جامع المسایل، شرعی احکام اور فقہی مسائل کے جوابات کا مرکز

مسئلہ 1535: جس کو کسي ايسي زمين ميں خزانہ ملے جس کا کوئي مالک نہ ہو اور اس خزانہ کا مالک بھي کسي طرح معلوم نہ ہو سکے تو وہ خزانہ اسي شخص کاہے اس کا خمس نکالنا ضروري ہے اسي طرح اگر خزانہ ايسي زمين ميں ملے جس کو دوسرے سے خريدا ہوا ور يہ معلوم ہو کہ جو لوگ اس زمين کے پہلے مالک تھے يہ ان کا نہيں ہے تو وہ خزانہ اسي کا ہو جائے گا البتہ خمس دينا ہوگا ليکن اگر احتمال ہو کہ سابق مالکان ميں سے کسي کا ہے تو احتياط واجب کي بنا پر جو شخص اس سے پہلے مالک تھا اس کو مطلع کرے اگر معلوم ہوجائے کہ اس کا نہيں ہے تو اس سے پہلے والے مالک کو خبر دے اسي طرح جتنے لوگ اس زمين کے مالک رہے ہوں اور يہ شخص ان کو پہچانتا ہو تو ترتيب وار سب کو مطلع کرے پھر جب معلوم ہوجائے کہ ان ميں سے کسي کا مال نہيں ہے تو خود اس کا مال ہوجائے گا مگر خمس نکالنا واجب ہوگا.

مسئلہ 2295:جو شخص ائمہ عليہم السلام يا امام زادوں کے حرم کيلئے کسي چيز کي نذر کرے تو اسکو حرم کے مصارف ميں خرچ کرے مثلا تعمير، قالين، روشني اور حرم کے خادموں کو دے سکتاہے اور اسي طرح کے کام حرم کے لئے کرسکتاہے ليکن اگر کسي چيز کي نذر خود امام کے لئے يا امام زادہ کے لئے کرے اور حرم کا نام نہ لے تو اس کو مذکورہ امور کے علاوہ مجالس يا ان کے اثار کے نشر کرنے يا ن کے زائرين کي مدد کرنے ميں خرچ کرسکتاہے بلکہ جو کام ان حضرات سے نسبت رکھتا ہو اس ميں خرچ کرسکتاہے.

مسئلہ 626 : جو شخص آنکھ کے درد میں مبتلا ہو اور پانی اس کےلئے نقصان دہ ہو تو اگر وہ آنکھوں کے اطراف کودھو سکتا ہو تب تو وضو کرے ورنہ تیمم کرے۔

مسئلہ 1657: اگر کوئي شخص اپنے واجب النفقہ افراد کے اخراجات پر قادر نہيں ہے مثلا بيوي بچوں کا خرچ نہيں دے سکتا يادے تو سکتا يادے تو سکتا ہے مگر نہيں ديتا تو دوسرے لوگ ان کو زکوة دے سکتے ہيں.

مسئلہ 1854: جو شخص بول نہ سکتا ہو اگر اشارے سے سمجھادے کہ مدت معين کے لئے مبلغ معين پر اپني ملکيت اجارہ پردي يا اجارہ پرلي تو اجارہ صحيح ہے.

مسئلہ 1446: جو شخص بھول جائے کہ وہ مسافر ہے يا بھول جائے کہ مسافر کا روزہ باطل ہے اور روزہ رکھ لے تو بناء بر احتياط واجب روزہ کي قضا کرے.

مسئلہ ۱۴۰۲: اگر ان تینوں میں سے کوئی کام نہیں کر سکتا تو جتنے مُدفقراء میں تقسیم کرسکتا ہے،کرے لیکن اگر نہ کرسکتے تو ۱۸ روزہ رکھے اور اگر یہ بھی نہ کرسکتا ہو تو جتنے دن کے روزے رکھ سکتا ہو رکھے اور اگر یہ بھی نہ کرسکتا ہو تو استغفار کرے اور دل میں استغفراللہ کہہ لینا بھی کافی ہے۔ اب اگر بعد میں قدرت پیدا ہوجائے تو پھر کفارہ دینا واجب نہیں ہے۔

مسئلہ1746: جو شخص حج کرچکا ہو دوبارہ حج کرنا اس کے لئے مستحب ہے ليکن اگر حاجيوں کے بہت زيادہ اژدھام کي وجہ سے جن لوگوں نے ابھي حج نہيں کيا ہے انکے لئے باعث زحمت ہو تو ان کے لئے بہتر ہے کہ وقتي طور پر مستحبي حج نہ کريں اسي طرح جہاں نمبر سے حج ہو تا ہو بہتر ہے کہ اپني نوبت ايسے شخص کوديں جو واجب حج ادا کرنا چاہتا ہے اور اگر ايک سال خانہ ي خدا حاجيوں سے خالي ہوجائے تو حاکم شرع کا فريضہ ہے کہ کچھ لوگوں کو حج کے لئے بھيجے چاہے وہ لوگ حج کر ہي چکے ہوں.

مسئلہ ۱۳۲۸ : جو شخص کسی میت کے اجارہ پر روزہ رکھ رہا ہے وہ اپنے مستحبی روزہ رکھ سکتا ہے۔

مسئلہ 2293: جو شخص صرف زيارت کي نذر کرے اور غسل زيارت و نماز زيارت کي نذر نہ کرے تو غسل و نماز کا بجالانا واجب نہيں ہے.

مسئلہ 1239 : جو شخص ستون کے پیچھے کھڑا ہے اگر داہنی یابائیں طرف کے ماموم کے واسطہ سے امام سے متصل ہے تو کافی ہے۔

مسئلہ 2033:جو شخص عربي کے قواعد تو نہيں جانتا ليکن عقد کے صيغوں کو صحيح جاري کرتاہو اور ان صيغوں کے معني بھي سمجھتا ہو تو اس کا عقد پڑھنا صحيح ہے.