مرکز پاسخگویی به احکام شرعی و مسائل فقهی | İddənin hökmləri

Müvəqqəti nikahın iddəsində olan daimi nikah

Talaq verilmiş bir qadın, iddəsi bitəndən sonra müvəqqəti nikah bağlayır. Bir müddətdən sonra qohumların ağsaqqal və böyüklərinin vasitəçiliyi ilə birinci əri ilə evlənməsi qərara alınır. Qadın bunları ikinci ərinə bildirib çarə tapmasını istəyir. O, qalan müddəti bağışlayaraq təkrarən qadınla siğə bağlayır və duxuldan qabaq fəsx edir (nikahı pozur). Qadın isə ikinci fəsxin yaxınlıqdan öncə olmasını və yaxınlıq etməyənin iddəsi olmadığını dəlil gətirərək fasilə olmadan ikinci əri ilə evlənir. Bu mətləb səhihdirmi?

Qabaqkı nikahın iddəsi bu kimi işlərlə aradan qalxmır. İddə sona çatmamış onun yenidən evlənməsi səhih deyil və iddə saxlamadan heç bir kəslə nikah əqdi bağlaya bilməz.

دسته‌ها: Müvəqqəti nikahın iddəsi

Vəfat iddəsində nikah

Bir qadının vəfat iddəsində əqdini oxusalar və iddə sona çatandan təxminən 15 gün sonra toy etsələr və yaxınlıq baş versə, yəni, əqd iddə zamanı, duxul isə iddədən sonra baş versə, bəylə gəlin də bu məsələni və iddə zamanı evlənməyin haram olduğunu bilməsələr, buyurun ki, onlar bir-birlərinə əbədi olaraq haram olurlar, yoxsa yalnız əqd batil olur? Bu qadın birinci ərinin vəfat iddəsini tamamlamalıdır, yoxsa yox? Əqdin batil olduğunu fərz etsək, yenidən əqd oxumaq istəsələr, ikinci ər üçün iddə saxlamalıdırmı?

Nikah əqdi batildir. Lakin onlar bir-birinə əbədi olaraq haram olmurlar. İkinci ər barəsində “şübhəli yaxınlıq”la bağlı iddə sona çatmalıdır, yalnız bundan sonra digər şəxslə evlənməyə haqqı vardır. Amma ikinci ərlə evlənməsi üçün şübhəli yaxınlıqla bağlı iddəyə ehtiyac yoxdur.

دسته‌ها: Vəfat iddəsi

Vəfat iddəsində bəzənməkdən çəkinmənin miqdarı

Əri dünyadan getmiş, özü isə cavan olan (məsələn, 30 yaşında) qadın, əri vəfat etdiyinə görə zinət verməkdən həddən artıq çəkinir, hətta adi şəkildə təmizliyinə də baxmır və ərə getməkdən də çəkinir. Biri elçiliyinə gələndə “Ərimlə əhd etmişəm ki, bir daha ərə getməyim və aramızda şərt bağlamışıq ki, hansımız tez vəfat etsə, digəri evlənməsin” – deyir. Bu iş düzdürmü? Onların bağladığı bu şərtə əməl etmək vacibdirmi?

“Zinəti verməyi, bəzənməyi tərk etmək” mənasını verən “hidad”, vəfat iddəsi zamanı lazımdır. Lakin zinəti tərk etmək, paklıq və təmizliyi tərk etmək mənasında deyil. Sözü gedən şərtin heç bir etibarı yoxdur. Bu qadın iddə sona çatandan sonra evlənsə daha yaxşıdır.

دسته‌ها: Vəfat iddəsi

Talaq iddəsində əqd oxunması

Bir qız cavan bir oğlanla daimi şəkildə nikah bağlamışdır. Ailələrinin dindar olduğundan get-gəl üçün heç bir problem yaranmasın deyə, onlar arasında nikah əqdi oxunmuşdur. Kəbin oxunduqdan sonra nişanlı oğlan qızla təklikdə olan zaman arxadan yaxınlıq edirmişlər. Bir müddət sonra onların işi münaqişə və ayrılıqla nəticələnmişdir. Qız şəri məsələlərə agah olmadığı üçün bu növ yaxınlığın iddəsi olmadığını düşünmüş və elə buna görə də təəssüflər olsun ki, iddə halında digər birisi ilə daimi nikah bağlamışdır. O, bir neçə il ailə həyatından və uşaq dünyaya gətirəndən sonra məsələni başa düşmüşdür. Bu barədə şəriət hökmünü bəyan edin.

Məsələdə fərz olunanlara görə iddə sona çatdıqdan sonra yenidən əqd siğəsini oxumaları ehtiyat vacibdir və əbədi haram deyil.

دسته‌ها: Talağın iddəsi

Talaq iddəsinin fəlsəfəsi

Talaq verilmiş qadınların iddə saxlamalarının fəlsəfəsi nədir? Sonsuz qadınlar və ya uşaqlığı götürülmüş qadınlar bu qanundan müstəsnadırlarmı?

Qadınların iddə saxlamalarının müxtəlif fəlsəfələri vardır və yalnız uşağa qalmaq məsələsinə aid deyil. Ona görə də şəriətin qeyd etdiyi bütün hallarda qadın iddə saxlamalıdır, istər sonsuz olsun, istərsə uşaqlığı götürülmüş olsun, istərsə də fərzən bir neçə ilə öz ərindən ayrı yaşamış olsun. Bütün bu hallarda iddə saxlamalıdır.

دسته‌ها: Talağın iddəsi

Daimi nikahı müvəqqəti nikaha çevirmək

Daimi evliliyi müvəqqəti evliliyə çevirmək üçün talaq verib müvəqqəti əqd oxumaqdan başqa bir yol da varmı? Əgər yoxdursa, iddə saxlamaq lazımdır, yoxsa keçmiş əri iddə zamanı arvadı mütə edə bilər?

Bunun yolu yalnız talaqdır. İddə zamanı onunla evlənə bilər, bu şərtlə ki, talaq rici olmasın. Əgər talaq ricidirsə, iddə tamam olandan sonra onu öz müvəqqəti əqdinə keçirə bilər.

دسته‌ها: Talağın iddəsi

Aylıq adət görməyən qadının iddəsi

Əgər qadın uşağa süd verdiyinə görə aylıq adət görmürsə, onun talaq alarkən vəzifəsi nədir?

Axırıncı yaxınlıqdan sonra üç ay gözləməli, sonra talaq siğəsi icra olunmalı, sonra isə üç ay iddə saxlamalıdır.

دسته‌ها: İddənin hökmləri

Bir aylıq adətdən sonra yaisə olan qadının iddəsi

Ərindən boşanmış qadın talaqdan sonra bir və ya iki dəfə aylıq adət dövrü keçirmiş, sonra yaisə olmuşdursa, qalan iddə müddəti aradan gedirmi?

Bir dəfə adət dövrünü keçirmişdirsə, daha iki ay iddə saxlamalıdır. İki dəfə adət dövrü keçirmişdirsə, bir ay iddə saxlamalıdır.

دسته‌ها: İddənin hökmləri

Müsəlman olan zərdüştün iddəsi

İki ildir ki, İslam dinini qəbul etmişəm və 6 ay olar ki, zərdüşt dinindən olan ərimdən ayrılmışam. Bütün bunları nəzərə almaqla mən necə iddə saxlamalıyam?

Əgər İslam dinini qəbul etmənizdən iki il keçirsə, İslamı qəbul etdiyiniz zamandan sizin iddəniz başlamışdır. Ərinizin bu işdən xəbəri var idisə və sizin iddəniz zamanında müsəlman olmamışdırsa, iddəniz sona çatmış və o ərinizdən ayrılmışsınız. Talağa da ehtiyac yoxdur.

دسته‌ها: İddənin hökmləri

Zinadan hamilə olan qadının iddəsi

Zinadan hamilə olan qadın onunla zina edən şəxslə və ya qeyrisi ilə evlənir. Burada iddəyə ehtiyac varmı? Əgər əri, evlənəndən sonra ona talaq versə, iddəsi varmı? İddəsi olan təqdirdə, onun iddəsi əbədul-əcələyndir (iki iddədən ən uzun müddətlisini saxlamaq), yoxsa iqra (üç dəfə pak olma) iddəsi?

Zinadan hamilə olan qadının iddəsi yoxdur və zina edən şəxslə və qeyrisi ilə nikah bağlaya bilər. Əgər onun talağını versə, iddəsi iqra ilədir və yaxud 3 aydır və doğuş meyar deyil. Yaxınlıq baş verməmiş təmizliyə (tohre qeyri-müvaqəə) gəldikdə isə, hamilədə bu şərt lazım olmadığına görə, ona talaq verə bilər. Buna görə də aybaşı olmursa, üç ay gözləyib sonra ərə gedə bilər.

دسته‌ها: İddənin hökmləri

Əgər bir qadın bir kişinin müvəqqəti əqdinə keçmişdirsə və onunla yaxınlıq səbəbi ilə hamilə olmadığına əmindirsə (məsələn, kişi xacədirsə (axta) və ya qadın öz uşaqlığını çıxartdırmışdırsa), müvəqqəti əqdin müddəti bitəndən sonra iddə saxlamalıdırmı?

Duxul hasil olmuşdursa, iddə saxlamalıdır.

دسته‌ها: İddənin hökmləri

Aliməqamlı mərcəyi-təqlid Ayətullah əl-uzma Məkarim Şirazinin ofisi

Mərhəmət dini - İslam maarifi və əqidəvi şübhələrə cavab

Müvəqqəti nikahın iddəsində olan daimi nikah

Vəfat iddəsində nikah

Vəfat iddəsində bəzənməkdən çəkinmənin miqdarı

Talaq iddəsində əqd oxunması

Talaq iddəsinin fəlsəfəsi

Talaq verilmiş qadınların iddə saxlamalarının fəlsəfəsi nədir? Sonsuz qadınlar və ya uşaqlığı götürülmüş qadınlar bu qanundan müstəsnadırlarmı?

Daimi nikahı müvəqqəti nikaha çevirmək

Daimi evliliyi müvəqqəti evliliyə çevirmək üçün talaq verib müvəqqəti əqd oxumaqdan başqa bir yol da varmı? Əgər yoxdursa, iddə saxlamaq lazımdır, yoxsa keçmiş əri iddə zamanı arvadı mütə edə bilər?

Aylıq adət görməyən qadının iddəsi

Əgər qadın uşağa süd verdiyinə görə aylıq adət görmürsə, onun talaq alarkən vəzifəsi nədir?

Bir aylıq adətdən sonra yaisə olan qadının iddəsi

Ərindən boşanmış qadın talaqdan sonra bir və ya iki dəfə aylıq adət dövrü keçirmiş, sonra yaisə olmuşdursa, qalan iddə müddəti aradan gedirmi?

Müsəlman olan zərdüştün iddəsi

İki ildir ki, İslam dinini qəbul etmişəm və 6 ay olar ki, zərdüşt dinindən olan ərimdən ayrılmışam. Bütün bunları nəzərə almaqla mən necə iddə saxlamalıyam?

Zinadan hamilə olan qadının iddəsi

Şübhəli yaxınlıq iddəsinin əvvəli

Şübhəli yaxınlıq iddəsinin əvvəli nə zamandan başlanır? Bunun dəlil və sübutu nədir?

Hamilə olmadığına əmin olan qadının iddəsi

درختواره فقه

فهرست رساله