر پاک ہو تو غسل کرکے اپنی عبادتوں کو انجام دے۔