مسئلہ 1167 : جس مسافر نے کسي جگہ دس دن ٹھہرنے کا ارادہ کرليا ہو اگر وہ شروع ہي سے ارادہ رکھتا ہو کہ دس دن کے قيام کے دوران اطراف ميں(بھي)جائے گا توجس جگہ جانا چاہتا ہے اگر وہ اتني دور نہيں ہے کہ مسافرت کے جزء ميں شمار کي جائے تب تو نماز کوپور پڑھے ليکن اگر وہ مسافرت کے جزء ميں شمار ہوتي ہے تو ان دس دنوں ميں نمازقصر پڑھے.
مسئلہ 1168 : اگر مسافر کا ارادہ ہو کہ کسی جگہ پر دس دن قیام کرے گا لیکن یہ بھی احتمال ہو کہ کوئی رکاوت پیش آجائے گی تو اگر لوگ ایسے احتمال کی پرواہ نہ کرتے ہوں تو نماز پوری پڑھے۔ لیکن اگر رکاوٹ کے وجود کا قوی امکان ہو تو نماز قصر ہوگی۔
مسئلہ 1171 : اگر مسافر دس دن کے قیام کا ارادہ کرنے کے بعد منصرف ہوجائے یا مردد ہوجائے تو اگر یہ انصراف یا تردد کوئی چار رکعتی نماز پڑھنے سے پہلے ہوا ہو تو اس کی نماز قصر ہے اور اگر ایک چار رکعتی نماز پڑھ لینے کے بعد انصراف یا تردد کی صورت ہوئی ہے تو جب تک وہاں ہے نماز پوری پڑھے گا۔
مسئلہ 1170 : اگر مسافر کو معلوم ہو کہ مثلا آخر ماہ میں دس دن یا دس سے زیادہ باقی ہیں اور ارادہ کرے کہ کسی جگہ پرمہینے کے آخر تک رہے گاتو اس کی نماز قصر ہے اسی طرح اگر اس کو معلوم نہ ہو کہ آج مہینہ کی کونسی تاریخ ہے اور آخر ماہ میں کتنے دن رہ گئے ہیں لیکن اس کے باوجود وہ قصد کرے کہ آخر ماہ تک قیام کروں گاتو اگر واقعی آخر ماہ میں دس دن یا اس سے زیادہ باقی ہوں تو نماز پوری پڑھے۔
مسئلہ 1182 : مسافر کو چارجگہوں پر اختيار ہے چاہے پوري نماز پڑھے يا قصر پڑھے.1 مسجد الحرام.2 مسجد رسول.3 مسجد کوفہ.4 حرم حضرت سيد الشہداء .ويسے ان تمام مقامات پر بہتر ہے کہ پوري نماز پڑھے رسول خدا اور آئمہ ہدي کے زمانہ ميں جو مسجد الحرام تھي يا اس کے بعد اس ميں جو اضافے کئے گئے ہيں يا آئندہ کئے جائيں گے ان ميں کوئي فرق نہيں ہے(سب ہي مسجد الحرام کے حکم ميں ہيں)يہي صورت مسجد کوفہ اور حرم سيد الشہداء کي بھي ہے.
مسئلہ 1183 : جس کو معلوم ہے کہ وہ مسافر ہے اور يہ بھي جانتا ہے کہ مسافر کو نماز قصر پڑھني چاہئے اگر وہ عمدا پوري نماز پڑھتا ہے تو اس کي نماز باطل ہے اسي طرح اگر بھول جائے کہ مسافر کي نماز قصر ہے اور پوري پڑھ لے تب بھي اعادہ ضروري ہے اسي طرح اگر نماز مسافر کے حکم سے واقف تھا ليکن اس بات کي طرف متوجہ نہيں تھا کہ وہ حالت سفر ميں ہے اور نماز پوري پڑھ لے(تب بھي اعادہ ضروري ہے)البتہ اگر وہ اس حکم ہي کو نہ جانتا ہو کہ مسافر کي نماز قصر ہوتي ہے اور ابھي تک اس نے اس مسئلہ کو سنا ہي نہ تھا تو اگر وہ قصر کي جگہ پوري پڑھ لے تو اس کي نماز صحيح ہے.
مسئلہ 1185 : اگر کوئی یہی بھول جائے کہ میں مسافر ہوں اور نماز پوری پڑھ لے پس اگر وقت کے اندر یاد آجائے تب تو قصر پڑھ لے اور اگر وقت گزر گیا ہے تو قضا نہیں ہے۔
مسئلہ 1190 : سفر میں چھوٹی ہوئی نمازوں کی قضا بھی بطور قصر ہوگی چاہے اس [قضا نماز]کو سفرہی میں پڑھے یا اپنے وطن میں۔ اسی طرح وطن میں چھوٹی ہوئی نمازوں کی قضا بطور اتمام کرے چاہے قضا سفر ہی میں کرےیا وطن میں۔
مسئلہ 1191 : مسافر کے لئے مستحب ہے کہ بہ امید ثواب پروردگار ہر قصر نماز کے بعد تیس مرتبہ سبحان اللہ والحمد للہ، ولا الہ الا اللہ ، واللہ اکبر پڑھے۔
مسئلہ 1193 : جو شخص واجب نماز کو اس کے وقت میں نہ پڑھے اس پر اس نماز کی قضا واجب ہے چاہے اس نے پورے وقت سوجانے کی وجہ سے یابیماری یا مستی کی وجہ سے نماز نہ پڑھی ہو۔ لیکن جو شخص پورے وقت بے ہوش رہا ہو اس پر قضا واجب نہیں ہے۔ اسی طرح اگر کافر مسلمان ہوجائے تو حالت کفر کی نمازوں کی قضا واجب نہیں ہے اور حائض یا نفساء عورت سے حیض و نفاس میں جو نماز چھوٹ گئی ہے اس کی بھی قضا واجب نہیں ہے۔
مسئلہ 1194 : جس شخص کو وقت گزرنے کے بعد معلوم ہو کہ پڑھي ہوئي نمازباطل تھي تو اس نماز کي قضا اس پرواجب ہے.
مسئلہ 1195 : جس کے ذمہ قضا نمازیں ہوں ان کی ادائیگی میں کوتاہی نہیں کرنی چاہئے۔ لیکن فورابجا لانا بھی واجب نہیں ہے البتہ اگر ایک یا دو نماز اس سے پہلے قضا ہوئی ہو تو احتیاط واجب ہے کہ اسي دن کي [ادا] نماز سے پہلے ،قضا نماز کو پڑھے۔
