جامع المسایل، شرعی احکام اور فقہی مسائل کے جوابات کا مرکز

مسئلہ 317 : اگر ناخن کے نیچے تھوڑا سا میل جمع ہوجائے تو وضو میں کوئی اشکال نہیں ہے لیکن بہتر یہ ہے کہ اس کو صاف کرے لیکن اگر ناخن کاٹ لے تو اس کے نیچے جو میل بدن تک پانی پہونچنے میں رکاوٹ ہے اس کو دور کردینا چاہئے اسی طرح اگر ناخن ضرورت سے زیادہ بڑے ہوں او رجو میل اس کے نیچے ہے وہ وضو کا پانی پہنچنے میں رکاوٹ ہے تو اس میل کو دور کردینا چاہئے۔

مسئلہ 319 : اگر انسان کو يہ احتمال ہو کہ اعضائے وضو پر کوئي مانع موجود ہے تو اگر اس کا يہ احتمال عقلي ہو تو اس کي تحقيق کرني چاہئے. مثلا گلکاري يارنگ کاري کے بعد شک ہو کہ کچھ گل يا رنگ اس کے ہاتھ پر لگا رہ گيا ہے.

مسئلہ 320 : جو رنگ پانی کے بدن تک پہونچنے میں مانع نہیں ہوتے وہ وضو کے لئے مضر نہیں ہیں لیکن اگر مانع ہو ں یاشک ہو کہ مانع ہیں کہ نہیں تو اس کو دور کردینا چاہئے۔

مسئلہ 321 : اگر انگوٹھی اور کپڑے وغیرہ بدن تک پانی کے پہونچنے میں مانع نہ ہوں تو کوئی حرج نہیں ہے اور اس کو حرکت دے سکتا ہے تاکہ اس کے نیچے تک پانی پہنچ جائے اوروہ دُھل جائے اور اگر وضو کے بعد اپنے ہاتھ میں انگوٹھی یا اس کی مانند کوئی چیز دیکھے اور معلوم نہ ہو کہ وضو کے وقت یہ چیز تھی کہ نہیں تو اس کا وضو صحیح ہے بشرطیکہ وہ وضو کرتے وقت اس بات کی طرف متوجہ رہا ہو۔

مسئلہ 323 : اگر انسان با وضو ہو اور شک کرے کہ وضو باطل ہوا کہ نہيں تو وہ اس پر بناء رکھے کہ وضوباقي ہے اور کوئي باوضو نہ ہو اور شک کرے کہ وضو کيا کہ نہيں تو وہ اس پر بناء رکھے کہ اس نے وضو نہيں کيا.

مسئلہ 326 : اگر نماز کے بعد شک ہو کہ وضو کيا تھا کہ نہيں تو اس کي نماز صحيح ہے ليکن بعد کي نمازوں کے لئے وضو کرنا چاہئے.

مسئلہ 328 : اگر انسان کو ایسا مرض لاحق ہوجائے جس میں قطرہ قطرہ پیشاب آتا ہو یا پاخانے کو روک نہ سکتا ہو تو اگر اس کو معلوم ہو کہ اول وقت نماز سے آخر وقت نماز تک وضو کرنے اور نماز پڑھنے کی مہلت مل جائے گی تو نماز کو اسی مہلت کے وقت میں ادا کرے اور صرف واجبات نماز پر اکتفاء کرے اور اگر موقع نہ ہو تو اذان و اقامت و قنوت کو بھی چھوڑ دے۔

مسئلہ 329 : اگر وضواور نماز کا موقع نه مل پاتا هو تو کافي هے که هر نماز کے لئے ايک مرتبه وضو کرے اور فوراً نماز پڑھ لے چاهے نماز کے در ميان کچھ (پيشاب يا پخانه) هو جائے۔

مسئلہ 332 : اگر کسي کو ايسي بيماري ہو کہ رياح روکنے پر قادر نہيں ہے تو وہ ان لوگوں کے وظيفہ پر عمل کرے جو پيشاب، پاخانہ روکنے پر قادر نہيں ہيں.

مسئلہ : 337 : چھ چیزوں کے لئے وضو کرنا واجب ہے۔1۔ نماز میت کے علاوہ تمام واجب نمازوں کے لئے۔2۔ بھولے ہوئے سجدے اور تشہد کے لئے۔3 ۔ واجب طواف کے لئے(یہ بات یاد رہے کہ حج و عمرہ میں جو طواف بجالایا جاتا ہے وہ واجب طواف شمار ہوتا ہے چاہے اصل حج و عمرہ مستحب ہو)۔4۔ اگر نذر یاعہد کرے یا قسم کھائے کہ وضو کروں گا اورباطہارت رہوں گا۔5۔ جب نذر کرے کہ اپنے بدن کے کسی حصہ کو قرآن سے مس کروں گا۔(بشرطیکہ شرعا یہ نذر جائز بھی ہو، مثلا قرآن کی تحریر کو احتراما چومنا چاہتا ہے)6۔ نجس شدہ قرآن کو پاک کرنے کے لئے، یانجاست کی جگہ سےاس کو نکالنے کے لئے جبکہ مجبور ہو کہ ہاتھ یابدن کا کوئی حصہ قرآن سے مس کرے۔

مسئلہ 343 : چند جگہوں پر وضو کرنا مستحب ہے:1 قرآن پڑھنے کے لئے2 نماز ميت کے لئے3 دعا وغيرہ پڑھنے کے لئے4 جو شخص وضو سے ہے نماز پڑھنے کے لئے دوبارہ نيا وضو کرنا اس کے لئے مستحب ہے اور جب ان امور ميں سے کسي کام کے لئے وضو کرے تو اس سے وہ تمام کام انجام دے سکتا ہے جس کے لئے وضو شرط ہے.

مسئلہ 344 : آٹھ چیزیں وضو کو باطل کردیتی ہیں۔1۔ پیشاب کا نکلنا۔2۔ پاخانہ کا نکلنا۔3 ۔ وہ ہو ا جوپاخانہ کے مقام سے خارج ہوتی ہے۔4۔ وہ نیند جو عقل پر غالب آجائے اور اس کی وجہ سے نہ آنکھ دیکھے اور نہ کان سنے۔ لیکن اگر آنکھ نہ دیکھے اور کان سنے تو باطل نہیں ہے۔5۔ وہ تمام چیزیں جو عقل کو زائل کردیتی ہیں جیسے مستی، بے ہوشی، دیوانگی(بناء براحتیاط واجب)۔6۔ استحاضہ 7۔ جس کام کے لئے غسل کی ضرورت پڑے جیسے جنابت۔8۔ انسان کی میت کو چھونا۔