کھانا لانے کے لئے معتکف کامسجد سے نکلنا
وہ لوگ جن کو کھانے میں خاص مشکل ہے، کیا کھانا لانے کی وجہ سے اعتکاف کی جگہ سے نکل سکتے اور دوبارہ واپس آسکتے ہیں؟
ضرورت کی صورت میں کوئی حرج نہیں ہے ۔
نابالغ بچے کا اعتکاف
نابالغ بچے کے اعتکاف کا کیا حکمم ہے خصوصاً تیسرے دن میں داخل ہوجانے کے بعد؟
اگر بچہ ممیز ہو اور اعتکاف کے شرائط کو انجام دے تو کوئی اشکال نہیں ہے ۔
فٹبال کے کھلاڑیوں کے لئے روزہ رکھنا
میں نے یورپ کے ایک فٹبال کلَب کے معاہدہ پر دستخط کئے ہیں کہ ایک سال تک ان کے اختیار میں رہوں، قاعدتاً ضروری ہے کہ کھیل اور جسمانی سخت مشقوں کے تمام پرورگراموں میں جو آئندہ میں ہونے والے مقابلوں میں کامیابی کے باعث ہوتے ہیں، ان کے تابع رہوں، جبکہ جسمانی سخت ورزشوں کا کچھ حصّہ رمضان المبارک میں واقع ہوتا ہے جن کا روزہ کی حالت میں انجام دینا ممکن نہیں ہے اور دوسری طرف کلب کا سرپرست کہتا ہے کہ ”تم ایک مومن اور متدین انسان ہوں اور ہم نے پہلے سے لاکھوں خرچ کرکے تمھارے وقت کو خرید رکھا ہے اب اگر ان مشقوں میں تمھاری شرکت نہ کرنے کی وجہ سے ٹیم ہارتی ہے تو میں تم سے راضی نہیںہوں چونکہ تم اس سال ہم سے تنخواہ لوگے بہرحال تم نے ہمارے ساتھ معاہدہ کیا ہے لہٰذا تمھیں روزہ نہیں رکھنا چاہیے“کیا میں اس کلب سے معاہدہ اور اس ٹیم میں رہنے کا عہد کرنے کی بنیاد پر نیز اس ٹیم کی کامیابی کی خاطر (کہ جس کا لازمہ روزہ نہ رکھنا ہے) روزہ نہ رکھوں اور اگلے سال اس کی قضا کروں؟
ایک مسلمان کی شان نہیں ہے کہ اس طرح کے معاہدے کرے کیونکہ یہ معاہدہ شرعاً باطل ہے بہرحال دوسروں سے کہنا چاہیے کہ ہمارا مذہبی عقیدہ اس چیز کی اجازت نہیںدیتا، ہاں البتہ اگر کوئی چارہ نہیں ہے تو رمضان کے پہلے روز مثلاً دن میں ایک گھنٹے کے لئے کہیں چلے جائیں اور پلٹ آئیں اور پھر دس دن سے پہلے اسی طرح سفر کا کرلیں، بشرطیکہ آپ طولانی مدت مثلاً ایک سال تک وہاں پر رہیں ۔
ماہ رمضان کی پہلی تاریخ ثابت ہونے کے لئے علم نجوم کے ماہرین کی طرف رجوع کرنا
اس چیز کو مدنظر رکھتے ہوئے کہ دور حاضر میں علم نجوم میں ترقی یافتہ آلات موجود ہیں اور بہت سے اشخاص اس علم کے ماہر اور اس فن میں اہلِ خبرہ ہیں اور چونکہ اہلِ خبرہ افراد کی طرف رجوع کرنا ایک سیرت رہی ہے اور صحیح بھی ہے نیز اس چیز کو بھی مدنظر رکھتے ہوئے کہ مثلاً یہ لوگ بڑے دقیق حساب کی بنیاد پر اعلان کرتے ہیں کہ فلاں سال فلاں روز فلاں گھنٹے فلاں منٹ فلاں سیکنڈ فلاں ملک میں سورج گہن ہوگا اور ایسا ہوتا بھی ہے، ہمارا سوال یہ ہے کہ رمضان المبارک یا شوال کے مہینوں کی پہلی تاریح معین کرنے کے لئے ان کی طرف رجوع کیوں نہیں کیا جاتا، اور عام لوگوں کو چاند دیکھنے کے لئے شہروں کے باہر کیوں بھیجاتا ہے تاکہ روزہ اور اس کے افطار کی تکلیف کو معین کیا جاسکے؟
ہمارا عقیدہ یہ ہے کہ موجودہ زمانہ میں اگر علماء نجوم دقیق آلات کے ذریعہ چاند دیکھنے کے سلسلے میں متفق القول ہوں تو اُن کی مخالفت مشکل ہے، مگر یہ کہ چاند دیکھنے کے مسئلہ میں لوگوں کی کثیر تعداد اُن کے مخالف دعویٰ کرے، ہم نے اس نظریہ کو گذشتہ سال نشر کیا تھا ۔
روزہ دار کے لئے ۸۰فی صد ضرر کا احتمال
بعض موقعوں پر ڈاکٹر حضرات بیماروں کے لئے اپنی رائے کا اس طرح اظہار کرتے ہیں :”اس شخص کے لئے روزہ رکھنا ۸۰فی صد نقصان دہ ہے“ اس سے ان کی مراد یہ ہوتی ہے کہ ایک علمی سروے کے مطابق ایسے مرض میں مبتلا افراد نے اگر روزہ رکھا ہے تو ان میں سے ۸۰فی صد مریضوں کو نقصان ہوا ہے، اگر یہ اظہار رائے انسان کے لئے یقین آور ہو، لیکن اپنی حالت کو اس سروے پر تطبیق نہ دے تو اس کے لئے روزہ کا کیا حکم ہے؟
ایسے سروے اگر متدین اطبّاء سے سنے جائیں تو طبیعی طور پر ضرر کے خوف کا باعث ہوتے ہیں لہٰذا اس صورت میں روزہ واجب نہیں ہے ۔
وہ اشخاص جن میں کفارہٴ جمع (تینوں کفارے) کے دینے کی طاقت نہ ہو
اگر کسی نے ماہ رمضان میں عمداً اپنے روزوں کو حرام کام سے باطل کیا ہو، لیکن اب وہ سخت پشیمان ہے اور ہر روزہ کے بدلے ۶۰ روزے بھی نہیں رکھ سکتا اور نہ ہی ایک غلام آزاد کرسکتا ہے، اس صورت میں کیا وہ فقط ۶۰ فقیروں کو کھانا کھلانے پر اکتفا کرسکتا ہے؟
توضیح المسائل کے مسئلہ نمبر ۱۴۰۲ کے مطابق عمل کرے ۔
روزہ کے کفارہ کو فقراء میں خرچ کرنا
کیا روزہ کے کفارہ سے فقراء کو کھانا کھلایا جاسکتا ہے؟ کیا یہ حکم مسکینوں کو بھی شامل ہے؟
روزہ کے کفارہ کو فقراء اور مسکین دونوں کو دیا جاسکتا ہے ۔
روزہ دار کا پورے بدن کو پانی میں ڈبونا
ہم ایک ایسی جگہ کام کرتے ہیں جہاں پر اصول صحت کے تحفظ کی خاطر ، ہم دن میں ایک یا کئی بار حوض ”کلور+پانی“ میں غوطہ لگانے پر مجبور ہیں ؛ اس چیز کو مدّنظر رکھتے ہوئے کہ ہمار پورا بدن اور سر پانی میں چلا جاتا ہے، اس صورت میں ہمارے روزے کا کیا حکم ہے؟ یہ بھی ذکر کردینا ضروری ہے کہ میں یا میرے ساتھی پورے ماہ رمضان کی چھٹی نہیں لے سکتے تو ہمارا کیا وظیفہ ہے؟
سب سے اچھا راہ حل یہ ہے کہ پانی میں جائیں لیکن سر کو پانی کے اندر نہ لے جائیں؛ اور پانی کو اپنے سر پر ڈالیں یا آدھے سر کو ایک بار ڈبوئیں اور آدھے کو دوسری بار۔
موٹر سائیکل کے دھویں کا ناک میں جانا
میں ایک روز رمضان المبارک کے ایّام میں ایسی موٹر سائیکل کے پاس کھڑا تھا جو دھواں دے رہی تھی، اور جیسا کہ مجھے یاد ہے اس وقت میں اکثر ناک سے سانس لے رہا تھا، کیا میرا روزہ باطل ہے؟
اگر عام لوگ اس کو غلیظ دھواں جانتے ہوں اور آپ نے بھی جان بوجھ کر اور متوجہ ہوتے ہوئے اس کو سونگھا ہو تو آپ کے روزے میں اشکال ہے اور اگر وہ دھواں مشکوک تھا تو کوئی اشکال نہیں ہے ۔
روزہ دار کا مسواک کرنا
کیا روزہ کی حالت میں مسواک کرسکتے ہیں؟ اگر لعاب دہن سے مرطوب مسواک سے دوبارہ مسواک کریں تو کیا حکم ہے؟
روزہ کی حالت میں مسواک کرنے میں کوئی حرج نہیں ہے لیکن اگر مسواک کو باہر نکالیں اور پھر منھ میں لے جائیں او اس کی رطوبت لعاب دہن میں مستحلک (گھُل) نہ ہوئی ہو تو جائز نہیں ہے اور اگر ٹوتھ پیسٹ سے مسواک کررہے ہیں تو مسواک کے بعدمنھ کو اچھی طرح سے دھلنا چاہیے ۔