جامع المسایل، شرعی احکام اور فقہی مسائل کے جوابات کا مرکز

مسئلہ 716 : ضروری نہیں کہ کھڑے ہوتے وقت پیروں کی انگلیوں کی نوک اور بیٹھتے وقت زانووں کا سرا کاملا قبلے کی طرف ہو بلکہ اتنا کافی ہے کہ کہا جائے رو بہ قبلہ کھڑا ہے یا بیٹھا ہے۔

مسئلہ 715 : خانہ کعبہ جو مکہ مکرمہ میں ہے وہ تمام دنیا کے مسلمانوں کا قبلہ ہے جو شخص جہاں بھی ہو اسی کے روبرو نماز پڑھے اور جو شخص دور ہو اگر اس طرح کھڑا ہو کہ لوگ کہیں روبہ قبلہ نمازپڑھ رہاہے توکافی ہے، بنا بر ایں نماز جماعت کی وہ لمبی صفیں جو خانہ کعبہ سے زیادہ لمبی ہوتی ہیں وہ سب کی سب روبہ قبلہ ہوسکتی ہیں ۔

مسئلہ 735 : نمازی کے لباس کی چھ شرطیں ہیں :1۔ پاک ہو۔2۔ بناء بر احتیاط واجب غصبی نہ ہو۔3۔ مردار کے اجزاء کا نہ ہو۔4۔ حرام گوشت حیوان کے اجزاء کا نہ بنا ہو۔5۔ 6۔ اگر نمازی مرد ہے تو اس کا لباس خالص ریشمی یا سونے کے تاروں سے بنا ہوا نہ ہو۔

مسئلہ 726: نماز پڑھتے ہوئے مرد کا آگا پیچھا چھپا ہونا چاہئے۔ چاہے اس کو کوئی نہ دیکھ رہا ہو ۔ اوربہتر ہے کہ ناف سے زانو تک چھپالے اور اس سے بھی بہتر ہے کہ محترم افراد کے سامنے جو لباس پہنتے ہیں وہی پورا لباس نماز میں پہنیں۔

مسئلہ 727 : نماز کی حالت میں عورت کا سارا جسم چھپا ہونا چاہئے حتی کہ بال اور سر بھی صرف چہرہ اور گٹوں تک ہاتھ اور ٹخنوں تک پاؤں کھلے رہ سکتے ہیں۔ لیکن یہ یقین کر لینے کے لئے کہ مقدار واجب کو چھپا لیا ہے احتياط واجب کي بنا پر تھوڑا سا چہرے کے اطراف اور گٹوں سے نیچے کو بھی چھپائے۔

مسئلہ 736 : اگر کوئی عمدا نجس بدن یا نجس لباس میں نماز پڑھے تو اس کی نماز باطل ہے چاہے وہ مسئلہ نہ جاننے کی وجہ سے ہو۔

مسئلہ 746 : بناء بر احتیاط واجب نمازی کا لباس مباح ہو۔ اگر کوئی جان بوجھ کر غصبی لباس میں نماز پڑھے (یہاں تک کہ تاگا یا بٹن غصبی ہو)تو نماز کا اعادہ کرے۔ لیکن اگر نہیں جانتا تھا کہ غصبی ہے اور اس میں نماز پڑھے تو نماز صحیح ہے اسی طرح اگر پہلے جانتا رہا ہو کہ لباس غصبی ہے اور بعد میں بھول کر پڑھ لے تب بھی نماز صحیح ہے لیکن اگر خود غاصب ہو يعني پهلے لباس کو غصب کيا هو اور پھر بھول گيا هو اور نماز پڑھ لے تو یہاں پر احتیاط واجب ہے کہ نماز کا اعادہ کرے۔

مسئلہ 750 : نمازی کا لباس اس مردہ حیوان کے اجزا کا نہ ہو جو خون جہندہ رکھتا ہے۔ بلکہ احتیا ط واجب یہ ہے کہ ان مردہ حیوانوں کے اجزاء کے لباس سے بھی پرہیز کرے جوخون جہندہ نہیں رکھتے (جیسے مچھلی سانپ)۔

مسئلہ760 سونے کي تاروں سے بنے ہوئے لباس ميں مردوں کي نماز جائزنہيں ہے اوراس سے نمازباطل ہوجاتي ہے، البتہ عورتوں کے لئے کوئي اشکال نہيں ہے بشرطيکہ اسراف نہ ہو نماز کے علاوہ بھي مردوں کے لئے اس لباس کا پہننا حرام ہے.

مسئلہ763۔ خالص ریشمی لباس مردوں کے لئے حرام ہے خواه ٹوپی اور ازاربند[کمر بند] هو اور اس میں نماز باطل ہے۔ انتہا یہ ہے کہ لباس کا استر بھی ریشمی نہ ہو۔ ہاں عورتوں کے لئے نماز میں اور نماز کے علاوہ بھی جائز ہے۔

مسئلہ 739 : نماز پڑھنے کے بعد اگر معلوم ہو کہ بدن يا لباس نجس تھا تو اس کي نماز صحيح ہے خواہ وقت کے اندر ہو يا وقت کے بعد ہو.

مسئلہ 738 : اگر نماز پڑھتے میں بدن یا لباس نجس ہوجائے یا نماز پڑھتے میں متوجہ ہوجائے کہ اس کا بدن یا لباس نجس ہو گیا ہے لیکن یہ نہیں جانتا کہ پہلے ہی سے نجس تھا یا نماز پڑھنے میں نجس ہوا تو اگر پانی کا ملناممکن ہے اور بدن یا لباس کا اس طرح پاک کرنا یا لباس کا اس طرح بدل لینا ممکن ہو کہ نماز کی صورت نہ بگڑے تو اسے وقت پاک کرلے یا بدل لے اور پھر نماز کو پڑھے۔ لیکن اگر یہ ممکن نہ ہو تو نماز کو توڑ دے اور پاک بدن و پاک لباس سے نماز پڑھے اور یہ اس صورت میں ہے جب نماز کا وقت تنگ نہ ہو ورنہ اسی حال میں نمازپڑھے اس کی نماز صحیح ہے۔