جامع المسایل، شرعی احکام اور فقہی مسائل کے جوابات کا مرکز

مسئلہ 1714: ادھا صاع ايک جنس (مثلا گيہوں) اور ادھا صاع دوسري جنس (مثلا جو) فطرہ ميں نہيں دے سکتا البتہ اگر وہاں کي غذا ہي دونوں کو ملا کر ہو تب کوئي حرج نہيں ہے.

مسئلہ 1715:اپنے ضرورت مند رشتہ داروں کو دوسروں پر مقدم کرنا مستحب ہے اس کے بعد ضرورت مند پڑوسيوں کو مقدم کرے اور اگر اہل علم و فضل محتاج ہوں تو ان کو دوسروں پر مقدم کرنا مستحب ہے.

مسئلہ 1716: اگر کسي کو فقير گمان کرتے ہوئے فطرہ ديدے اور بعد ميں معلوم ہو کہ فقير نہيں تھا تو اس سے مال واپس لے کر مستحق کودے سکتا ہے اور اگر اس سے واپس نہ لے تو اپنے مال سے دے اور اگر اصل مال ختم ہوچکا ہو اور فطرہ لينے والا جانتا تھا کہ يہ فطرہ ہے تو وہ اس کا عوض دے اس کے علاوہ صورت ميں اس پرعوض دينا لازم نہيں ہے اور اگر فطرہ دينے والے نے فقير کي تحقيق کرنے ميں کوتاہي نہ کي ہو تو اس پربھي کچھ واجب نہيں ہے.

مسئلہ 1717:جو شخص فقير ہونے کا مدعي ہو اس کو جب تک اطمينان نہ ہوجائے کو واقعا فقير ہے يا کم از کم اس کي ظاہري حالت سے معلوم ہو کہ فقير ہے يا يہ جانتا ہو کہ پہلے فقير تھا اور مالدار ہو نا ثابت نہ ہوا ہو، فطرہ نہيں ديا جاسکتا.

مسئلہ 1718: فطرہ ميں بھي زکوة کي طرح قصد قربت لازم ہے يعني فرمان خدا کي اطاعت کے لئے فطرہ دے فطرہ کي نيت بھي ضروري ہے.

مسئلہ 1719: ماہ رمضان سے پہلے فطرہ نہيں ديا جاسکتا اور اگر کسي نہ ديد يا ہے تو عيد کے دن دوبارہ دے اسي طرح احتياط واجب ہے کہ خود ماہ رمضان ميں بھي نہ دے ہاں رمضان يا رمضان سے پہلے فقير کو کچھ قرض دے اور جب اس پر فطرہ واجب ہوجائے تو اپنے تو اپنے قرض کو فطرہ ميں حساب کرسکتا ہے.

مسئلہ1720: فطرہ ميں انسان کي شخصي خوراک معيار نہيں ہے بلکہ شہر والوں يا اس جگہ والوں کي جو عمومي خوراک ہو وہ معيار ہي اس لئے جو شخص ہميشہ گيہوں کھاتا ہو وہ فطرہ ميں چاول دے سکتا ہے.

مسئلہ1721: فطرہ ميں جنس کے بدلے رقم دي جاسکتي ہے ليکن اس بات کا خيال رہے کہ معيار ازاد بازار کي قيمت ہے حکومتي ريٹ معيار نہيں ہے يعني ايسي رقم دے کہ اتني رقم ميں فقير اس جنس کو اتني ہي مقدار ميں چاہے تو خريد لے.

مسئلہ 1722: فطرہ ميں دياجانے والا گيہوں يا دوسري چيز ميں خاک و غيرہ نہ ملي ہو البتہ بہت ہي کم ہو کہ جس کا حساب نہ کياجائے تو کوئي حرج نہيں ہے.

مسئلہ1723: خراب چيز فطرہ ميں نہيں دي جا سکتي ليکن اگر وہ ايسي جگہ رہتا ہو جہاں کے لوگوں کي عام غذا ہي وہ ہو تو کوئي حرج نہيں ہے.

مسئلہ1724: جو شخص کئي ادميوں کو فطرہ دينا چاہتا ہو اس کے لئے ضروري نہيں ہے کہ سب ہي کو ايک ہي جنس دے بلکہ کسي کو گيہوں اور کسي کو جودے سکتا ہے.

مسئلہ1725: فطرہ کي ادائيگي کا وقت روز عيد سے پہلے ہے لہذا جو شخص نماز عيد پڑھتا ہو اس کو چاہئے کہ نماز سے پہلے فطرہ نکال دے ليکن اگر نماز عيد نہيں پڑھتا تو عيد کے دن ظہر تک تاخير کرسکتا ہے.