جامع المسایل، شرعی احکام اور فقہی مسائل کے جوابات کا مرکز

مسئلہ 1080 : اگر شروع میں کسی ایک طرف گمان ہو اور بعد میں دونوں طرف برابر ہوگیا اور شک کی حالت پیدا ہوگئی تو شک کے دستور پر عمل کرے اور اس کے برعکس اگر پہلے شک کی صورت پیدا ہو اور بعد میں کسی ایک طرف کا گمان ہوجائے تو گمان کے مطابق عمل کرے۔ لیکن اگر شک ان شکوک میں سے ہو جو نماز کو باطل کردیتے ہیں او ر شک باقی رہے۔ تو نماز کو پھر سے پڑھے اس کا گمان سے بدل جانے کا کوئی فائدہ نہیں ہے۔

مسئلہ 2055: اگر کوئي خدا نخواستہ کوئي شوہر دار عورت سے زنا کرے تو توبہ کرنے کے لئے ضروري نہيں کہ اس کے شوہر کو بھي مطلع کرے بلکہ در گاہ احديت ميں حقيقي توبہ کرے.

مسئلہ 241 : اگر کوئي جانور انسان کے پاخانہ کے علاوہ ديگر نجاستوں کو کھائے تو اس سے اس کا پيشاب و پاخانہ نجس نہيں ہوتا اور نہ اس کا گوشت حرام ہوتا ہے ليکن جس جانور کي غذا سور کا دودھ ہو اور اسي کي وجہ سے اس کي رشد و نمو ہوئي ہو تو اس کا گوشت حرام ہے.

مسئلہ891 : جو شخص نماز کے کچھ حصے کو کھڑے ہوکر پڑھ سکتا ہے تو واجب ہے کہ جتنا ہو سکتا ہے کھڑے ہوکر پڑھے اور باقی بیٹھ کر یا اگر بیٹھ نہیں پڑھ سکتا تو لیٹ کر پڑھے ۔

مسئلہ 1197 : جس کو گمان ہو کہ اس کي بعض گذشتہ نمازيں صحيح نہيں تھيں يا بھول گيا ہو تو احتياط مستحب ہے کہ ان کي قضا بجالائے.

مسئلہ 893 : اگر کسی کو یہ احتمال ہو کہ آخری وقت تک وہ کھڑا ہو کر نماز پڑھ سکے گا تو بناء بر احتیاط واجب اول وقت نماز نہ پڑھے۔

مسئلہ822۔ اگرانسان کسی ایسی جگہ پرنمازپڑھ رہاہوکہ جہاں لوگ اس کے سامنے سے گزر رہے ہوں تومستحب ہے کہ اپنے آگے کوئی چیزرکھ دے تاکہ نمازی اورلوگوں میں رکاوٹ بن جائے حتی کہ عصاء، تسبیح یارسی وغیرہ کارکھنابھی کافی ہے۔

مسئلہ ۱۹: اگر دو مجتہد برابر ہوں تو بعض مسائل میں ایک کی اور بعض میں دوسرے مجتہد کی تقلید کی جاسکتی ہے ليکن اگرکسي مسئله ميں ايک مجتهدکے فتوے پر عمل کرليا هے تو اس مسئلے ميں دوسرے مجتهد کے فتوے پر عمل نهيں کرسکتا۔

مسئلہ 400: چند واجب غسلوں یا واجب و مستحب غسلوں کو ایک ہی نیت سے بجا لاسکتا ہےمثلا ایک ہی نیت سے (عورت) غسل جنابت، غسل حیض، غسل مس میت، غسل جمعہ وغیرہ کرسکتی ہے اور وہ سب کے لئے کافی ہے۔

مسئلہ ۱۶: بناء براحتیاط واجب ایک مجتہد کی تقلید چھوڑ کر دوسرے مجتہد کی تقلید کرنا جائز نہیں ہے ہاں اگر دوسرا مجتہد اعلم ہو تو تقلید بدلنا جائز ہے اور اگر بغیر تحقیق کے تقلید بدل دی ہے تو دوبارہ پہلے مجتہد کی طرف ر جوع کرنا ضروری ہے۔

مسئلہ 667 : جس کا فریضہ تیمم ہے اگر کسی کام کے لئے تیمم کرے تو جب تک تیمم اور اس کا عذر باقی ہے وہ تمام ان کاموں کو انجام دے سکتا ہے جن میں وضو یا غسل کی شرط ہے۔ یہاں تک کہ اگر تیمم کو وقت تنگ ہونے کی وجہ سے کیا ہے تو حروف قرآن کا چھونا وغیرہ سب اس کے لئے جائز ہے۔

مسئلہ 442 : اگر بار بار مجامعت کرے تو مستحب ہے کہ کفارہ بھي بار بار ادا کرے.