جامع المسایل، شرعی احکام اور فقہی مسائل کے جوابات کا مرکز

مسئلہ ۱۵۶۴: کافر ذمی اگر ایک مسلمان سے زمین خرید کر دوسرے مسلمان کو بیچ دے تب بھی اس سے خمس ساقط نہیں ہوگا۔اسی طرح اگر کافر مرجائے اور مسلمان کو دہ زمین میراث میں ملے تب بھی احتیاط واجب یہی ہے کہ اس کا خمس دے۔ اگر کافر ذمی زمین خرید تے وقت شرط کرے کہ اس کا خمس نہیں دے گا یا یہ شرط کرے کہ بیچنے والا خمس دے تو یہ شرط باطل ہے اس کا خمس اس کافر ہی کو دینا پڑے گا۔ لیکن اگر یہ شرط کرے کہ اسکے بدلے بیچنے والا خمس دے تو اس شرط پر عمل کرنا ضروری ہوگا۔

مسئلہ ۱۵۶۵: اگر مسلمان بغیر خرید و فروخت کے زمین کافر ذمی کے حوالہ کرکے اس کا عوض لے لے مثلا کافر سے صلح کرلے تب بھی احتیاط واجب کی بنا پر کا فرذمی کو اس کا خمس دینا ہوگا۔

مسئلہ ۱۵۶۶: خمس کے دو حصے کئے جائیں گے ایک حصہ سہم مبارک امام (ع) ہے اور دوسرا حصہ سادات کاہے ۔احتیاط واجب کی بنا پر سہم سادات ، مجتہد کو دینا چاہئےیا جس مجتہد کی تقلید کرتا ہے اسکی اجازت سےسید فقیر کو یا ضرورت مند یتیم کو یا ضرورت مند مسافر کودیا جائے گا۔ چاہے وہ سید مسافر اپنے وطن میں فقیر نہ بھی ہو، البتہ سہم امام کو ہمارے زمانہ میں مجتہد عادل کو دینا چاہئے یا مجتہد عادل کے نمایندے کوتا کہ وہ اس رقم کو ایسی جگہوں پر خرچ کرے جو امام کی مرضی کے مطابق ہو (مثلا) مسلمانوں کے فائدہ کے لئے خصوصا حوزہ ہائے علمیہ و غیرہ کے چلانے کے لئے۔

مسئلہ ۱۵۶۷: مسجدوں، امام باڑوں، اسپتالوں، مدرسوں کی تعمیر میں سہم امام کا خرچ کرنا صرف اسی صورت میں جائز ہے جب مجتہد عادل اجازت دیدے اور اولویت کا لحاظ بھی ہو البتہ سہم سادات کو سےصرف سید فقیر کو یا سید ضرورت مند مسافر کودیا جائے گا۔(چاہے وہ سید مسافر اپنے وطن میں فقیر نہ بھی ہو) اور اس کے علاوہ کہیں اور نہیں خرچ کیاجا سکتا۔

مسئلہ ۱۵۶۸: اگر مجتہد مصلحت سمجھتاہو تو خمس کا مقروض شخص خود مجتہد یا اس کے نمائندہ، کوخمس دےکر اس کو قرض کے طور پر لیکر قسطوں میں اپنا قرض ادا کرسکتا ہے۔

مسئلہ ۱۵۷۰: جو شخص خمس کا بہت زیادہ مقروض ہو اور اس کی ادائیگی پر قادر نہ ہو تو اگر مجتہد مصلحت سمجھتا ہوتو سہم امام کی کچھ مقدار خود اس شخص کو بخش سکتاہے۔

مسئلہ ۱۵۷۱: اگر کوئی شخص سہم امام کو ایسے مجتہد کو دینا چاہے جس کی تقلید نہیں کرتا تو اس صورت ميں جائز هے که اس کا مجتهد اسے اجازت ديدے۔

مسئلہ ۱۵۷۲: غیر عادل سید کو خمس دیاجا سکتا ہے۔ لیکن احتیاط واجب ہے کہ اس سید کودیں جو کھلم کھلا گناہ نہ کرتا ہو اور اگر سفر میں محتاج ہوگیا ہوتو اس کو خمس صرف اس صورت میں دیا جا سکتا ہے کہ اس کا سفر سفر گناہ کے لئے نہ ہو اور اگر سفر گناہ کے لئے ہو اور وہ توبہ کرے اور باقی سفر کو گناہ کے لئے طے نہ کرے تب اس کو خمس دیا جا سکتا ہے۔

مسئلہ ۱۵۷۳: غیر اثنا عشری سید کو خمس نہیں دیا جا سکتا اسی طرح جس کا نفقہ خود خمس دینے والے شخص پر واجب ہو اس کو بھی خمس نہیں دیا جاسکتا۔ مثلا جس کی بیوی سیدانی ہو وہ اپنا خمس اپنی بیوی کو نہیں دے سکتا۔ البتہ اگر اسکی سیدانی بیوی کچھ ایسے لوگوں کو نفقہ دینے پر مجبور ہو جن کا نفقہ اس مردپر واجب نہیں ہیں تب دے سکتا ہے۔

مسئلہ 1574: کسي کا سيد ہونا درج ذيل طريقوں سے ثابت ہوسکتا ہے1 دو عادل کسي کے سيد ہونے کي تصديق کريں و ايک عادل کي تصديق کافي ہے)2 اپنے علاقہ ہيں شہرت رکھتا ہو کہ سيد ہے چاہے يہ شہرت سبب يقين ہو يا سبب گمان ہو.

مسئلہ 1575: وہ سيد فقير جس کے اخراجات دوسرے پر واجب ہوں اگر وہ شخص اس کا خرچ برداشت نہ کرسکتا ہو تو اس کا خمس ديا جا سکتاہے مثلا جس سيداني کا شوہر اس کے اخراجات برداشت نہ کرسکتا ہو وہ سيداني خمس لے سکتي ہے.

مسئلہ ۱۵۷۶: احتیاط واجب کی بنا پر سادات اپنے ایک سال کے خرچ سے زیادہ خمس میں سے نہیں لے سکتے۔