قتل میں ضرب لگانے والے اور ڈاکٹر کی ذمّہ داری کا معیار
کوئی آدمی کسی کے بارے میں کوئی ایسا کام انجام دیتا ہے جو یا تو عام طور پر موت کاسبب ہوتا ہے جیسے سمّ قاتل یعنی زہر دینا یا عام طور پر موت کا باعث نہیں ہوتا، جیسے کسی کے بازو پر معمولی زخم لگادینا، بہرحال دوسرے فریق کو اسپتال لے جایا جاتا ہے اور پہلے فرض میں، ڈاکٹر اپنی ذمّہ داری کے مطابق عمل نہیں کرتا اور زہر کے اثر کو ختم نہیں کرتا اور دوسرے فرض میں ڈاکٹر کی بے توجّہی اور غیر طبّی آلودہ اوزار کے استعمال کی وجہ سے، سیپٹک ہوجائے جس کے نتیجہ میں، زخمی شخص کے بدن کا کوئی حصّہ کاٹ دیا جائے یا وہ بھی مرجائے، ان دونوں صورتوں میں، قاتل کون ہے؟ قتل کس نوعیت کا ہے؟ اور اگر ڈاکٹر اور مارنے والا دونوں لوگ اس کی موت کے ذمّہ دار ہیں تو اس صورت میں دونوں کی ذمّہ داری کی کیا کیفیت ہوگی؟
پہلے فرض میں، جس شخص نے زہر قاتل دیا ہے وہی قاتل شمار ہوگا اور قتل عمد ہے اور دوسرے فرض میں کہ ڈاکٹر کی غلطی اس کی موت کا باعث ہوئی ہے وہی ڈاکٹر قاتل سمجھا جائے گا لیکن اس صورت میں قتل، قتل شبہ عمد ہے اور اگر دونوں اس کی موت کے ذمّہ دار ہیں تو اس صورت میں قتل میں دخالت کی مقدار کے مطابق، ان کے اوپر دیت لازم ہوجائے گی ۔
گاڑی ایکسیڈیٹ میں ہونے والے زخمی کو ایسے ہی چھوڑ دینا
ایک قصور وار ڈرائیور سڑک پر پیدل چلنے والے شخص کو ٹکّر مار دیتا ہے اور اسپتال لے جانے کے بہانے سے زخمی کو گاڑی میں سوار کرلیتا ہے لیکن سزا کے خوف سے اُسے جنگل بیان میںلوکوںکی رسائی سے دور چھوڑکرفرار ہوجاتاہے ،زخمی شخص کا خونریزی اور طبّی امداد نہ ملنے کی و جہ سے اسی بیابان میں انتقال ہوجاتا ہے، کیا اس قتل کو، قتل عمد شمار کیا جائے گا؟
اگر اس کا اس حال میں بیابان میں چھوڑ دینا باقاعدہ، اس کی موت کا باعث تھا تب یہ قتل عمد ہی شمار ہوگا ۔
زنا ہونے کے یقین کی وجہ سے زنا کار کو قتل کردینا
ایک شخص نے اس یقین کے ساتھ کہ اس کے داماد نے اس کی زوجہ (یعنی اپنی خوشدامن) کے ساتھ زنا کیا ہے، عمداً اس کو قتل کردیا ہے، کیا زنا کا جاننا، قتل کا جواز ہے؟ اور کیا قاتل کا یقین واعتقاد، قتل کی نوعیت میں اثر رکھتا ہے اور مقتول کے مہدور الدم (جن کا خون رائگاں اور قصاص نہ ہو) ہونے کے اعتقاد سے ملحق ، موضوع ہے؟
فقط زنا سے واقف ہونا، قتل کرنے کا جواز نہیں ہوسکتا مگر یہ کہ اس کو اپنی زوجہ سے زنا کرتے ہوئے دیکھ لے کہ اس صورت میں اس کا قتل جائز ہے لیکن جب تک عدالت میں ثابت نہ کرے، عمدی قتل شمار ہوگا اور ان موارد میں کہ جہاں ثابت ہوجائے کہ قاتل، مقتول کے مہدور الدم ہونے کا یقین رکھتا تھا اور اسی یقین سے اُسے قتل کردیا ہے، تب یہ قتل، قتل شبہ عمد شمار ہوگا ۔
شب عید فطر بے ہوش رہنے والے شخص کا فطرہ
اگر کو ئی شخص عید الفطر کی شب ، غروب کے وقت بیہوش ہوجائے ، کیا اس سے زکات فطرہ ،ساقط ہے ؟
جواب:۔ بیہوش ہونا زکاة فطرہ کے ساقط ہونے کا باعث نہیں ہوتا۔
حکومت کی روٹیاں (کاکھانا) کھانے والے سپاہی کا فطرہ
حکومت کی روٹیاں کھانے والے سپاہی کا زکات فطرہ کس کے ذمہ ہے ؟
جواب :۔ حکومت پر واجب نہیں ہے، اور اگرفقیر ہوتو خود اس پربھی واجب نہیں ہے ، لیکن اگر مالدار ہو تو احتیاط یہ ہے کہ خود ہی اپنا فطرہ نکالے۔
ان مزدران پر زکا ت جو کھیتی میں سے حصہ وصول کرتے ہیں۔ (بٹائی پرکھیتی کرنے والے کسان پر زکات)
کھیتی کرنے والے مزدور حضرات جو بٹائی پر کھیتی کرتے ہیں اور حق الزحمت ( مزدوری )کے عنوان سے کھیتی میں سے ، حصہ وصول کرتے ہیں ، کیا ان پر بھی زکات دینا واجب ہے ؟
جواب:۔ اگر کھیتی سے حصہ وصول کرنا ، کھیتی کے تمام کاموں کے مقابلے میں ہے (جیسا کہ ہمارے ملک میں مالک اور رعایہ کے درمیان معمول ہے ) تو ان کے حصہ پر بھی زکات ہے لیکن اس شرط کے ساتھ کہ ان کا حصہ وہ نصاب کی مقدار میں ہو، البتہ اگر ( کھیتی کے بعض کام جیسے ) کاٹنے وغیرہ کے بدلے حصہ وصول کرے ( یعنی زکات واجب ہونے کے بعد) تو اس صورت میں ، مزدور پر کچھ نہیں ہے ۔
زکات کے متعلق فقر کا معیار
فقیر کس کو کہا جاتا ہے ؟
جواب:۔ جو شخص معمول کے مطابق اپنے سال بھر کے اخراجات نہیں رکھتا فقیر ہے ۔
ٹیکس اور زکات میں رابطہ
کیا اسلامی جمہوریہ ملک میں ٹیکس دینا رقوم شرعیہ کی جگہ ، کفایت کرے گا ؟
جواب:۔ ٹیکس بھی کام کاج کے دیگر اخراجات کی طرح ہے ، لہٰذا وہ رقوم شرعیہ کی جگہ نہیں لے سکتا ۔
آبیاری کیے ہو ئے گیہوں میں زکات کا نصاب
آبیاری کے لئے گہوں کی زکات کی مقدار اور اس کا نصاب ، بیان فرمائیں ؟
جواب :۔ اس کی زکاة ۲۰/۱ یعنی پانچ فیصد ہے اور ا س کے نصاب کی مقدار دیگر تمام موارد کی طرح ۸۴۷ کلو گرام ہے ۔
زکات میں بیج کی قیمت کا معیار
بیج کی قیمت کا معیار جو پیدا وارسے کم کی جائے گی ، کونسا وقت ہے ؟ بیج ڈالنے کا زمانہ یافصل کاٹنے کا وقت؟
جواب:۔ قیمت کا معیار بیج ڈالنے کا دن ہے ، لیکن ہمارے فتوے کے مطابق ، احتیاط واجب کی بناپر زراعت کے لئے جو بیج بویا گیا ہے اس کی قیمت کوپیداوارسے کم نہیں کرنا چاہئیے البتہ اس مسئلہ میں دیگر مجتہد ین کرام کی جانب، رجوع کرسکتے ہیں ۔
زکوات سے مربوط چیزیں
ان نو چیزوں کے علاوہ جن پر زکات واجب ہے ، کیا دیگر چیزیں بھی زکات کے حکم میں شامل ہیں ؟
جواب: واجب زکات کے مقامات وہی نو چیزیں ہیں ، لیکن مستحب زکات ، دیگر چیزوں کو بھی شامل ہے ۔
مالک کی اجازت کے بغیر زکوات دینا
ایک شخص زکات نہیں دیتا ، کیا اس کا بیٹا ، باپ کے بتائے بغیر اصل مال سے ، زکات کے حصہ کو جدا کرکے مستحق کو دے سکتا ہے ؟
جواب:۔ حاکم شرع کی اجازت سے ، ایسا کرسکتا ہے ۔
وطن میں حج کے کفاروں کو ادا کرنا
کیا حاجی حضرات عمرہ اور حج تمتع کے کفاروں کو اپنے شہروں میں واپس آنے کے بعد ادا کرسکتے ہیں ؟
جواب :۔ کوئی حرج نہیں ہے لیکن وہ سب کا سب ضرورتمندلوگوں کو دیدیں ۔
وقت ضرورت چھت والی گاڑی میں سوار ہونا
حج کے زمانے میں قافلہ کا ایک کارکن شخص خواتین کے ساتھ ، راننما کی حیثیت سے ، دن کے وقت چھت والی گاڑی میں مکہ مکرمہ جاتا ہے ، کیا اس پر کفارہ لازم ہے ؟
جواب :۔ ضرورت کے وقت سایہ میں جانا جائز ہے ، لیکن کفارہ ہے اوراس کا کفارہ ہر احرام کے لئے ایک بھیڑ( بکری) ہے یعنی مکمل عمرہ کے احرام کے لئے ایک بھیڑ اور مکمل حج کے احرام کے لئے بھی ایک بھیڑ کافی ہے ۔