جامع المسایل، شرعی احکام اور فقہی مسائل کے جوابات کا مرکز

مسئلہ 2422: لوگ بينکوں سے بعنوان قرض حسنہ يا کسي اور عنوان سے جو رقم ليتے ہيں اور کچھ اضافہ کے ساتھ بينک کو واپس کرتے ہيں وہ اسي صورت ميں حلال ہے کہ معاملہ شرعي طريقہ سے انجام دياگيا ہو اور اس ميں سود کا پہلو نہ رہاہو.

مسئلہ 2427: صندوق ہائے قرض الحسنہ (قرض الحسنہ فنڈ) مزدوري و حق الزحمت کے عنوان سے حساب اور دلئے ہوتے قرضوں کي حفاظت و ديکھ بھال و غيرہ کے سلسلہ ميں جو ليتے ہيں اس ميں کوئي اشکال نہيں ہے ليکن احتياط واجب يہ ہے کہ يہ رقم بينک کي زحمتوں کے مقابلہ ميں بطور متناسب ہو نہ يہ کہ اس سودي رقم کو مزدوري کے نام سے ليں.

مسئلہ 2430:اگر کسي نے مثلا ايک ہزار روپے قرض لئے ہيں کہ تين ماہ کے اندر ادا کردے گااب وہي شخص نو سو پرونوٹ کا کاغذ کسي کودے کہ نقد (فلاں جگہ يا شخص سے) وصول کر لو يعني نو سوپر معاملہ کرے تو صحيح ہے چونکہ در حقيقت ايک ہزار تومان جو مقروض کے ذمہ ہيں اس کو نو سو تومان نقد کے بدلے ميں فروخت کردياہے اور اس کو پرونوٹ کي قيمت گرنا کہتے ہيں ليکن دوستانہ پرونوٹ ميں ايسا کرنا خالي از اشکال نہيں ہے کيونکہ وہاں واقعي قرض نہيں ہے اور اس کے جوازکے لئے جو صورتيں ذکر کي گئي ہيں وہ بھي اشکال سے خالي نہيں ہيں.

مسئلہ 2431:پرونوٹ پر جس کے دستخط ہوں اس سے مطالبہ کرنے کا حق ہے يعني اگر پرونوٹ دينے والا اپنے کو وقت معين پر ادا نہ کرے تو قرض خواہ کو حق ہے کہ جس شخص نے پرونوٹ کے کاغذ پر دستخط کےاہے اس سے اپنا قرض وصول کرے کيونکہ در حقيقت پرونوٹ پر دستخط کرنے والا مقروض کا ضامن ہوتاہے کہ اگر مقروض نے نہ ديا تو يہ دستخط کرنيوالا دے گا اس قسم کي ضمانت کو ضم ذمہ بہ ذمہ کہاجاتاہے اور يہ صحيح ہے جيسا کہ ہم نے ضمانت کے احکام ميں بيان کياہے.

مسئلہ 2432: سکوں خريد و فروخت جائز ہے يعني ايراني پيسے کو شامي ليرہ يا سعودي ريال يا مارک يا ڈالر سے خريد اور بيچا جاسکتا ہے اور اس ميں کمي و زيادتي سے کوئي اشکال پيدا نہيں ہوتا ليکن اگر کوئي کسي کو کوئي رقم بطور قرض دے چاہے وہ ايراني سکہ يا کوئي اور سکہ ہو، تو جتني رقم دي ہے اتني ہي لے سکتاہے اگر اس سے زيادہ لے گا تو سود ہوگا اور حرام ہوگا اور اگر کوئي غير ملکي سکہ مثلا سو مارک دوسرے کو قرض دے اور بعد ميں مجبور ہوجائے کہ اس کے مقابلہ ميں ايراني ريال سے ادائيگي کرے تو پھر بازار کے حساب سے ادا کرے البتہ قرضخواہ کم پر راضي ہوجائے تو کوئي حرج نہيں ہے.

مسئلہ 2434:صاحب ملکيت کو اختيار ہے جس کو چاہے اپنا مکان يا اپني دو کان يا کوئي اور چيز کرايہ پردے اور معين کرايہ کے علاوہ کچھ رقم پگڑي کے نام پر بھي لے سکتاہے ليکن پگڑي لپنے کي صورت ميں جس کو کرايہ پر دياہے اور پگڑي لي ہے اسکے علاوہ دوسرے کو کرايہ پر نہيں دے سکتاہے چاہے کرايہ کي مدت ختم بھي ہوگئي ہے ہاں اگر پگڑي دينے والا پہلا کرايہ دار بھي دوسرے سے پگڑي لے کر اس کو خالي کرسکتاہے اور اس کو يہ بھي اختيار ہے کہ جتني پگڑي مالک کو دي ہے دوسرے کرايہ سے اس سے زيادہ لے يا کم لے.

مسئلہ 2435: جس جائيداد پگڑي دي جاچکي ہے جب اس کے کرايہ کي مدت ختم ہوجائے تو مالک کي ذمہ داري ہے کہ اسي پہلے کرايہ دار کو يا اس کي موافقت سے دوسرے کو کرايہ پر ديدے اور اس وقت و زمانہ کے اعتبار سے ماہرين کي رائے سے جو محل اطمينان ہو ايک عادلانہ کرايہ معين کرے.

مسئلہ 2436: جس چيز کو پگڑي پر ديئے بغير کرايہ پر ليا ہو اس کي مدت کرايہ ختم ہونے کے بعد کرايہ دار مالک کي اجازت حاصل کئے بغير اس ميں نہيں رہ سکتا اور اگر خالي نہ کرے تو غاصب ہے اور ملک کے ساتھ ساتھ کرايہ مثل کا بھي ضامن ہے خواہ پہلے والے کرايہ کي مدت کم ہو يا طولاني ہو اور خواہ کرايہ کے زمانے ميں ملکيت کي قيمت بڑھ گئي ہو يا نہ بڑھي ہو اور اگر کوئي دوسرا شخص اس کرايہ دار سے اس کو کرايہ پرلے لے تو اس کرايہ پر لينا صحيح نہيں ہے البتہ اگر مالک راضي ہوجائے تو صحيح ہے.

مسئلہ 2439: بيمہ کے دونوں طرف والوں کو بالغ، عاقل اور اپنے ارادہ و اختيار سے بيمہ کي قرارداد کو انجام دينا ضروري ہے اس کے علاوہ دونوں ميں سے کوئي لاابالي نہ ہوں اور اس کے تمام خصوصيات بھي معين ہوں مثلا1 جس چيز کا بيمہ کياجارہاہے وہ معين ہو جيسے فلاں عمارت فلاں گاڑي و غيرہ.2 قرارداد کرنے والے دونوں طرف کے افراد معين ہوں.3 قسط کي رقميں معين ہو کہ اتني رقم ديني ہوگي.4 ادائيگي کا وقت معين ہو جيسے فلاں دن سے ايک سال تک.5 جن چيزوں سے نقصان کا خطرہ ہو وہ بھي معين ہو جيسے اتشزدگي، بمباري، غرق ہونا، چوري ہوجانا، موت يا ہر قسم کے خطرات.6 بيمہ شدہ چيز کي اصلي قيمت کا تعين ہو مثلا فلاں مکان دو لاکھ روپئے يا کم يا زيادہ ميں بيمہ ہواہے يا اس وقت کے عادلانہ قيمت کے حساب سے ہے مختصر يہ کہ بيمہ کے لئے عرف عقلاء ميں جن اصول کلي کا لحاظ کياجاتاہے ان سب کي رعايت ضروري ہے.

مسئلہ 2440: عقد بيمہ کا صيغہ ہر زبان ميں جاري کياجاسکتاہے يا کاغذ پر بيمہ کي قرارداد لکھ کر اس پر دستخط کرديئے جائيں.

مسئلہ 2441:شوہر کے نطفے کو اس کي بيوي کے رحم ميں انجکشن يا کسي دوسرے ذريعہ سے داخل کرنا جائز ہے ليکن اس کے ابتدائي مراحل جائز ہونا چاہئيے حرام امور سے پرہيز کرنا ضروري ہے.

مسئلہ 2443: اجنبي مرد کا نطفہ کسي اجنبي عورت کے رحم ميں داخل کرنا جائز نہيں ہے چاہے اس عورت کي اجازت سے ہو يا بغير اجازت اور خواہ اس کے شوہر ہو يا نہ ہو خواہ اس کے شوہر نے اجازت دي ہو يا نہ دي ہو پس اگر ايسا کياجائے اور اس سے بچہ ہو تو اگر يہ عمل اشتباہا ہوا ہو مثلا مرد کو گمان ہو کہ يہ ميري بيوي ہے اور عورت کو گمان ہو يہ ميرا شوہر ہے اور بعد ميں پتہ چلے کہ ايسا نہيں تھا تب تو بچہ اسي مرد و عورت سے متعلق ہوگا اور تمام احکام فرزندي اس پر جاري ہوں گے ليکن اگر يہ کام جان بوجھ کرکيا ہو تو گيا تو پيدا ہونے والا بچہ ان دونوں (مرد و عورت) کا نہيں ہوگا اور ميراث و غيرہ بھي نہيں پائے گا البتہ اگر وہ بچہ لڑکي ہو تو صاحب نطفہ اس سے شادي نہيں کرسکتااور اگر لڑکا ہوا تو وہ اس عورت سے (جس سے پيدا ہوا ہے) شادي نہيں کرسکتا يہي حکم شادي سے متعلق ديگر مسائل ميں بھي ہے.