جامع المسایل، شرعی احکام اور فقہی مسائل کے جوابات کا مرکز

مسئلہ ۱۵۵۰: جن جواہرات کو غوطہ لگائے بغیر دریا سے آلات کے ذریعہ نکالا جائے یا پانی کے اوپرسے نکالا جائے یا سمندر کے کنارے سے حاصل کیا جائے اگر اخراجات کو کم کرنے کے بعد ان کی قیمت نصاب بھر ہوتوبنا بر احتیاط واجب اس کا خمس واجب ہے۔

مسئلہ ۱۵۵۱: مچھلی یا دوسرے جو حیوانات سمندر اور دریا میں رہتے ہیں ان میں خمس واجب نہیں ہے۔ البتہ سالانہ آمدنی میں شمار کیا جائے گا۔ کہ اگر سال کے آخر میں ان میں سے یا ان کی قیمت سے کچھ بچت ہوجائے تو خمس واجب ہوگا۔

مسئلہ 1552: ضروری نہیں ہے کہ انسان جواہرات کے حاصل کرنے کے قصد سے غوطہ لگائے بلکہ اگر کسی دوسرے مقصد کے لئے بھی غوطہ لگائے اور جواہرات مل جائیں تو ان کا خمس دینا ہوگا۔

مسئلہ ۱۵۵۳: غوطہ لگانے کے بعد اگر ایسا حیوان کو باہر نکالے جس کے پیٹ میں جواہرات ہوں اور ان جواہرات کی قیمت اخراجات کو کم کرنے کے بعد نصاب بھر ہو تو اگر وہ حیوان صدف جیسی چیز ہو کہ نوعا اس کے پیٹ میں جواہر ہوتے ہی ہیں تو ان کا خمس دے اور اگر اتفاق سے اس جانور نے جواہر کو نگل لیا ہو تب بھی احتیاط واجب ہے کہ اس کا خمس دے۔

مسئلہ ۱۵۵۴: جو بڑی نہریں جواہرات اور صدف کےپلنے اور شکار کی جگہ ہوں اگر ان سے جواہرات نکالے جائیں تو ان میں بھی خمس ہے۔

مسئلہ ۱۵۵۵: عنبر ایک خوشبو دار چیزہے جس کو دریا سے حاصل کیا جاتا ہے اگر اس کو غوطہ لگا کر حاصل کیا جائے تو اس میں خمس واجب ہے اور اگر پانی کے او پرسے یا دریا کے کنارے سے حاصل کیا جائے تب بھی بنا بر احتیاط واجب اس میں خمس دینا ہوگا۔

مسئلہ ۱۵۵۶: جن لوگوں کا پیشہ ہی غوطہ خوری ہو یا معدنیات کا نکالنا ہو اگر وہ خمس دے دیں اور آخر سال میں سالانہ اخراجات کے بعد کچھ بچ جائے تو اس بچت کا خمس دینا لازم نہیں ہے۔

مسئلہ ۱۵۵۸: اگر مسلمان امام کے نائب خاص یا نائب عام کی اجازت سے کفارسے جنگ کریں اور مال غنیمت ہاتھ لگے تو احتیاط واجب ہے کہ اس میں سے بھی خمس دیں۔

مسئلہ ۱۵۵۹: آجکل کی جنگوں میں استعمال کئے جانے والے بڑے ہھتیار جیسے ٹینک، توپ و غیرہ جو شخصی مصرف نہیں رکھتے اگر بطور غنیمت مل جائیں تو حاکم شرع اور ولی امر مسلمین، اسلامی فوج کے لئے مخصوص کرکے اور اس کے حوالہ کرسکتا ہے۔

مسئلہ 1560جو کفار مسلمانوں سےجنگ کي حلات ميں ہوں ان کافروں کے اموال کو مسلمان اپني ملکيت ميں لے سکتےہيں، مگر ان کا خمس دينا ہوگا.

مسئلہ ۱۵۶۱:صرف اس مال غنیمت پر خمس واجب ہو تا ہے جس کو حمل و نقل کیا جا سکتا ہے (یعنی ایک جگہ سے دوسری جگہ لیجایا جا سکتا ہے) اورخمس دینے کے بعد جنگ کرنے والے مسلمان اس کے مالک ہوجاتے ہیں لیکن کفار سے جو زمین ملے اس میں خمس نہیں ہے وہ زمین تمام مسلمانوں کی ملکیت ہے۔

مسئلہ ۱۵۶۲: اگر مسلمانوں کے دو گروپ آپس میں جنگ کرنے لگیں تو تجاوز اور زیادتی کرنے والے کو روکنا لازم ہے تا کہ وہ حکم خدا کے سامنے اپنی گردن جھکادے اور اس دوران اگر مال غنیمت ملے تو اس کو اپنی ملکیت میں نہیں قرار دے سکتے بلکہ اس کی حفاظت کریں اور مناسب موقع پر واپس کردیں البتہ ایسی چیزیں کہ جواگر ان کے ہاتھوں میں پہنچ جائیں تو فساد اور جنگ کے جاری رہنے کا سبب بنیں تو حاکم شرع سے اجازت لے کران کو صحیح طریقے سے استعمال کیا جا سکتاہے۔