Ehtiyata əməl etməyin mənası
Məsələ 1. Müsəlman olan şəxs dinin əsas etiqadi məsələlərində üsulidində bir başqasına təqlid edə bilməz, gərək həmin məsələlərə öz düşüncəsi tutumunda dəlil əsasında etiqad bəsləsin. Amma furuidində, yəni ehkama (əməli göstərişlər) müctəhid olduğu təqdirdə (yəni ilahi hökmləri dəlil əsasında özü ələ gətirə biləndə) öz rəyinə əməl edər, özü müctəhid olmadıqda isə müctəhid olan bir şəxsə təqlid edər, necə ki, insanlar anlayışları və ixtisasları olmadığı sahələrdə həmin sahənin mütəxəssisinə müraciət edir, ona təqlid edirlər. Həmçinin, ehtiyata da əməl edə bilər. Yəni öz əməllərində elə bir şəkildə rəftar etmiş olsun ki, vəzifəsini yerinə yetirdiyinə yəqin hasil etmiş olsun. Məsələn, müctəhidlərdən bəzisi bir əməli haram, digərləri isə onu halal bilirlərsə, həmin əməli tərk etsin; ya bəziləri bir əməli müstəhəb, digərləri isə vacib hesab edirlərsə, həmin əməli yerinə yetirsin. Lakin ehtiyata əməl etmək çətin olduğundan və fiqhi məsələləri geniş şəkildə bilməyi tələb etdiyindən, insanların əksəriyyəti üçün asan yol müctəhidlərə müraciət edib, onlara təqlid etməkdir.