جامع المسایل، شرعی احکام اور فقہی مسائل کے جوابات کا مرکز

مسئلہ 637 : چند چیزوں پر تیمم جائز ہے : مٹی، کنکر، ریت، ڈھیلہ، پتھر بشرطیکہ یہ چیزیں پاک ہوں ۔

مسئلہ 617 : اگر نماز کا وقت تنگ ہو اور پاني کي تلاش کرنے ميں وقت گزر جاتا ہو يا کوئي خطرہ در پيش ہو تو پاني کي تلاش لازم نہيں ہے البتہ اگر تھوڑي دور تک تلاش کرسکتا ہے تو کرے.

مسئلہ 620: جو شخص باوضو ہو اور جانتا ہو کہ اگر ميرا وضو ٹوٹ گيا تو پھرنماز کے لئے برقرار رکھے يہاں تک کہ اگر قابل توجہ احتمال بھي ہو کہ وضو کے لئے پاني نہ مل پائے گا يا نماز کے وقت سے پہلے باوضو ہو اور جانتا ہو کہ بعد ميں پاني نہ ملے گا تو احتياط واجب ہے کہ اپنے وضو کو برقرا رکھے.

مسئلہ 621 : اگر کسي کے پاس بمقدار وضو يا غسل پاني ہو اور وہ جانتا ہو کہ اگر اس پاني کو پھينک ديا تو دوسرا پاني نہيںملے گا تو اگر نماز کا وقت داخل ہوچکا ہو تو اس پاني کا بہانا حرام ہے اور احتياط واجب ہے نماز کے وقت سے پہلے بھي پاني کو نہ بہائے اسي طرح اگر عقلي احتمال ہو کہ اس پاني کے ختم ہوجانے کے بعد دوسرا پاني نہيں ملے گا تو احتياط واجب ہے کہ اس پاني کو محفوظ رکھے اور ان تمام صورتوں ميںاگر پاني کو پھينک ديا تو غلط کام کيا ليکن تيمم کے ساتھ اس کي نماز صحيح ہے.

مسئلہ 623 : اگر کنویں سے پانی نکالنے کے لئے رسی اور ڈول کی ضرورت ہو تو اس کا انتظام کرنا چاہئے یا کرایہ پر لینا چاہئے ، چاہے اس کی قیمت معمول سے چند گنا زیادہ ہو۔ لیکن اگر رسی اور ڈول کا انتظام کرنا یا وضو کے پانی کا خریدنا اتنازیادہ گراں ہو کہ اس کے لئے ضرر رساں ہو تو انتظام کرنا یاخریدنا واجب نہیں ہے۔

مسئلہ 624 : اگر پانی حاصل کرنے کے لئے قرض لینے پر مجبور ہو تو واجب ہے کہ قرض لے لے لیکن اگرعلم یا گمان ہے کہ اس قرض کی ادائیگی پر قادر نہیں ہے تو قرض لینا واجب نہیں ہے اور اگر کوئی ضرورت سے زیادہ احسان جتائے بغیر تھوڑا سا پانی بخش دے[دیدے] توقبول کرلینا چاہئے۔

مسئلہ 626 : جو شخص آنکھ کے درد میں مبتلا ہو اور پانی اس کےلئے نقصان دہ ہو تو اگر وہ آنکھوں کے اطراف کودھو سکتا ہو تب تو وضو کرے ورنہ تیمم کرے۔

مسئلہ 627 : جس کو معلوم ہو کہ پانی اس کے لئے مضر ہے اس لئے تیمم کرے اور بعد میں پتہ چلا کہ پانی اس کے لئے مضر نہیں تھا تو اس کا تیمم باطل ہے اور اگر اس تیمم سے نماز بھی پڑھ چکا ہے تو بناء بر احتیاط واجب اس نماز کا اعادہ کرے اور اس کے برعکس اگر یقین تھا کہ پانی نقصان نہیں کرے گا اور ا س نے وضو یا غسل کر لیا اور بعد میں پتہ چلا کہ پانی اس کے لئے مضر تھا تو اس کا وضو اور غسل صحيح هے

مسئلہ 629 : اگر کوئي پاک پاني کے ساتھ ساتھ نجس پاني بھي پينے کي مقدار بھر رکھتا ہے تو نجس پاني سے استفادہ نہيں کرسکتا پاک پاني کو پينے کے لئے رکھے اور تيمم سے نماز پڑھے البتہ نجس پاني حيوان کو دے سکتاہے.

مسئلہ 633 : اگرکوئی جان بوجھ کر نماز میں اتنی تاخیر کردے کہ وضو یا غسل کا وقت نہ رہے تواس نے گناہ کیا لیکن اس کی نماز تیمم سے صحیح ہے اگر چہ احتیاط مستحب یہ ہے کہ اس نماز کی قضاء بھی بجالائے۔

مسئلہ 634 : جس کو معلوم نہ ہو کہ وقت تنگ ہوگیا کہ نہیں اس کو وضو یا غسل کرلینا چاہئے لیکن اگر جانتا ہو کہ وقت کم ہے لیکن خطریہ ہے کہ اگر وضو یا غسل کے چکر میں پڑا تو نماز نہیں ہوسکے گی توتیمم کرے۔

مسئلہ 635 : اگر کسي نے تنگي وقت کي وجہ سے تيمم کرکے نماز شروع کردي اور نماز کے درميان جو پاني اس کے پاس تھا ضائع ہوگيا تو بعد والي نمازوں کو اسي تيمم سے پڑھ سکتا ہے.