دوسري شرط : ابتداء سے آٹھ فرسخ کي نيت ہو.مسئلہ 1127 : اگر کوئي شخص ايک ايسي جگہ تک کا سفر کرے جو آٹھ فرسخ سے کم ہو اور پھر راستہ ميں يا مقصد تک پہنچنے کے بعد يہ ارادہ کرے کہ ميں ابھي اور سفر کروں گا اور مجموعي طور پر مسافت آٹھ فرسخ ہو تو چونکہ اس نے ابتداء سے آٹھ فرسخ کے سفر کا قصد نہيں کيا تھا اس لئے پوري نماز پڑھے گا ليکن اگر راستے ميں يا منزل پر پہنچ کر مزيد آٹھ فرسخ کا يا اس سے زيادہ کاقصد کرے تو اس کي نماز قصر ہوگي.
مسئلہ 1134 : اگر چوری، خیانت یا کسی دوسرے حرام کام کے لئے سفر کرے تو نماز پوری پڑھے اسی طرح اگر خود سفر حرام ہو (مثلا ایسا سفر جو اس کے بدن کے لئے اچھا خاصا نقصان دہ ہو یا عورت شوہر کی اجازت کے بغیر سفر کرے یا لڑکا ماں باپ کے منع کرنے کے باوجود سفر کرے کہ جس سے والدین کو اذیت ہو تو احتیاط واجب کی بناء پر نماز پوری پڑھنی چاہئے۔ البتہ اگر سفر واجب ہو جیسے اس پر حج واجب ہو تو ماں، باپ، شوہر کی رضامندی شرط نہیں ہے اور نماز قصر ہے۔
چھٹي شرطصحرا نشين خانہ بدوش نہ ہومسئلہ 1143 : جو لوگ خانہ بدوش ہوں يعني ان کا کوئي مخصوص وطن نہ ہو بلکہ جہاں بھي ان کے اور ان کے حيوانوں کے لئے پاني اور خوراک مل جائے وہيں قيام کرليتے ہيں تو ايسے افراد سفر ميں اپني نماز پوري پڑھيں گے اور روزہ بھي رکھيں گے.
مسئلہ 1145 : ڈرائیور، پائلٹ، کشتی چلانے والے، شتربان اور ان جیسے حضرات جن کا شغل ہی سفر ہو ان کی نماز قصر نہیں ہے ليکن شروع ميں دو تين دن احتياط واجب کي بنا پر دونوں طرح يعني قصر بھي پڑھيں اور پوري بھي پڑھيں۔
مسئلہ 1155 : جو شخص حد ترخص تک پہنچ جائے یعنی وطن یا اپنے ٹھہرنے کے جگہ سے اتنا دور ہوجائے کہ شہر کی اذان کی آواز سنائی نہ دے اور شہر کے لوگ اس کو نہ دیکھ سکیں۔ لیکن شہر کی دیواروں کو دیکھنے یا نہ دیکھنے سے کوئی فرق نہیں پڑتا۔ البتہ ہوا میں گرد وغبار وغیرہ نہ ہو(جو دیکھنے میں رکاوٹ بنے اسی طرح شور وغل وغیرہ نہ ہو)جو سننے میں رکاوٹ بنے۔(تو وہاں سے نماز قصر ہوگی)اور اگر ان دونوں علامتوں میں سے ایک بھی ہوجائے تو کافی ہے بشرطیکہ دوسری علامت کے نہ ہونے کا یقین نہ رکھتا ہو ورنہ احتیاط واجب یہ ہے کہ نماز قصر بھی پڑھے اور پوری بھی۔
مسئلہ 1121 : اگر شک ہو کہ سفر آٹھ فرسخ ہے کہ نہیں، تو نماز قصر نہ پڑھے ۔ البتہ اگر [معلوم کرنے میں ] زیادہ مشقت نہ ہو تو جو لوگ اس راستہ سے واقف ہوں ان سے تحقیق کرے۔
مسئلہ 1122: مسافت کی مقدار کو مختلف طریقوں سے جانچا جا سکتا ہے اول خود ہی ناپ کر یقین کرلے۔ دوم لوگوں کے درمیان مشہور ہو ۔ سوم قابل اعتماد شخص خبر دے۔
مسئلہ 1123 : اگر يہ يقين کرتے ہوئے کہ اس کا سفر آٹھ فرسخ ہے نماز کو قصر پڑھے بعد ميں پتہ چلے کہ آٹھ فرسخ کي مسافت نہيں تھي تو اس کي نمازباطل ہے پڑھي ہوئي نمازوں کو چار رکعت کے حساب سے پھر پڑھے اور اگر وقت گزر گيا ہے تو قضا کرے اور اگر اس کو يقين تھا کہ مسافت آٹھ فرسخ نہيں ہے ليکن راستہ ميں معلوم ہوگيا کہ آٹھ فرسخ ہے تو نمازکو قصر پڑھے اور جو پوري پڑھ چکا ہے ان کا اعادہ کرے.
مسئلہ 1124 : دو ایسے مقامات میں جن کا فاصلہ چار فرسخ سے کم ہو اگر چند مرتبہ رفت و آمد کرے تو اس کی نماز قصر نہ ہوگی۔ چاہے اس کا سفر آٹھ فرسخ یا اس سے زیادہ کا ہوگیا ہو۔ ہاں اگر عرفا اس کو مسافر کہا جاتا ہے تو اس صورت میں احتیاط واجب یہ ہے کہ پوری بھی پڑھے اور قصر بھی پڑھے۔
مسئلہ 1125 : اگر کسي مقام کے دو راستے ہوايک(راستہ)آٹھ فرسخ سے کم ہو اور دوسرا آٹھ فرسخ يا اس سے زيادہ ہو تو اگر پہلے راستے سے جائے تو پوري نماز پڑھے اور اگر دوسرے راستے سے جائے تو قصر پڑھے.
مسئلہ 1126 : آٹھ فرسخ کي مسافت کا حساب شہر کے آخري گھروں سے کرنا چاہئے.
مسئلہ 1128 : گمشدہ چيز کو تلاش کرنے والا چونکہ اس کو نہيں معلوم کہ کتنا سفر کرے گا کيونکہ جب تک اس کا مقصد پورا نہ ہوجائے وہ سفر کرے گا اس لئے وہ نماز پوري پڑھے گا البتہ واپسي پر اگر ٹہرنے کي جگہ ياوطن تک آٹھ فرسخ يا اس سے زيادہ ہوتا ہو تو نمازقصر پڑھے.
