جامع المسایل، شرعی احکام اور فقہی مسائل کے جوابات کا مرکز

مسئلہ 2234: جنگلي حلال گوشت جانور کا اسلحہ سے شکار کياجائے تو وہ پانچ شرطوں سے حلال ہوتاہے1 تلوار ، چھري، خنجر، جيسا تيز دھا ر اسلحہ يا بندوق جيسي کسي چيز (چاہے اس کي گولي تيز ہو يا نہ ہو ليکن ايسي بہر حال ہو کي حيوان کے بدن کو پار کردے اور اس سے خون جاري ہوجائے) سے شکار کياجائے ليکن اگر جال، لکڑي، پتھر و غيرہ سے شکار کياجائے تو حرام ہے البتہ اگر ايسے وقت پہنچ جائے کہ حيوان زندہ ہو اور اس کو شرعي طريقہ سے ذبح کردے تو حلال ہے2 احتياط واجب ہے کہ شکاري مسلمان ہو يا مسلمان کا ايسا بچہ ہو جو اچھے برے کي تميز رکھتاہو3 اسلحہ کا شکار کرنے کي ہي نيت سے چلاياگيا ليکن اگر کسي اور چيز کا نشانہ ليا گيا ہو اور اتفاقا کسي حيوان کو لگ جائے تو اس حيوان کا گوشت کھانا حرام ہے.4 اسلحہ چلاتے وقت خدا کا نام لے ہاں بھول جائے تو کوئي حرج نہيں.5حيوان کے پاس ايسے وقت پہنچے جب وہ مرچکاہو يا اگر زندہ ہو تو ذبح کرنے بھر کا وقت نہ ہو ليکن اگر ذبح کرنے بھر کا وقت ہو اور ذبح ميں اتنا مال مٹول کرے کہ حيوان مرجائے تو حرام ہے.