جس شخص نے بغیر کسی عذر کے رمی جمرہ کے لئے نایب کیا ہو
حج کے ایام میں اگر شیطان کو پتھر مارنے کیلئے کسی دوسرے کو نائب بنائے اگر چہ یہ شخص خود مریض نہیں ہے اور ڈاکٹر وغیرہ نے بھی کچھ نہیں کہا ہے بلکہ دو آدمیوں نے اس کواس بات کی ترغیب دلائی اور اس نے بھی قبول کرلیا اور خود نہیں گیابلکہ کسی دوسرے شخص کو بھیج دیا ، اب اسے کیا کرنا چاہئے؟
اس کا حج باطل نہیں ہے لیکن اگلے سال نایب کرے تاکہ وہ اس کی طرف سے اس عمل کو انجام دے ۔
جس شخص نے عمرہ تمتع کی تقصیر انجام نہیں دی ہے
ایک شخص کو حج کے احرام کے بعد ، عرفات میں جاکر یقین ہو گیا کہ اس نے عمرہ میں تقصیر نہیں کی ہے ، یہ شخص کیا کرے ؟
جواب:۔ جب کوئی شخص تقصیر کو بھول جائے اور حج کے اعمال انجام دینے چلا جائے ( یعنی احرام باندھے اور عرفات میں چلا جائے ) اس کا عمرہ اور حج صحیح ہے اور اس پر کوئی چیز ( یعنی کفارہ ) نہیں ہے لیکن بہتر ہے کہ کفارہ کے عنوان سے ایک بھیڑ بکری ذبح کرے ۔
حج کے تمام ہونے کے بعد، مطلع ہونا کہ وضوء کے لئے مانع موجود تھا
ایسی خاتون جس کے ناخون اور انگلیوں کی پشت پر پالش چسپاں ہے اور اسی حالت میں حج کے اعمال انجام دےتی اور یہ نہیں جانتی کہ یہ رنگ ، وضو اور غسل کے لئے مانع ہوتا ہے کیا اس کے اعمال صحیح ہیں اور اگر حج کے اعمال بجالانے کے بعد متوجہ ہو جائے تو اس کا کیاوظیفہ ہے ؟
جواب:۔ اس کا طواف اور نماز صحیح نہیں ہے لہٰذا ان دو اعمال کو دوبارہ انجام دے اور احتیاط واجب کی بنابر سعی اور تقصیر کو بھی دوبارہ انجام دے ان کے علاوہ اس کے باقی اعمال صحیح ہیں اور اگر خود انجام نہیں دے سکتی تو کسی کو نائب بنالے۔
منیٰ کے باہر بعض حاجیوں کاخیمہ نصب کرنا
حاجیوں کی کثیر تعداد ہونے کی وجہ سے بعض حاجیوں کے خیمے منیٰ کے باہر نصب ہوتے ہیں ان کا کیا وظیفہ ہے ؟
جواب :۔ ضرورت کے وقت اشکال نہیں ہے اور اس صورت کے علاوہ جائز نہیں ہے ۔
دوسروں کی میراث کے حصہ سے اعمال حج بجا لانا
اگر بعض وارث دوسرے وارثوں کا حصہ دیئے بغیر ( یعنی پوری میراث ہڑپ کرکے ) حج کرنے جائیں ، ان کا حج کرنا کیسا ہے اوران کے ساتھ صلہ رحم کرنے کا کیا حکم ہے ؟
جواب:۔جب تک میراث سے بعض وارثوں کاحصہ ادا نہ کیا جائے اور مشاع ( شرکت)کی صورت میں ان کے حصہ کا مال میراث کے باقی مال کے ساتھ ہوتو اس میں تصر ف کرنا حرام ہے اور اگر اسی مال سے حج کرنے جائیں اور احرام کا لباس اور قربانی کو اسی مال سے مھیا کریں ، ان کے حج میں بھی اشکال ہے اور جب تک باقی وارثوں کا حصہ نہیں دیں گے وہ مال غصبی مال کے حکم میں ہے اور اگر ان کے ساتھ صلہ رحم کرنے یا نہ کرنے کا نہی عن المنکر میں کوئی اثر نہ ہو تو صلہ رحم کو ترک نہیں کرنا چاہئیے ۔
صفا اور مروہ کی حدیں۔
موجودہ تعمیرات کے نتیجہ میں ، صفاو مروہ پہاڑ کا آخری حصہ معلوم نہیں ہے مسجد الحرام کے کار کن ضعیف سن رسیدہ اور بیمار حاجیوں سے اجرت لے کر انہیں وہیل چیئرسے سعی کراتے ہیں اور حاجیوں کے دور سے جلدی وہیل چیئرسے دور ( چکر ) لگاتے ہیں ، ان کا کیا وظیفہ ہے ؟
جواب :۔ فرش شدہ فوقانی حصہ پہاڑ کا جزء ہے اور وہیل چیئرسے جو راستہ طے کرتے ہیں یقینا صفا اور مروہ کے پہاڑ کے اوپر ہے اور اس میں کوئی اشکال نہیں ہے ۔
شادی سےپہلےحج بجا لانےکی نذرماننا
اکسی خاتون نے شادی سے پہلے نذر مانی ہو کہ حج بجا لائے گی اور اس کے بعد شادی کرلے ، کیا تب بھی فریضہ حج بجالنے کے لئے ، شوہر کی اجازت ضروری ہے ؟ اور کیا شوہر کو منع کرنے کا حق ہے ؟
جواب:۔ شوہر کی اجازت لازم ہے اور شوہر کو منع کرنے کا حق ہے ( چونکہ یہ نذر ی حج ہے مترجم )
حرم کے باہر قافلہ کے کارکنوں کی رفت و آمد
عمرہ کے اعمال بجالانے کے بعد حج کے قافلہ کے کار کن ، خیموں کو معین اور حاجیوں کے لئے آذوقہ اور ، خورد نوش کا سامان لے جانے کے لئے ، احرام کے بغیر چند مرتبہ ، میدان عرفات اور منیٰ میں رفت و آمد کرتے ہیں ، ان کا حکم بیان فرمائیں ؟
جواب:۔ جائز ہے چنانچہ عسرو حرج( شدید مشقت) کا باعث نہ ہوتو حج کا احرام پہن کر مُحرِم ہو جائیں ۔
اس شخص کا مستحب طواف کرنا جس نے حج کا قصد کیاہو
جس شخص نے حج کے احرام کی نیت کی ہے اور اس کی نیت واقع ہوگئی ہے کیا اس کے لئے مستحبی طواف کرنا جائز ہے ؟
جواب :۔ احتیاط یہ ہے کہ مستحبی طواف کو ترک کرے لیکن اگر انجام دیدیا تو اس کے حج کے لئے مضر نہیں ہے ۔
وادی مشعر میں کارکنوں کا وقوف نہ کرنا
شب عید قربان ،قافلوں کے کار کن اشخاص ، خواتین کے ساتھ آدھی رات کے بعد ، منیٰ میں جاتے ہیں اور پھر مشعر میںواپس پلٹ کر نہیں آتے ، کیا ان پر کفارہ ہے اور ان کاحج صحیح ہے ؟
جواب :۔ چنانچہ راہنمائی اور خواتین ان کی وضیعت کی دیکھ بھال کے لئے ان کے ساتھ جانا ضروری ہے تو کوئی حرج نہیں ہے اور ان پر کفارہ بھی لازم نہیں ہے ۔
بچوں اور شیرخواروں کا طواف
اگر طواف یا سعی کے دوران چھوٹے بچے سوجائیں یا طواف کے دوران نوزاد بچہ اپنے کپڑوں میں پیشاب کرلے تو اس کا کیاحکم ہے ؟
جواب :۔ دونوں صورتوں میں صحیح ہے انشاء اللہ ۔