مسئلہ 1428: مستي کي حالت ميں چھوٹے ہوئے روزوں کي قضا لازم ہے چاہے مست کرنے والي چيز کو اشتباہا يا علاج کے لئے کھا يا ہو بلکہ اگر روزے کي نيت پہلے کرلي ہو پھر مستي کے عالم ميں روزہ کو تمام کرے تو بناء بر احتياط واجب قضا کرے.
مسئلہ 1429: مسافرت، بيماري و غيرہ کي وجہ سے جو روزے چھوٹ گئے ہوں ان کي قضا کرے ليکن اگر چھوٹے ہوئے روزوں کي تعداد معلوم نہ ہو تو يقيني تعداد کي قضا کرے اس سے زيادہ واجب نہيں ہے اگر چہ احتياط مستحب ہے کہ زيادہ کي قضا کرے.
مسئلہ 1431: ماہ رمضان کے قضا روزوں کو بشرطيکہ وقت تنگ نہ ہو تو ظہر سے پہلے توڑا جاسکتا ہےليکن ظہر کے بعد جائز نہيں ہے اسي طرح اگر غير معين روزے (مثلا نذر کے قضا روزے) کي قضا رکھ رہاہو تو احتياط واجب ہے کہ ظہر کے بعد روزے کو باطل نہ کرے.
مسئلہ ۱۴۳۲: اگر کوئی بیماری یا حیض، نفاس کی وجہ سے رمضان کا روزہ نہ رکھے اور رمضان ختم ہونے سے پہلے مرجائے تو نہ رکھے ہوئے روزوں کی قضا واجب نہیں ہے۔
۱۴۳۸: ماں باپ کے مرنے کے بعد بڑے بیٹے کو چاہئے کہ اس کےنماز ، روزوں کی قضا بجالائے ۔
مسئلہ 1439: اگر ميت کے ولي کو معلوم نہ ہو کہ ميت کے ذمہ روزہ کي قضا ہے يا نہيں ہے تو ميت کے لئے قضا روزے رکھوا نا لازم نہيں ہے اور اگر اجمالا جانتا ہو کہ کچھ روزوں کي قضا اس کے ذمہ ہے تو جتني مقدار کا يقين ہو اسي کو بجالائے اس سے زيادہ واجب نہيں ہے.
مسئلہ ۱۴۴۱: ماہ رمضان میں سفر کرنا حرام نہیں ہے لیکن اگر روزے سے بھاگنے کے لئے ہو تو مکروہ ہے۔
مسئلہ۱۴۴۲ : ماہ رمضان کے علاوہ اگر انسان پر کسی معین دن کا روزہ واجب ہو (مثلا نذر کر لی ہو کہ پندرہ شعبان کو روزہ رکھوں گا) تو بناء بر احتیاط واجب اس دن سفر نہ کرے بلکہ اگر سفر میں ہو اگر ممکن ہو تو کسی جگہ دس دن کے قیام کی نیت کرکے اس دن کا روزہ رکھے۔
مسئلہ ۱۴۴۳: اگر روزہ کی نذرکرے لیکن اس کا دن معین نہ کرے تو اس روزہ کو سفر میں نہیں رکھ سکتا۔ چاہے نذر کرلے کہ فلاںمعین دن کو سفر میں روزہ رکھوں گا یا نذر کرے کہ فلاں دن روزہ رکھوں گا خواہ سفر میں ہوں یا وطن میں ، ایسی نذر میں اشکال ہے۔
مسئلہ ۱۴۴۴: مسافر مدینہ منورہ کے اندر حاجت برآوری کے لئے تین دن کا مستحبی روزہ رکھ سکتا ہے (چاہے دس دن کے قیام کی نیت بھی نہ ہو) لیکن احتیاط واجب یہ ہے کہ روزہ بدھ، جمعرات، جمعہ کو رکھے۔
مسئلہ 1445: جس کو معلوم ہي نہ ہو کہ مسافر کا روزہ باطل ہے اگر وہ سفر ميں روزہ رکھ لے تو اس کا روزہ صحيح ہے ليکن اگر دن ميں مسئلہ معلوم ہوجائے تو پھر روزہ باطل ہے.
مسئلہ 1446: جو شخص بھول جائے کہ وہ مسافر ہے يا بھول جائے کہ مسافر کا روزہ باطل ہے اور روزہ رکھ لے تو بناء بر احتياط واجب روزہ کي قضا کرے.
