جامع المسایل، شرعی احکام اور فقہی مسائل کے جوابات کا مرکز

مسئلہ 1304 : اگر عدد رکعات ميں شک ہوجائے کہ کتني رکعت پڑھي اور ذہن کسي طرف کا فيصلہ نہ کرسکے تو نماز باطل ہے ليکن اگر تعدد رکوع ميں شک ہو تو کم پر بنا رکھے اور اگر محل گزر چکا ہو يعني سجدہ ميں جاچکا ہو تو اعتنا نہ کرے.

مسئلہ 1305 : نماز آيات کا ہر رکوع رکن ہے اگر عمدا يا سہوا کم يا زيادہ ہو جائے تو نماز باطل ہے.

مسئلہ ۱۲۸۸ : جن چیزوں کی وجہ سے نماز آیات واجب ہوتی ہے اگر ان کا کئی مرتبہ اتفاق ہوجائے تو ہر ایک کے لئے نماز آیات واجب ہے مثلا کئی مرتبہ زلزلہ آجائے یا سورج گرہن و زلزلہ آجائے ،لیکن اگر نماز آیات پڑھتے ہوئے یہ چیزیں واقع ہوں تو صرف وہی ایک نماز کافی ہے۔

مسئلہ 1288 : جن چيزوں کي وجہ سے نماز آيات واجب ہوتي ہے اگر ان کا کئي مرتبہ اتفاق ہوجائے تو ہر ايک کے لئے نماز آيات واجب ہے مثلا کئي مرتبہ زلزلہ آجائے يا سورج گرہن و زلزلہ آجائے ليکن اگر نماز آيات پڑھتے ہوئے يہ چيزيں واقع ہوں تو صرف وہي ايک نماز کافي ہے.

مسئلہ ۱۲۹۰ : جہاں یہ امور واقع ہوں وہیں کے لوگوں پر نماز آیات واجب ہے، اگر یہ حادثات کسی شہر میں واقع نہ ہوئے ہوں تو وہاں نماز آیات واجب نہیں ہے ۔

مسئلہ ۱۲۹۱ : جب سے گہن لگناشروع ہو اسی وقت سے نماز واجب ہوتی ہے اور جب تک مکمل طور سے گرہن چھوٹ نہ جائے اس وقت تک واجب ہے۔ لیکن احتیاط مستحب ہے کہ گہن چھٹنا شروع ہونے سے پہلے نماز پڑھ لے۔

مسئلہ ۱۲۹۲ : زلزلہ اور بجلی گرنے جیسی علامتوں میں فورا نماز آیات شروع کردینی چاہئے اور اگر نہیں پڑھی تو گناہ گار ہے اور احتیاط مستحب ہے کہ آخری عمر تک جب بھی ممکن ہو [قضا]پڑھے۔

مسئلہ 1296 : اگر نماز يوميہ کے وقت پر نماز آيات واجب ہوجائے اور دونوں کے لئے کافي وقت ہو تو جس کو چاہے پہلے پڑھے اور اگر صرف ايک کا وقت تنگ ہو تو پہلے اسي کو پڑھے اور اگر دونوں کا وقت تنگ ہو تو پہلے نماز پنجگانہ پڑھے.

مسئلہ ۱۲۹۷ : اگر نماز یومیہ پڑھتے وقت معلوم ہو کہ نماز آیات کا وقت تنگ ہے اور نماز یومیہ کا بھی وقت تنگ ہو تو نماز یومیہ کو پڑھ کر نماز آیات پڑھے اور اگر نماز یومیہ کا وقت تنگ نہ ہو تو اس کوتوڑ کر نماز آیات پڑھے اور پھر یومیہ پڑھے اور اگر نماز آیات پڑھتے وقت پتہ چلے کہ یومیہ کا وقت تنگ ہے تو نماز آیات کو توڑ کر نماز یومیہ پڑھے اس کے بعد کوئی ایسا کام کئے بغیر جس سے نماز ٹوٹ جاتی ہو فورا جہاں سے نماز آیات توڑی تھی وہیں سے شروع کردے۔

مسئلہ 1298 : حالت حيض يا نفاس ميں اگر گہن لگ جائے اور گہن کے ختم ہونے تک عورت حيض يا نفاس سے پاک نہ ہو تو اس پر نہ نماز آيات واجب ہے اور نہ اس کي قضا واجب ہے.

مسئلہ ۱۲۹۵ : نجومی یاجو لوگ اس قسم کے امور سے با خبر ہیں اگر ان کے کہنے سے اطمینان حاصل ہوجائے کہ گہن لگا ہے تو نماز آیات پرھے ، اسی طرح اگر لوگ یہ کہیں کہ فلاں وقت گہن لگے گا اوراتنی دیر تک رہے گا اور ان کے کہنے سے اطمینان پیدا ہوجائے تو وقت کی رعایت کرنی چاہئے۔

مسئلہ ۱۳۰۱ : جو چیزیں نماز پنجگانہ میں واجب و مستحب ہیں وہی نماز آیات میں بھی واجب و مستحب ہیں صرف نماز آیات میں اذان و اقامت نہیں ہے بلکہ اس کے بجائے ثواب کي اميد سے تین مرتبہ الصلواة کہا جاتا ہے۔