حيض کے مختلف مسائل
مسئلہ 478 : مبتدئیہ، مضطربہ، ناسیہ اور عادت عددیہ رکھنے والی عورت جس وقت ایسا خون دیکھے جس میں حیض کی علامات ہوں تو اس کو فورا عبادت ترک کردینی چاہئے اور اگر بعد میں پتہ چلے کہ وہ حیض نہیں تھا تو چھوڑی ہوئی عبادتوں کی قضا کرے لیکن اگر ایسا خون آئے جس میں حیض کی علامات نہ ہوں تو مستحاضہ کے حکم کے مطابق عمل کرے جب تک یہ ثابت نہ ہوجائے کہ خون ،حیض ہے لیکن عادت وقتیہ یا عادت وقتیہ عددیہ رکھنے والی عورت عادت کے دنوں میں خون دیکھتے ہی عبادات کو چھوڑدے۔