مسئلہ 1694: جو لوگ غروب سب عيد سے پہلے کسي کے يہاں کھانا کھانے والوں ميں شمارہوں انکا فطرہ ميزبان پر واجب ہے خواہ وہ لوگ بڑے ہوں يا چھوٹے، مسلمان ہوں يا کافر، واجب النفقہ ہوں يا نہ ہوں اس کے پاس رہتے ہوں يا کسي اور جگہ رہتے ہوں.
مسئلہ 1149 : سال کے کچھ حصہ ميں مسافرت جس کا پيشہ ہو مثلا وہ ڈرائيور جو صرف گرميوں يا سرديوں ميں ڈرائيورنگ کرتا ہے توجس سفر ميں اپنے کام ميں مشغول ہے اس ميں نماز پوري پڑھے.
مسئلہ773۔ جوشخص لیٹ کرنمازپڑھ رہاہے اگربرہنہ ہوتوبنابراحتیاط واجب اس کالحاف یاگدانجس اورخالص ریشم ، سونے کا تاروں سے بنا هوا، مردار يا حرام گوشت حيوان کي کھال کا يا غصبي نہ ہو البته مجبوری کی حالت میں جائز هے۔
مسئلہ 1944: جو مقروض شخص قرض دينے والے تک رسائي نہ حاصل کرسکتا ہو اور اس کے ملنے کے ملنے کي اميد بھي نہ ہو تو احتياط واجب ہے کہ حاکم شرع (قاضي) سے اجازت لے کر مقدار قرض کو کسي فقير کے حوالے کردے فقير چاہے سيد ہو يا غير سيد.
مسئلہ 2210:جو پڑا ہوا مال ملاہے اگر اس کي قيمت ايک درہم سے کم ہو تو مسجد يا کسي دوسري جگہ رکھ دے اور اس سے صرف نظر کرلے اب اگر کوئي دوسرا اس کو اٹھالے جاتا ہے تو اس کے لئے حلال ہے.
مسئلہ 866 : نيت کرتے وقت يہ قصد کرنا بھي ضروري ہے کہ ظہر کي نماز ہے ياعصر کي يا کوئي اور صرف يہ قصد کرلينا کہ چار رکعت نماز پڑھتا ہوں کافي نہيں ہے بلکہ جو بھي نماز پڑھ رہا ہے اس کو اپنے دل ميں معين کرے اور احتياط واجب ہے کہ قضا ہے يا ادا اس کو بھي معين کرے.
مسئلہ1040: جو کام نمازی کے خضوع و خشوع کو ختم کردے وہ مکروہ ہے۔ مثلا داهنے، بائیں دیکھنا (اور اگر چہرہ کو بہت گھمائے تو نماز میں اشکال ہے) اسی طرح ڈاڑھی یااپنے ہاتھوں سے کھیلنا انگلیوں کوایک دوسرے میں پھنسانا، تھوکنا، انگوٹھی کی تحریردیکھنا مکروہ ہے،اسی طرح حمد و سورہ و ذکر پڑھتے ہوئے کسی کی بات سننے کے لئے چپ ہوجانا،اسی طرح پیشاب، پاخانہ روک کر یا نیندکی حالت میں یا تنگ وچست لباس پهن کر نماز مکروہ ہے.
مسئلہ۱۲۸ : بئیر جو (جو )سے بنائی جاتی ہے اور جس کو آب جو کہتے ہیں وہ حرام ہے اور شراب کی طرح نجس ہے لیکن وہ ”آب جو“ جس کو طبی خاصیت کی بنا پر حاصل کیا جاتا ہے اور جس کو ”ماء الشعیر“ کہتے ہیں اور وہ نشہ آور نہیں ہے پاک اور حلال ہے۔
مسئلہ 1560جو کفار مسلمانوں سےجنگ کي حلات ميں ہوں ان کافروں کے اموال کو مسلمان اپني ملکيت ميں لے سکتےہيں، مگر ان کا خمس دينا ہوگا.
مسئلہ 438 : جوکام حائضہ پر حرام ہیں ان کی تفصیل یہ ہے :1۔ تمام وہ عبادتیں جن میں وضو، غسل یا تیمم کی ضرورت ہوتی ہے۔ جیسے نماز، روزہ، طواف، لیکن جن عبادتوں میں طہارت کی شرط نہیں ہے ان کو بجالا سکتی ہے جیسے نماز میت۔2۔ تمام وہ چیزیں جو مجنب پر حرام ہیں جن ان کا ذکر جنابت کے احکام میں کیا جاچکا ہے۔3۔ ہمبستری کرنا جو کہ مرد اور عورت دونوں کے لئے حرام ہے۔4۔ طلاق بھی اس حالت میں باطل ہے اور بے اثر ہے۔
مسئلہ 488 : جو کام حائض پر حرام ہيں نفساء پر بھي حرام ہيں اور جو چيزيں حائض پر واجب يا مستحب يا مکروہ ہيں نفاس والي عورت کے لئے بھي وہي حکم ہے.
مسئلہ890۔ جوشخص کھڑے ہوکر نمازنہ پڑھ سکے توچاہئے کہ بیٹھ کرپڑھے لیکن اگر عصا یا دیوار وغیرہ کے سہارے سے کھڑاہوسکتاہے یاپیروں کوایک دوسرے سے دوررکھ کر کھڑا ہوسکتا ہو تو یہی کرے،ہاں اگر اس طرح ضرورت سے زیاده زحمت هو تو پھر بیٹھ کر هی پڑھے اسی طرح انسان جب تک بیٹھ کر نمازپڑھ سکتاہے چاہے کسی چیزکے سہارے سے ہی توپھریہی کرے لیٹ کرنمازنہ پڑھے اوراگرکسی بھی طرح بیٹھ کرنہیں پڑھ سکتاتوداہنی کروٹ لیٹ کرپڑھے مگر اس طرح لیٹے کہ بدن کاپوراحصہ روبہ قبلہ ہواوراگریہ نہ کرسکے توبائیں کروٹ لیٹ کرپڑھے اور اگریہ بھی ممکن نہ ہوتواس طرح چت لیٹ جائے کہ پیروں کے تلوے روبہ قبلہ ہوں۔
