جامع المسایل، شرعی احکام اور فقہی مسائل کے جوابات کا مرکز

مسئلہ ???? : نائب کو چاہئے کہ اپنے کو ميت کي جگہ فرض کرے اور ميت کے ذمہ جو عبادتيں ہيں ان کي قضا کرے اور اگر عمل انجام دے کر اس کا ثواب ميت کو ہديہ کرے تو اپنے قرض سے سبکدوش نہيں ہوگا?

مسئلہ 1236 : نمازجماعت میں چند چیزوں کی رعایت کرنی چاہئے۔1۔ حائل کا نہ ہونا2۔ امام کے کھڑے ہونے کی جگہ ماموم کے کھڑے ہونے کی جگہ سے اونچی نہ ہو3۔ امام و ماموم کے درمیان فاصلہ نہ ہو4۔ ماموم، امام سے آگے نہ کھڑا ہو

مسئلہ ۱۲۴۶ : اگر ماموم کو معلوم ہو کہ امام کی نماز یقینا باطل ہے مثلا وہ جانتا ہے کہ امام بے وضو ہےتو اس کی اقتداء نہیں کرسکتا چاہے امام متوجہ نہ بھی ہو۔ لیکن اگر ماموم کو نماز کے بعد پتہ چلے کہ امام عادل نہیں تھا یا خدا نخواستہ کافر تھا یا اس کی نماز باطل تھی تو ماموم کی نماز صحیح ہے۔

مسئلہ ???? : امام جماعت کے لئے بالغ، عاقل، عادل، حلال زادہ، شيعہ اثناعشري، اور صحيح قرائت والا ہونا ضروري ہے اور اگر ماموم مرد ہو تو امام کا مرد ہونا ضروري ہے البتہ عورت عورت کي امامت کرسکتي ہے? اور ہرانسان کو خواہ وہ مسلمان ہو يا غير مسلمان حلال زادہ ماننا چاہئے جب تک اس کے خلاف ثابت نہ ہوجائے?

مسئلہ۱۲۸۵ : جماعت میں بہ امید ثواب الہی چند امور کی رعایت کرنا مستحب ہے۔۱۔ اگر ماموم صرف ایک مرد ہو تو امام کے داہنی طرف تھوڑا سا امام سے پیچھے کھڑا ہو۔اور اگر صرف ایک عورت ماموم ہو تو امام کے داہنی طرف اتنے پیچھے کھڑی ہو کہ اس کے سجدہ کی جگہ امام کے گھٹنوں یا قدموں کے پاس ہو اور اگر ایک مرد و ایک عورت یا ایک مرد و چند عورتیں ہوں تو مرد امام کے داہنی طرف او رعورتیں امام کے پیچھے کھڑی ہوں۔ اور اگر چند مرد یا صرف چند عورتیں ہوں تو امام کے پیچھے کھڑ ی ہوں اور اگر چند مرد او رچند عورتیں(بھی)ہوں تو مرد امام کے پیچھے اورعورتیں مردوں کے پیچھے کھڑی ہوں۔۲۔ اگر امام و ماموم دونوں عورت ہوں تو ایک ہی صف میں کھڑی ہوں صرف ماموم ذرا سا امام کے پیچھے ہو۔۳۔ امام صف کے وسط میں اور اہل علم و فضیلت و تقوی پہلی صف میں کھڑے ہوں۔۴۔ جماعت کی صفیں اس طرح منظم ہوں کہ مامومین کے شانے ایک دوسرے سے ملے ہوں اور ہر صف میں جو لوگ کھڑے ہوں ان کے درمیان کوئی فاصلہ نہ ہو۔۵۔ قدقامت الصلواة کے بعد تمام لوگ کھڑے ہوجائیں او رنماز کے لئے تیار ہوجائیں۔۶۔ امام کو چاہئے کہ سب سے کمزور ماموم کی حالت کا لحاظ رکھے۔اتنی جلدی نہ کرے کہ کمزور لوگ ساتھ نہ دے سکیں اور رکوع و سجود و قنوت وغیرہ میں اتنی دیر نہ کرے کہ کمزور لوگ برداشت نہ کرسکیں۔ البتہ اگر وہ جانتا ہو کہ جتنے لوگ اس کے پیچھے نماز پڑھ رہے ہیں سب ہی طول کو پسند کرتے ہیں تب طول دے۔۷۔ امام حمد و سورہ پڑھتے وقت اتنی بلند آواز سے پڑھے کہ مامومین سن لیں مگر یہ بھی نہ ہو کہ چلا کر پڑھنے لگے۔۸ ۔ اگر امام رکوع میں یہ سمجھ لے کہ کچھ لوگ ابھی آئے ہیں اور جماعت میں شریک ہونا چاہتے ہیں تو رکوع کو تھوڑا سا طول دیدے تاکہ وہ لوگ شریک ہوسکیں لیکن عام طور سے رکو ع جتنی دیر میں کرتا ہے اس کے دوگنے سے زیادہ طور نہ دے چاہے اس کو معلوم ہو کہ ایک یا کئی شخص جماعت میں شریک ہونا چاہتے ہیں۔

مسئلہ ۱۲۸۶ : بہ امید ثواب جماعت میں چند امور سے پرہیز کرنا چاہئے :۱۔ اگر صفوں میں جگہ ہو تو نمازی تنہا نہ کھڑا ہو۔۲۔ ماموم ذکر کو اتنی زور سے نہ کہے کہ امام سنے۔۳۔ مسافر ۔ یعنی جو ظہر و عصر و عشا کو قصر پڑھتا ہو۔ مقیم حضرات کی امامت نہ کرے۔ اسی طرح مسافر مقیم کی اقتدا نہ کرے ۔ یہاں پر مکروہ سے مراد ثواب کی کمی ہے ورنہ جماعت میں تو بہرحال ثواب ہے۔

مسئلہ 1238 : اگر صفوں کے لمبی ہونے کی وجہ سے جو لوگ صفوں کے دونوں کناروں پر کھڑے ہیں اور امام کو نہیں دیکھ سکتے ان کی نماز میں کوئی حرج نہیں ہے اسی طرح اگرکوئی ایک صف بہت لمبی ہو اور اس کے دونوں کناروں پر کھڑے ہوئے لوگ اپنے اگلی والی صف کو نہ دیکھ پار ہے ہوں تب بھی ان کی جماعت صحیح ہے۔

مسئلہ 1240 : امام کے کھڑے ہونے کی جگہ ماموم کی جگہ سے اونچی نہ ہو لیکن اگر تھوڑی سی بلند ہو تو کوئی حرج نہیں ہے۔ اسی طرح اگر نشیبی زمین ہو اور امام اس طرف کھڑا ہو جو بلند ہے تو اگر نشیب بہت زیادہ نہ ہو اور اس زمین ہموار زمین کہتے ہوں تو کوئی حرج نہیں ہے۔

مسئلہ1242 : اگر امام و ماموم میں یا خود مامومین میں ایک یا چند قدم کا فاصلہ اس طرح ہو کہ اس کو جماعت کہیں تو کوئی حرج نہیں ہے اس لئے اگر ایسے ایک یا دو آدمیوں کا فاصلہ ہوجائے جو نماز نہیں پڑھ رہے ہیں تو کوئی حرج نہیں ہے۔ لیکن مستحب یہی ہے کہ صفیں مکمل طور سے متصل ہوں۔

مسئلہ 1245 : اگر ماموم امام سے آگے کھڑا ہو خواہ ابتدائے جماعت میں یا اثنائے جماعت میں تو اس کی نماز باطل ہے اور احتیاط واجب یہ ہے کہ برابر بھی کھڑا نہ ہو بلکہ امام سے تھوڑا ساپیچھے کھڑا ہو اور پوری نماز میں اس کی۔ یعنی پیچھے رہنے کی۔ رعایت ضروری ہے۔ یہاں تک کہ رکوع و سجود میں پیچھے ہی رہے۔

مسئلہ 1241 : اگر ماموم کے قیام کی جگہ امام کے قیام کی جگہ سے اونچی ہو تو کوئی حرج نہیں ہے لیکن اگر امام مسجد کے صحن میں ہو اور کچھ مامومین بالکنی یاچھت پر اور ایسا لگ رہا ہو کہ اس کو جماعت نہ کہہ سکیں تو صحیح نہیں ہے مثلا امام پہلے طبقہ پر ہو اور مامومین اس کے اوپر والے طبقات میں ہوں جو جماعت سے دور ہیں۔

اول : حائل کا نہ ہونا۔ یعنی امام ، ماموم اور اسی طرح خود مامومین میں ایک دوسرے کو دیکھنے سے کوئی چیز مانع نہ ہو۔ یہاں تک کہ شیشہ کا حائل ہونا بھی اشکال رکھتا ہے۔ ہاں ماموم عورت ہو تو اس کے اور مردوں کے درمیان حائل کے ہونے میں کوئی حرج نہیں ہے۔مسئلہ 1237 : اگر ا مام محراب میں ہو اور کوئی اس کے پیچھے اقتدا نہ کئے ہوئے ہو تو جو لوگ محراب کے دونوں طرف کھڑے ہیں اور محراب کی دیوارکی وجہ سے امام کو نہیں دیکھ سکتے ہیں وہ لوگ امام کی اقتدا نہیں کرسکتے۔ بلکہ اگر امام کے پیچھےکوئی اقتدا بھی کئے ہو تو جو لوگ اس کے دونوں طرف کھڑے ہیں اور محراب کی دیوار وجہ سے امام کو نہیں دیکھ سکتے ان کی جماعت میں اشکال ہے البتہ جو صفیں ان کے پیچھے ہیں ان کی نماز صحیح ہے اسی طرح اگر صفیں مسجد کے دروازے تک پہونچ جائیں یا اس سے باہر نکل جائیں۔