Nikah bağlanandan sonra ərinin müsəlman olmadığını başa düşmək
Qadın evlənəndən sonra ərinin müsəlman olmadığını başa düşsə, hökmü nədir?
Onunla yaşaya bilməz və nikahı batildir.
Həyat yoldaşının övladının nəfəqəsi
Mən ərindən boşanmış bir qadınla evlənmişəm. Onun bir oğlu da var ki, o zamandan bizimlə bir yerdə yaşayır. Bu oğlanın maddi cəhətdən imkanlı olan atası, babası və nənəsi də var. Mən isə xırda bir işçi olduğuma görə indiyə kimi heç bir öhdəlik və müqavilə olmadan çətinliklə, borcla bu uşağın xərcliyini vermişəm. Sözü gedən ata, baba və nənə qanuni və şəri baxımdan bu uşağın xərcliyini mənə borcludurlarmı?
Əgər siz uşağın atası ilə müqavilə bağlamadan təmənnasız olaraq onun xərclərini ödəmişsinizsə, ondan nə isə tələb etməyə haqqınız yoxdur. Lakin onun atasının göstərişi və ya icazəsi ilə bu işi görmüşsünüzsə, nəfəqəni istəməyin maneəsi yoxdur.
Şiə kişinin əhli-kitabla evlənməsi
Şiə bir kişinin əhli-kitabdan olan yəhudi, nəsrani, erməni və s. qızla evlənə bilərmi?
Yalnız müvəqqəti evlənmək caizdir.
Bir neçə nəfərin bir qadına təcavüzü
Bir neçə nəfər bir qadını zorlamışlar:1) Onların hər biri ayrı-ayrılıqda mehrul-misl ödəməlidirlər, yoxsa hamısı bir mehrul-misl ödəməlidirlər?2) Bir nəfər bir neçə dəfə təcavüz edərsə, mehrul-misl də təkrar olunacaqmı?
1) Onların hər biri ayrı-ayrılıqda mehrul-misl ödəməlidirlər. 2) Əgər (bir nəfərdən) təkrar olunarsa, zahirən, bir mehriyədən artıq ödəməməlidir. Amma əgər mehriyəni ödəyib yenidən təcavüz etsə mehriyə də təkrar olunar.
Əhli-kitab qadınlarla müvəqqəti evlənmək üsulu
Qərb ölkələrində əhli-katabla müvəqqəti evlənmənin caiz olduğunu fərz etsək, əqd siğəsi ərəb dilində oxunmalıdır, yoxsa 2 nəfər arasında zaman və mehriyə (hədiyyə şəklində) barədə razılaşma əldə etmək kifayətdir?
Ərəb dilini bilmirsə, hər bir dildə oxusa caizdir. Amma onlara başa salmaq lazımdır ki, İslam dinində nikah əqdi iki qisimdir: Onlardan biri müvəqqəti əqddir ki, onun əvəzində hər hansı bir hədiyyə verilir.
Mehrus-sünnənin qramla miqdarı
500 dirhəm olan mehrus-sunnənin bir dirhəmi neçə qrama bərabərdir?
Hər dirhəm təxminən 2,5 qramdır. Buna görə də 500 dirhəm təxminən 1250 qram miqdarında olur.
Mehrus-sunnənin qiymətində meyar
İndiki zamanda sikkəli dirhəm olmadığı üçün mehrus-sunnənin qiymətində meyar ümumi gümüşün dəyəridirmi?
Sikkəli dirhəm olmadığı şəraitdə, belə fərz etməliyik ki, əgər mövcud olan gümüş sikkəli və işlənən (tədavüldə) olsaydı, onun qiymətinə nə qədər əlavə olunardı, bu qiymət fərqini təxmini şəkildə hesablayıb ona artıraq. Bu hökmün müstəhəbbi bir hökm olduğuna görə təxmini mühasibələrin burada ziyanı yoxdur.
Evlənməyə qadir olmadıqda cinsi qabiliyyəti aradan aparmaq
Əgər bir kişi heç bir vəchlə evlənməyə qadir deyilsə, yəni həyatının bütün sahələrində həmişə məğlubiyyətlə üzləşirsə və hətta ən yüngül və sadə şəkildə belə, evlənməyə qadir deyilsə, evlənməmək isə onun orqanizmində müxtəlif fəsadların və problemlərin yaranmasına səbəb olursa, dərman atmaq və ya cərrahiyyə əməliyyatı vasitəsilə öz cinsi qüdrətini aradan apara bilərmi?
Caiz deyil. Allah taala onun üçün bir çıxış yolu yaradana qədər səbirli olmalıdır.
Daimi əqdin yerinə müvəqqəti əqd siğəsinin oxunması
Qadın kişini daimi kəbinin icrası üçün vəkil tutmuşdursa, kişi isə müvəqqəti kəbinin icra olunduğunu iddia edərsə (özü də bir neçə ildən sonra), kəbinin, mehriyyənin, ər-arvad və uşaqlar arasındakı irsin hökmü nədir?
Kişinin düz dediyinə və müvəqqəti kəbin oxuduğuna yəqini olsa, kəbin batildir, kişi və qadın bir-birindən irs aparmırlar. Lakin uşaqları onlardan irs aparırlar. Amma kişi bu kəbinin batil olmasını bilirdisə, bu halda uşaqlar yalnız qadından irs aparırlar, kişidə yox. Kişi barəsində isə zina cəzası icra edilməlidir və hər bir halda qadının mehrul-mislini (mövcud mehriyyə dəyərini) ödəməlidir.
Mehrus-sünnə
Mehrus-sunnə nədir və onun indiki dəyəri nə qədərdir?
Mehrus-sunnə məşhur fətvaya əsasən, 500 gümüş dirhəmdir və onun dəqiq qiymətini zərgərlərdən soruşa bilərsiniz.
Yaxınlığa razı olmazdan öncə mehriyyəni tələb etmək
Əgər qadın mehriyəni almayacağı təqdirdə itaət etməyə (yaxınlığa) razı olmursa, digər tərəfdən əri də mehriyəni ödəməyə qadir deyilsə və eyni halda : “Talaq verməyəcəyəm və ömrümün axırına qədər xərclik verəcəyəm” – deyirsə, məsələnin hökmü necədir?
1) Qadın yaxınlığa razı olmazdan öncə mehriyəni tələb etməyə haqqı var. Hətta ərinin mehriyəni ödəmək üçün imkanı olmasa belə . 2) Ərin mehriyəsi yoxdursa, xərcliyini verməlidir. 3) Bu şərait illərlə davam etsə, belə ki, qadının zərərə düşməsinə və ya şiddətli məşəqqətinə səbəb olsa, şəriət hakimi əri talaq verməyə məcbur edəcək: əgər talaq verməsə, şəriət hakimi özü talaq verəcək və mehriyənin yarısı, ödəmək imkanı əldə edənə kimi ərin öhdəsində qalacaqdır.
Zifafdan öncə nəfəqə
Toy (nikah) mərasimi ilə zifaf gecəsi (müştərək həyatın ilk gecəsi) arasında, nə qədər ki, qız ər evinə getməyib, ərdən nəfəqə (xərclik) alması adət deyil. Əgər zövcə bir müddətdən sonra o dövrdəki nəfəqəsini tələb edərsə, onun nəfəqə almağa hüququ vardırmı? Halbuki, hələ tam şəkildə təslim olmayıb.
Nəfəqə almağa haqqı yoxdur.
