جامع المسایل، شرعی احکام اور فقہی مسائل کے جوابات کا مرکز

مسئلہ ۱۳۹۸: چند چیزیں روزہ دار کے لئے مکروہ ہیں ان میں سے کچھ یہ بھی ہیں۔۱ ۔ آنکھوں میں دوا ڈالنا، ليکن اگر يقين هو که خلق تک پهونچ کر نگلا جائيگا تو روزے ميں اشکال هے ۔۲۔سرمہ لگانا اگر اس کی بو یا مزہ حلق تک پہونچ جائے۔۳۔ ایسے کام کرنا جس سے کمزوری پیدا ہو مثلا خون نکلوانا، حمام جانا۔۴نسوار کا استعمال کرنا اگر معلوم نہ ہو کہ حلق تک پہونچ جائے گی۔ لیکن اگر معلوم ہو کہ حلق تک پہونچ جائے گی تو جائز نہیں ہے۔۵ خوشبو دار گھاس کو سونگھنا۔۶۔ بناء بر احتیاط عورت کا پانی میں بیٹھنا[بهتر هے که پاني ميں نه بيٹھے]۷۔ بناء بر احتیاط شیاف استعمال کرنا یعنی کسی خشک چیز سے اینما لینا[بهتر هے که استعمال نه کرے]۔۸۔ ۔ بدن پربہنے ہوئے لباس کوبھگونا۔۹۔ دانت نکلوانا اور ہر وہ کام کرنا جس سے منہ سے خون آجائے اور کمزوری کا سبب ہو۔۱۰۔ تازہ لکڑی سے مسواک کرنا۔۱۱۔بیوی کو پیار کرنا جب کہ منی نکلنے کے قصد سے نہ ہو،اور ہر وہ کام کرنا جس سے شہوت بھڑک اٹھے اور اگر منی نکلنے کے قصد سے کرے تو روزہ باطل ہوجاتا ہے۔

مسئلہ 1492: اگر مال تجارت کے علاوہ کوئي دوسرا ايسا مال رکھتا ہو جس کا خمس ديا جاچکا ہو يا اصلا اس پر خمس ہي نہ ہو (جيسے ميراث کا مال) اور اس دوسرے مال کے قيمت چڑھ جائے تو اگر اس کو بيچے تو چڑھي ہوئي قيمت کي مقدار کا خمس دے اسي طرح جس بھيڑ کا خمس ديد يا گيا ہودہ موٹي ہوجائے تو جتنے زيادہ کي يکي ہے اس زيادتي کا خمس دے.

مسئلہ 637 : چند چیزوں پر تیمم جائز ہے : مٹی، کنکر، ریت، ڈھیلہ، پتھر بشرطیکہ یہ چیزیں پاک ہوں ۔

مسئلہ 344 : آٹھ چیزیں وضو کو باطل کردیتی ہیں۔1۔ پیشاب کا نکلنا۔2۔ پاخانہ کا نکلنا۔3 ۔ وہ ہو ا جوپاخانہ کے مقام سے خارج ہوتی ہے۔4۔ وہ نیند جو عقل پر غالب آجائے اور اس کی وجہ سے نہ آنکھ دیکھے اور نہ کان سنے۔ لیکن اگر آنکھ نہ دیکھے اور کان سنے تو باطل نہیں ہے۔5۔ وہ تمام چیزیں جو عقل کو زائل کردیتی ہیں جیسے مستی، بے ہوشی، دیوانگی(بناء براحتیاط واجب)۔6۔ استحاضہ 7۔ جس کام کے لئے غسل کی ضرورت پڑے جیسے جنابت۔8۔ انسان کی میت کو چھونا۔

مسئلہ 663 : جو چيزيں وضو کو باطل کرديتي ہيں وہ وضو کے بدلے کئے ہوئے تيمم کو بھي باطل کرديتي ہيں اور جو چيزيں غسل کو باطل کرديتي ہيں وہ غسل کے بدلے کئے ہوئے تيمم کو بھي باطل کرديتي ہيں.

مسئلہ 449 : عورت جب خون حیض سے پاک ہو جائے چاہے ابھی غسل نہ کیا ہو پھر بھی اس کی طلاق صحیح ہے اور اس کا شوہر اس سے ہمبستری کرسکتا ہےاگر چہ احتیاط مستحب یہ ہے کہ غسل سے پہلے مجامعت نہ کرے البتہ جو دوسرے کام حیض کے وقت اس پر حرام تھے جیسے مسجدوں میں ٹہرنا، قرآن کی تحریر کو چھونا بناء بر احتیاط واجب وہ اس وقت تک جائز نہ ہوں گے جب تک غسل نہ کرلے۔

مسئلہ ۱۲۹۴ : اگر کوئی خبر دے کہ گہن لگا ہے لیکن سننے والے کو یقین نہ آئے اور نماز نہ پڑھے۔ اور بعد میں معلوم ہو کہ خبر دینے والے نے صحیح خبر دی تھی تو اگر گہن پورا لگا تھا تو نماز آیات پڑھے ورنہ واجب نہیں ہے۔

مسئلہ 683 : جو لوگ آسمان میں کسی رکاوٹ کی وجہ سے- مثلا بادل اور غبار- یا زندان (قید خانہ) میں گرفتاری کی وجہ سے یا اندھے ہونے کی وجہ سے وقت کے داخل ہونے کا یقین حاصل نہیں کرسکتے اگر ان کو گمان قوی پیدا ہوجائے تو نماز پڑھ سکتے ہیں۔

مسئلہ ۱۴۶۰: جس دن کے بارے میں شک ہو کہ آج آخری رمضان ہے یا پہلی شوال ہے تو روزہ رکھنا چاہئے لیکن اگر دن میں ثابت ہوجائے کہ آج پہلی شوال ہے تو روزہ توڑدے چاہے مغرب کے قریب ہی ہو۔

مسئلہ1332يوم الشک يعني جس دن شک ہو کہ اج پہلي رمضان ہے يا تيسويں ماہ شعبان ہے تو وہ روزہ واجب نہيں ہے اور اگر روزہ رکھنا ہي چاہتاہےتو تيسويں ماہ شعبان کي نيت سے روزہ رکھے يا اس کے ذمہ اگر قضا روزہ ہوتو قضاکينيت کرے اب اگر بعد ميں معلوم ہو کہ رمضان تھا تو رمضانميں حساب ہوجائےگا، البتہ اگر دن ہي ميں معلوم ہو جائے تو فورا رمضان کےروزےکي نيت کرلے.

مسئلہ ۱۴۶۷: جس دن کے بارے میں شک ہو کہ آخری شعبان ہے پہلی رمضان اگر کوئی روزہ رکھنا چاہے تو آخری شعبان کی نیت سے روزہ رکھے اور اگر پہلی رمضان کی نیت سے رکھے تو حرام اور باطل ہے۔

مسئلہ ۵۹ : جس پانی کا رنگ، بو یا ذائقہ نجاست کی وجہ سے بدلا ہو اگر اس کا رنگ ، بو یا ذائقہ خود بخود ختم ہوجائے تو وہ پانی پاک نہیں ہوگا ہاں اگر کُر ، جاری یا بارش کے پانی سے مخلوط ہوجائے توپاک ہوجائے گا۔