مسئلہ 2196:جس کو ايسا مال مل جائے جس پر علامت و نشاني ہو اور اس مال کي قيمت ايک درہم يا اس سے زيادہ ہو تو اگر اٹھا ئے تو ايک سال تک اعلان کرواتا رہے (جس دن سے اٹھايا ہے اس دن سے ايک ہفتہ تک روزانہ اس کے بعد ہر ہفتہ ميں ايک مرتبہ جہاں لوگ زيادہ اکٹھے ہوتے ہوں اعلان کروائے).چاہے وہ مال مسلمان کا ہو يا کا فرذمي کا اس کا اعلان کرنا واجب ہے.
مسئلہ 2197:اگر لفظا اعلان کرنے کے بجائے لکھ کر اعلان ايسي جگہ لگادے جہاں لوگوں کي امد و رفت زيادہ ہو اور وہاں کے زيادہ تر لوگ پڑھے لکھے ہوں يا پڑھے لکھے لوگ جاہلوں کو اعلان کردے (يعني پڑھ کرسناويں) اور ايک سال تک وہ پوسٹر يا کاغذ وہاں لگارہے تو کافي ہے.
مسئلہ 2198:جب تقريبا ايک سال تک مال کے مالک کے مل جانے سے مايوس ہوجائے يا ابتداہي سے مالک کے ملنے سے مايوس ہو تو احتياط واجب ہے کہ اس مال کو اس کے اصل مالک کي طرف سے کسي فقير کو ديدے.
مسئلہ 2199: اگر مقدس مقامات، مساجد و غيرہ ميں کوئي ايسي جگہ معين ہو جہاں گم شدہ مال رکھاجاتا ہو اور لوگ بھي اپنا گمشدہ مال تلاش کرنے کيلئے وہاں جاتے ہوں اور اس جگہ کي نگراني کرنے والے لوگ قابل اعتماد ہوں تو گمشدہ چيز کو وہاں لے جا کر ديدے اور وہ لوگ ايک سال تک اس کي حفاظت و نگراني کرتے رہيں پھربھي مالک نہ ملے تو اس کے بعد والے مسئلہ پر عمل کريںاور اگر بعض شہروں ميں گمشدہ اموال کے لئے اس طرح کي جگہ معين ہو اور لوگوں کو بھي اطلاع ہو تو مال کو وہاں سپرد کردينے کے بعد لوگوں سے اعلان کے ذمہ داري ختم ہوجاتي ہے.
مسئلہ 2200: جب اعلان کرتے کرتے ايک سال پورا ہوجائے يا معين جگہ پر سال بھر تک اس کہ حفاظت کيجائے اور مالک کا پھر بھي پتہ نہ چلے تو اس مال کے پانے والے کو اختيار ہے کہ درج ذيل چر صورتوں ميں جس پر چاہے عمل کرے.1 اپنے لئے اس نيت سے اٹھالے کہ جب بھي اس کا مالک ملے گا اگر مال موجود نہ بھي ہو، تو اس کا عوض ديدونگا 2 بطور امانت مالک کے لئے اٹھا کر اپنے پاس رکھ لے3 اصلي مالک کي طرف سے راہ خدا ميں صدقہ ديدے.4 حاکم شرع کے سپرد کردے ليکن احتياط اسي ميں ہے کہ صدقہ کردے يا پھر حاکم شرع کے سپرد کردے.
مسئلہ 2201:ايک سال تک اعلان کرنے کے بعد بھي اگر مالک نہ ملے اور مال کو مالک نہ ملے اور مال کو مالک کے لئے بطور امانت رکھے رہاہو اور مال بغير کسي کوتاہي يا زيادہ روي کے تلف ہوجائے تو ضامن نہيں ہے ليکن اگر صاحب مال کي طرف سے صدقہ ديدے اور بعد ميں مالک مل جائے اور صدقہ پرراضي نہ ہو تو اس مال کا عوض واجب ہے کہ اس بچہ کا ولي اعلان کرے اور سال بھر اعلان کرنے کے بعد بھي مالک نہ ملے تو اوپر گذري ہوئي چاروں صورتوں ميں جو بچہ کي مصلحت کے مطابق ہو اس پر عمل کرے.
مسئلہ 2202اگر کسي نابالغ بچہ کو کہيں پڑا ہوا مال مل جائےتو احتياط واجب ہے کہ اس بچہ کا ولي اعلان کرے، اور سال بھر اعلان کرنےکے بعد بھي مالک نہ ملے تو اوپر گزري ہوئ چاروں صورتوں ميں جو بچے کي مصلحت کے مطابق ہو اس پر عمل کرے .
مسئلہ 2203: سال کے دوران جب اس کے اعلان کا سلسلہ جاري رہاہو اور مال تلف ہوجائے تو اگر اس کي حفاظت ميں کوتاہي يا زيادہ روي نہ کي ہو تو ضامن نہيں ہے.
مسئلہ 2204: پڑے ہوئے مال کو يہ سمجھتے ہوئے کہ ميرا ہے اگر کوئي اٹھالے اور بعد ميں پتہ چلے کہ اس کا نہيں ہے تو وہ مال اسي جگہ نہيں ڈال سکتا بلکہ سابقہ حکم کے مطابق سال بھر اعلان کرے ليکن اگر پيروں سے ٹھو کر ماردے تو يہ اٹھانے کے حکم ميں نہيں ہے ليکن پاوں مارنا خود محل اشکال ہے.
مسئلہ 2205:اعلان کرتے وقت اس طرح اعلان کرے کہ اس مال کي علامتيں و نشانياں واضح نہ ہوں اور جب کوئي ائے اور صحيح علامات بتائے اور اطمينان ہوجائے تو مال اس کے حوالہ کردے ليکن يہ ضروري نہيں ہے کہ وہ ايسي علامتيں بيان کرے جس کي طرف خود اکثر اوقات مالک بھي متوجہ نہيں ہوتا.
مسئلہ 2206: جس اٹھائے ہوئے مال کي قيمت ايک درہم يا اس سے زيادہ ہو اور اٹھانے والا اعلان نہ کرکے مسجد يا کسي ايسي جگہ پر رکھ دے جو لوگوں کے اجتماع کي جگہ ہو اور مال تلف ہوجائے يا کوئي دوسرا اس کو اٹھا ليجائے تو جس نے پہلے مرتبہ اس کو اٹھايا ہے وہ ضامن ہے.
مسئلہ 2207:اگر ايسا پڑا ہوا مال ملے جو رکھنے سے خراب ہوجاتاہو جيسے پکاہو اکھانا اور فروٹ و غيرہ تو جب تک وہ خراب نہ ہو اس کي حفاظت کرے اس کے بعد قيمت لگا کر خود خرچ کرڈالے يا بيچ کر اس کي قيمت محفوظ رکھے پھر اگر اس کا مالک نہ ملے تو اس کي طرف سے صدقہ کردے اور احتياط مستحب ہے کہ اگر حاکم شرع تک رسائي ممکن ہو تو اس سے اجازت لے لے.
