جامع المسایل، شرعی احکام اور فقہی مسائل کے جوابات کا مرکز

مسئلہ 1273 : ماموم کو چاہئے کہ امام کو اپني نيت ميں معين کرے ليکن امام کے نام کا جاننا ضروري نہيں ہے اگر صرف يہ نيت کرے کہ امام حاضر کي اقتدا ميں نماز پڑھتا ہوں تو کافي ہے بشرطيکہ عدالت و ديگر شرائط اس ميں موجود ہوں.

مسئلہ ۱۲۷۴ : حمد وسورہ کے علاوہ ماموم کو تمام چیزیں پڑھنی چاہئے اور حمد وسورہ بھی اسی وقت ساقط ہے جب پہلی اور دوسری رکعت امام کے ساتھ پڑھے لیکن اگر تیسری و چوتھی میں امام کے قیام کی صورت میں اقتدا کرے توحمد و سورہ پڑھنا ہوگا۔

مسئلہ ۱۲۷۵ : اگر ماموم نمازمغرب و عشاء وصبح میں امام کی قرائت کی آواز سن رہا ہو تو حمد و سورہ نہ پڑھے لیکن اگر نہ سن رہا ہو تو حمد وسورہ کا پڑھنا جائز ہے لیکن آہستہ پڑھنا چاہئے ۔ اور نماز ظہر و عصر میں ہمیشہ بنابر احتیاط واجب حمد و سورہ نہ پڑھے ہاں ذکرکا آہستہ پڑھنا جائز ہے بلکہ مستحب ہے۔

مسئلہ ۱۲۷۷ : اگر ماموم بھولے سے یا اس خیال سے کہ جو آواز سن رہا ہے وہ امام کی نہیں ہے حمد و سورہ کو پڑھے اور بعد میں پتہ چلے کہ وہ امام کی آواز تھی تو اس کی نماز صحیح ہے اور اگر شک ہو کہ یہ امام کی آواز ہے یا کسی اور کی تو بنا بر احتیاط واجب حمد و سورہ نہ پڑھے۔

مسئلہ ۱۲۷۸ : امام سے پہلے ماموم تکبیرة الاحرام نہیں کہہ سکتا البتہ دیگر اذکار میں کوئی حرج نہیں ہے اگر چہ احتیاط مستحب یہی ہے کہ اگر امام کی آواز کو سن رہا ہو تو اس سے پہلے کوئی ذکر نہ کہے۔

مسئلہ ۱۲۷۹ : افعال نماز جیسے رکوع و سجود وغیرہ میں سے کسی بھی فعل کو ماموم امام سے پہلے نہ بجالائے بلکہ امام کے ساتھ یا اس کے بعد بجالائے۔ اور اگر بھولے سے امام سے پہلے سر کو رکوع سے اٹھائے تو دوبارہ رکوع میں چلا جائے پھر امام کے ساتھ دوبارہ سر اٹھائے۔ یہاں پر رکوع کی زیادتی سے نماز باطل نہیں ہوتی۔ البتہ اگر دوبارہ رکوع میں جائے اور قبل اس کے کہ یہ رکوع میں پہونچے امام رکوع سے سر اٹھالے تو اس کی نماز باطل ہے۔

مسئلہ ۱۲۸۴ : جس رکعت میں تشہد نہیں ہے اگر امام بھولے سے تشہد پڑھنے لگے یاجس میں قنوت نہیں ہے قنوت پڑھنے لگے تو ماموم تشہد یا قنوت کو نہ پڑھے۔ لیکن نہ امام سے پہلے کھڑاہوسکتا ہے نہ روکوع میں جا سکتا ہے بلکہ کسی ذریعہ سے امام کی غلطی کی طرف امام کو متوجہ کردے اور اگر نہ ہوسکے تو صبر کرے جب امام کا تشہد یا قنوت ختم ہوجائے تو امام کے ساتھ باقی نماز کو تمام کرے۔

مسئلہ ???? : ايک باطني خدا ترسي کي حالت کا نام ”عدالت“ ہے جو انسان کو گناہ کبيرہ کے ارتکاب سے روکتي ہے اور گناہ صغيرہ کے تکرار سے روکتي ہے ? اگر کسي کے ساتھ زندگي بسر کرے اور اس سے گناہ نہ ديکھے تو اتني سي بات اس کي عدالت کے لئے کافي ہے اسي کو ”حسن ظاہر“ کہتے ہيں جو باطني ملکہ کي نشاندہي کرتاہے?

مسئلہ ???? : کھڑے ہو کر نماز پڑھنے والا، بيٹھ کر نماز پڑھنے والے کي اقتدا نہيں کرسکتا اور بيٹھ کر نماز پڑھنے والا، ليٹ کر نماز پڑھنے والے کي اقتدا نہيں کرسکتا?مسئلہ ???? : جذام يا برص کي بيماري والا آدمي بنا برا حتياط امام جماعت نہيں ہوسکتا يہاں تک کہ اپنے جيسے لوگوں کے لئے بھي نہيں ہوسکتا?

مسئلہ ???? : جوشخص پہلے عادل رہا ہو اگر اس کے بارے ميں شک ہوجائے کہ اب عادل ہے کہ نہيں تو اس کو عادل ماننا چاہئے البتہ اگر اس کے خلاف يقين ہوجائے تو بات دوسري ہے?

مسئلہ ۱۲۸۷ : چار صورتوں میں نماز آیات و اجب ہوتی ہے ۔۱۔ ۲ : چاند گہن اور سورج گہن کے وقت، چاہے تھوڑا سا گہن لگا ہو اور کوئی ڈرے یا نہ ڈرے۔۳ ۔ زلزلہ ،چاہے کوئی ڈرے یا نہ ڈرے۔۴۔ بجلی، سرخ و سیاہ آندھی اور ہر آسمانی خوفناک حادثہ بشرطیکہ اکثر لوگ اس سے خوفزدہ ہوں۔ بلکہ اگر زمینی حادثہ ہو اور اکثر لوگوں کے خوفزدہ ہونے کا سبب ہو تب بھی احتیاط واجب ہے کہ نماز آیات پڑھے۔

مسئلہ ۱۲۹۹ : نماز آیات دو رکعت ہے اور ہر رکعت میں پانچ رکوع ہیں۔ نماز آیات کے دو طریقے ہیں۔۱۔ نیت کے بعد تکبیرة الاحرام کہہ کر الحمد اور ایک پورا سورہ پڑھے پھر رکوع کرکے کھڑا ہو اوردوبارہ حمداور پورہ سورہ پڑھے اور رکوع میں جائے اور اسی طرح پانچ رکوع بجالائے اور پانچویں رکوع سے کھڑا ہوکر دو سجدے بجالائے۔ اسی طرح سے دوسری رکعت بھی پڑھے اور تشہد و سلام پڑھ کر نماز ختم کرے۔۲۔ نیت و تکبیرة الاحرام کے بعد ایک مرتبہ حمد پڑھے پھر کسی سورہ کو پانچ حصوں پر تقسیم کرکے پہلے حصہ پڑھے اور رکوع میں چلا جائے اورپھر رکوع سے سر اٹھاکر بغیر الحمد پڑھے دوسرے حصے کو پڑھے پھر میں جائے ، اسی طرح ، پانچویں رکوع سے پہلے سورے کو تمام کردے۔ مثلا سورہ توحید کو اس طرح تقسیم کرے؛ بسم اللہ الرحمن الرحیم پڑھے اور رکوع میں چلا جائے رکوع سے اٹھ کر حمد پڑھے بغیر قل ھو اللہ احد کہے اور رکوع میں چلا جائے پھر رکوع سے اٹھ کر حمد پڑھے بغیر اللہ الصمد کہے اور رکوع میں چلا جائے رکوع سے اٹھ کر حمد پڑھے بغیرلم یلد ولم یولد کہے اور رکوع میں چلا جائے پھر رکوع سے اٹھ کر حمد پڑھے بغیر ولم یکن لہ کفوا احد کہے اور رکوع میں چلا جائے پھر رکوع سے کھڑے سے کھڑے ہو کر دونوں سجدے کرے اور رکعت دوم بھی رکعت اول کی طرح بجا لائے پھر تشہد و سلام پڑھ کر نماز تمام کرے۔