جامع المسایل، شرعی احکام اور فقہی مسائل کے جوابات کا مرکز

مسئلہ 560 : ہر مسلمان بالغ مرنے والےکی نماز میت واجب ہے اور نابالغ بچہ اگر چھ سال سے کم نہ ہو تو اس پر بھی بناء بر احتیاط واجب نماز پڑھیں۔

مسئلہ570۔ نماز میت میں پانچ تکبیریں ہیں ،اگرنمازگزار پانچ تکبیریں اس ترتیب سے کہے توکافی ہے :نیت اور تکبیر کہنے کے بعد کهے :اشھدان لاالہ الااللہ و ان محمدارّسول اللہ اور دوسری تکبیرکے بعد کہے:اللّھہم ّصل علی محمد وآل محمداورتیسری تکبیر کے بعدکہے : اللّھمّ اغفرللمومنین و المومناتاورچوتھی تکبیرکے بعدکہے : اللہ اغفرلہذا المیت ۔اوراگرعورت کی میت ہے تو چوتھی تکبیرکے بعدکہے : اللّھمّ اغفرلہذہ المیت ۔اوراس کے بعدپانچویں تکبیرکہہ کرنمازتمام کردے ۔ویسے بہترہے کہ پہلی تکبیر کے بعداس طرح کہے :اشْهَدُ انْ لا إلهَ إلااللهُ وَحْدَهُ لا شَرِیک لَهُ وَ اشْهَدُ ان مُحَمداً عَبْدُهُ وَ رَسُولُهُ ارْسَلَهُ بِالْحَق بَشیراً وَ نَذیراً بَینَ یدَی الساعَة ۔اور دوسری تکبیر کے بعد اس طرح کہے :اللهُم صَل عَلی مُحَمدٍ وَ آلِ مُحَمدٍ وَ بارِک عَلی مُحَمدٍ وَ آلِ مُحَمدٍ وَ ارْحَمْ مُحَمداً وَ آلَ مُحَمدٍ کافْضَلِ مَا صَلیتَ وَ بارَکتَ وَ تَرَحمْتَ عَلی إبْراهیمَ وَ آلِ ابْراهیمَ إنک حَمیدٌ مَجیدٌ وَ صَل عَلی جَمیعِ الْأنْبِیاءِ وَ الْمُرْسَلینَ وَ الشهَداءِ وَ الصدیقینَ وَ جَمیعِ عِبادِ اللهِ الصالِحینَ.اورتیسری تکبیرکے بعداس طرح کہے :اللہم اغفرللمؤمنین والمؤمنات والمسلمین والمسلمات الاحیاء منھم والاموات تابع بینناوبینہم بالخیرات انک مجیب الدعوات انک علی کل شئی قدیر۔اور چوتھی تکبیرکے بعد اگرمیت مرد کی ہے تو اس طرح کہے :اللہم ان ہذا عبدک وابن عبدک وابن امتک نزل بک وانت خیرمنزول بہ اللہم انالانعلم منہ الاخیرا و انت اعلم بہ منا،اللہم ان کان محسنافزد فی احسانہ و ان کان مسئیا فتجاوز عنہ و اغفر لہ، اللہم اجعلہ عندک فی اعلی علیین واخلف علی اہلہ فی الغابرین و ارحمہ برحمتک یاارحم الراحمین۔اور پانچویں تکبیرکہہ کر نمازتمام کردے، لیکن اگر عورت کی میت ہو تو چوتھی تکبیر کے بعد اس طرح کہے :اللہم ان ہذہ امتک وابنة عبدک و ابن امتک نزلت بک وانت خیرمنزول بہا، اللہم انالانعلم منہا الاخیرا و انت اعلم بہا منا،اللہم ان کانت محسنة فزد فی احسانہا وان کانت مسئیةفتجاوز عنہا واغفرلہا، اللہم اجعلہا عندک فی اعلی علیین واخلف علی اہلہا فی الغابرین و ارحمہا برحمتک یا ارحم الراحمین۔

مسئلہ 574 : میت کو اس طرح دفن کریں کہ اس کی بدبو باہر نہ آنے پائے اور جانور بھی وہاں تک نہ پہنچ سکیں اور اگر خطرہو کہ جانورمیت کے جسم کو ضرر پہونچائے گا تو قبرکو اینٹ ،سمینٹ وغیرہ سے پکی بنادیں۔

مسئلہ588۔ مستحب ہے کہ دفن میں مندرجہ ذیل امورکو کو اس امید سے کہ یہ مطلوب و مقبول پروردگار ہے انجام دیں۔1۔ قبرکومتوسط انسان کے قدکے برابرکھودیں۔2۔ میت کونزدیک ترین قبرستان میں دفن کردیں،البتہ دور والا قبرستان کسی اعتبارسے بہتر ہو تو وہاں دفن کریں،مثلا وہاں متقی افراد دفن ہوں یافاتحہ کے لئے زیادہ ترلوگ وہاں جاتے ہوں۔3۔ دفن کے وقت جنازہ کوقبرکے قریب زمین پررکھیں اورتین دفعہ اٹھا کر تھوڑا تھوڑا قبر کے نزدیک لے جائیں اورہردفعہ زمین پررکھیں اوراٹھالیں اور چوتھی دفعہ قبرمیں اتاردیں۔4۔ اگرمردکی میت ہو تو سرکی طرف سے قبرمیں داخل کریں اور اگر عورت کی ہو تو برابر سے، اور قبرمیں اتارتے وقت قبرپرایک چادرتان دیں۔5۔ تابوت سے جنازہ بہت آرام سے نکالیں اوربہت سکون سے قبرمیں اتاردیں،دفن سے پہلے اوردفن کے وقت کی جو دعائیں منقول ہیں انھیں پڑھیں۔6۔قبرمیں لحدبنادیں یعنی قبر کو ایسے بنائیں کہ مٹی میت کے بدن پر نه گرے اس طرح که قبر کے نیچے والے حصه کو پتلا رکھیں اور میت کو قبر میں رکھنے کے بعد اس کے کچی یا پکی اینٹیں رکھ دیں یا قبله کی طرف سے قبر کو نیچے سے کھود کر اتنا وسیع کردیں که اس میں میت سما سکے۔7۔ میت کے پیچھے کچھ مٹی یااینٹ وغیرہ رکھ دیں تاکہ جب میت کوداہنی کروٹ لٹائیں توپیچھے کی طرف پلٹ نہ جائے ۔ 8۔ قبر میں رکھنے کے بعد اس کے کفن کی گرہیں کھول دیں اورمیت کے چہرے کوخاک پررکھ دیں اورمٹی کاایک تکیہ سااس کے سرکے نیچے بنادیں9۔ میت کو قبر میں اتارنے والے کو باطہارت ہونے کے ساتھ سر و پا برہنہ ہونا چاہئے اورمیت کے رشتہ داروں میں سے نہ ہو، ہاتھ کی پشت سے مٹی ڈالیں اور اناللہ واناالیہ راجعون پڑھیں اور اگرمیت عورت کی ہوتواس کامحرم اسے قبرمیں اتارے اور اگرمحرم نہ ہو تو عزیز و اقرباء اسے قبرمیں اتاریں۔10۔ لحدبندکرنے سے پہلے میت کے شانوں کو پکڑ کر ہلائیں اورتین دفعہ کہیں : ”اسمع افہم یا فلان ابن فلان“ اور فلاں بن فلاں کی جگہ میت اوراس کے باپ کانام لیں،مثلاتین مرتبہ کہیں : اسمع افہم یامحمدبن علی“ ۔اوراس کے بعدکہیں :ہل انت علی العہدالذی فارقتناعلیہ من شہادةان لاالہ الااللہ وحدہ لاشریک لہ وان محمدا صلی اللہ علیہ وآلہ عبدہ ورسولہ وسیدالنبین وخاتم المرسلین وان علیاامیرالمومنین وسیدالوصین وامام افترض اللہ طاعتہ علی العالمین وان الحسن والحسین وعلی بن الحسین ومحمدبن علی وجعفربن محمدوموسی بن جعفروعلی بن موسے ومحمدبن علی وعلی بن محمد والحسن بن علی والقائم الحجةالمہدی صلوات اللہ علیہم ائمة المؤمنین وحجج اللہ علی الخلق اجمعین وائمتک ائمةہدی بک ابراریافلان بن فلان ۔ اورفلاں بن فلاں کی جگہ میت اوراس کے ماں باپ کانام لیں اورکہیں : اذااتاک الملکان المقربان رسولین من عنداللہ تبارک وتعالی وسئلاک عن ربک وعن نبیک وعن دینک وعن کتابک وعن قبلتک وعن ائمتک فلاتخف ولاتحزن وقل فی جوابہمااللہ ربی ومحمد صلی اللہ علیہ وآلہ نبی والاسلام دینی والقرآن کتابی والکعبةقبلتی وامیرالمومنین علی بن ابی طالب امامی والحسن بن علی المجتبی امامی والحسین بن علی الشہیدبکربلاامامی وعلی زین العابدین ومحمدالباقرامامی وجعفرالصادق امامی وموسی الکاظم امامی وعلی الرضاامامی ومحمدالجوادامامی وعلی الہادی امامی والحسن العسکری امامی والحجةالمنتظرامامی،ھؤلاء صلوات اللہ علیہم اجمعین ائمتی وسادتی وقادتی وشفعائی بہم اتولی ومن اعدائہم اتبرء فی الدنیاوالاخرة،ثم اعلم یافلان بن فلان… اورفلان بن فلان کی جگہ میت اوراس کے باپ کانام لیں اور بعد میں کہیں:ان اللہ تبارک وتعالی نعم الرب وان محمدا صلی اللہ علیہ وآلہ نعم الرسول وان علی بن ابی طالب واولادہ المعصومین الائمةالاثنی عشرنعم الائمةوان ماجاء بہ محمدصلی اللہ علیہ وآلہ حق وان الموت حق وسؤال منکرونکیرفی القبرحق والبعث حق والنشورحق والصراط حق والمیزان حق وتطایرالکتب حق وان الجنةوالنارحق وان الساعةآتیةلاریب فیھاوان ا للہ یبعث من فی القبور، پھرکہے : افہمت یافلان اورفلان کی جگہ پرمیت کانام لیں اوربعدمیں کہیں :ثبتک اللہ بالقول الثابت وھدیک اللہ الی صراط مستقیم عرف اللہ بینک وبین اولیائک فی مستقرمن رحمتہ،پھرکہے : اللہم جاف الارض عن جنبیہ و اصعدبروحہ الیک و لقنہ من برھانا اللہم عفوک عفوک۔11۔قبرکوبصورت مربع مستطیل بنائیں اورچارانگلیوں کے برابرزمین سے بلندبنائیں اوراس پرکوئی ایسی نشانی نصب کردیں جس سے وہ پہچانی جائے ،قبرکے اوپرپانی چھڑکیں،پانی چھڑکنے کے بعدجولوگ موجودہیں قبر پر اپنے ہاتھوں کواس طرح رکھیں کہ انگلیاں کھلی ہوں اورخاک میں گاڑدیں پھرسات مرتبہ”اناانزلناہ“ پڑھیں اور میت کے لئے طلب بخشش کریں۔12۔اس کے بعد اس دعاء کوپڑھیں :اللہم جاف الارض عن جنبیہ واصعدالیک روحہ ولقہ منک رضوانا اسکن قبرہ من رحمتک ماتغنیہ بہ عن رحمةمن سواک۔

مسئلہ597۔ مسلمان کی قبرکھولناحرام ہے چاہے وہ قبربچے یادیوانہ کی ہو قبر کھولنے سے مراد یہ ہے کہ اس طرح کھولا جائے کہ میت کا بدن ظاہر ہوجائے ۔ لیکن اگر بدن ظاہر نہ ہو تو کھولنے میں کوئی اشکال نہیں ہے مگر یہ کہ کھولنا ذلت و بے احترامی کا باعث ہو (تو حرام ہے)۔

مسئلہ 553 : احتیاط واجب یہ ہے کہ پہلے کافور میت کی پیشانی پر ملیں، اس کے بعد دوسرے اعضاء پر اور یہ کام کفن پہنانے سے پہلے یا کفن پہناتے وقت کرلیں نہ کہ کفن پہنا نے کے بعد۔

مسئلہ 554 : احرام حج یا عمرہ باندھے ہوئے اگر کوئی شخص مرجائے تو حنوط اور دوسری خوشبو(بھی) اس کے لئے جائز نہیں ہے۔

مسئلہ555: جو عورت وفات کی عدت میں ہو اس کے لئے خوشبو لگانا حرام ہے لیکن اگر مرجائے تو حنوط کرنا واجب ہے۔

مسئلہ 556 : احتیاط واجب یہ ہے کہ میت کو مشک، عنبر اور دوسری عطریات سے معطر نہ کریں حتی کہ حنوط کے لئے کافور کے ساتھ کوئی دوسری خوشبو نہ ملائی جائے۔

مسئلہ557 : اگر غسل و حنوط دونوں کے لئے کافور کافی نہ ہو تو بناء بر احتیاط واجب غسل کے لئے مقدم کردیں اور اگر کافور ساتوں اعضاء کے لئے کفایت نہ کرے تو پیشانی کو مقدم کریں۔

مسئلہ 558 : کافور کے ساتھ تھوڑی سے خاک شفا کا ملادینا بہتر ہے لیکن اتنی زیادہ بھی نہ ہو کہ کافور، کافور ہی نہ رہے۔

مسئلہ 559 : دو تر وتازہ لکڑیوں کا میت کے ہمراہ قبر میں رکھنا مستحب ہے خواہ کفن کے اندر ہو یا باہر۔