جامع المسایل، شرعی احکام اور فقہی مسائل کے جوابات کا مرکز

مسئلہ 1184 : جس مسافر کو اجمالی طور سے یہ معلوم ہو کہ نماز قصر ہے اگر وہ بعض جزئیات کو نہیں جانتا۔ مثلا اس کو یہ معلوم نہیں ہے کہ قصر کے لئے آٹھ فرسخ کی مسافرت شرط ہے۔ اور وہ نماز پوری پڑھ لے تو احتیاط واجب یہ ہے کہ نماز کا اعادہ بطور قصر کرے۔

مسئلہ 1186 : جس کا فریضہ پوری نماز پڑھنا ہو۔ اگر وہ عمدا یا اشتباہا یا سہوا سے نماز قصر پڑھ لے تو اس کی نماز باطل ہے بلکہ اگر دس دن کے قیام کا ارادہ کا کرلیا ہو اور یہ نہ جانتا ہو کہ اس صورت میں پوری نماز پڑھنی چاہئے اور وہ نماز قصر پڑھ لے تو احتیاط واجب یہ ہے کہ اس نماز کا اعادہ پوری نماز سے کرے۔

مسئلہ1187 : اگر چار رکعتي نماز پڑھتے ہوئے ياد آجائے کہ وہ تو مسافر ہے يا متوجہ ہوجائے کہ اس کا سفر آٹھ فرسخ کا ہے تو اگر ابھي تيسري رکعت کے رکوع ميں نہيں گيا ہے تو نماز کو دو رکعت پر تمام کرلے اور اگرتيسري رکعت کے رکوع ميں چلا گيا ہے تو اس کي نماز باطل ہے بطور قصر پڑھنا ضروري ہے.

مسئلہ 1188 : اگر قصر پڑھتے ہوئے ياد آجائے کہ ميں مسافر نہيں ہوں يا ايسا مسافر نہيں ہوں جس کي نماز قصر ہوجاتي ہے تو نماز کو چار رکعت پر تمام کرے اس کي نماز صحيح ہے.

مسئلہ 1189 : اگر کوئی اول وقت مسافر تھا اور اس نے نماز نہیں پڑھی اس کے بعد وطن یا جہاں دس دن قیام کا ارادہ تھا وہاں آگیا تو نماز پوری پڑھے۔ اس کے برعکس اگر اول وقت وطن میں یا جہاں دس دن قیام کا ارادہ تھا وہاں تھا اور نماز پڑھے بغیر سفر پر روانہ ہوگیا تو سفر میں نماز کو قصر پڑھے۔

مسئلہ 1192 : نماز قصر کا مسئلہ سفرکے آسان یامشکل ہونے سے مربوط نہیں ہے بلکہ آج کل کے آرام دہ سفر میں بھی حسب شرائط مذکورہ چاہئے کہ نماز قصر ہی پڑھے۔

مسئلہ 1197 : جس کو گمان ہو کہ اس کي بعض گذشتہ نمازيں صحيح نہيں تھيں يا بھول گيا ہو تو احتياط مستحب ہے کہ ان کي قضا بجالائے.

مسئلہ 1201 : جس کو معلوم ہو کہ اس کی ایک چار رکعتی نماز قضا ہے لیکن یہ نہیں معلوم وہ ظہر کی ہے یاعصر کی ہے یا عشاء کی تو اگر وہ ایک چار رکعتی نماز مافی الذمہ یعنی جو نماز بھی میرے ذمے ہے اُس کی نیت سے پڑھ لے تو کافی ہے اور حمدو سورہ کے آہستہ یا زور سے پڑھنے میں اس کو اختیار ہے۔

مسئلہ 1225 : اگر اجير عمل تمام کرنے سے پہلے مرجائے اور خود اس پر اس کي بھي قضا نمازيں ہوں تو جن نمازوں کے لئے وہ اجير ہوا تھا ان نمازوں کے لئے اس کے مال سے اجير بنائيں اور اگر يہ شرط رہي ہو کہ وہ خود ہي بجالائے تو باقيماندہ عمل کي اجرت واپس کرديں ليکن خود اس کي نمازوں کے لئے ورثاء کي رضامندي کے بغير اس کے مال سے کچھ نہيں ليا جا سکتا ہاںاگر اس نے وصيت کردي ہو تو ثلث مال سے اس کي نمازيں پڑھوائي جاسکتي ہيں.

مسئلہ 1227 : اگر بے اعتنائي اورسبک شمار کرتے ہوئے جماعت ميں شريک نہ ہو تو فعل حرام ہے.

مسئلہ 1228 : نماز جماعت کے لئے صبر کرنا مستحب ہے. اول وقت تنہا نماز پڑھنے سے جماعت کے ساتھ پڑھنا بہتر ہے اسي طرح مختصر نماز جماعت لمبي فرادي نماز سے افضل و برتر ہے.

مسئلہ 1229 : اگر جماعت ہونے لگے تو جو لوگ فرادي نماز پڑھ چکے ہيں ان کے لئے مستحب ہے کہ دوبارہ جماعت سے پڑھ ليں اور اگر بعد ميں معلوم ہوجائے کہ پہلي نماز باطل تھي تو دوسري کافي ہے.